გამოხმაურებათა რაოდენობა: 199

[Jano Zhvania]

სამაუწყებლო კომპანია რუსთავი2,
ადმინისტრაციული დირექტორი, ჩემი ფუნქციაა ადმინისტრაციულ დეპარტამენტში შემავალი განყოფილებების მართვა, ტოპ მენეჯმენტი, რუსთავი 2-ის პარტნიორ რეგიონალურ ტელევიზიების დირექტორებთან ურთიერთობა და სატელევიზიო ქსელის მენეჯმენტი, ორგანიზებული მაქვს რამდენიმე საერთაშორისო პროექტები: ფოქს კიდს ქაფ - მსოფლიო ჩემპიონატი ბავშვთა ფეხბურთი და ა.შ. აქ მუშაობა ძალიან საინტერესოა და ამასთან ჩემთვის ძალიან სასიამოვნო, ეს ალბათ იმიტომ რომ, ჩემი კოლეგების (სხვა განყოფილებების დირექტორები) და გენერალური დირექტორის შეხედულებები ბიზნესზე, მენეჯმენტზე და სტრატეგიაზე ერთმანეთს ემთხვევა და ვართ ერთი შეკრული გუნდი.

[Lasha Shamatava]

შპს ორიფლეიმ-ჯორჯია (კომპანია ორიფლეიმის თბილისის ფილიალი, სერვის ცენტრი, ვემსახურებით საქართველოს და სომხეთს).
თანამდებობა - სისტემური სუპერვაიზორი (იგივე აი-ტი მენეჯერი) და ოპერაციული მენეჯერი. აქ ვმუშაობ 2003 წლის ოქტომბრიდან.
ჩემი ძირითადი მოვალეობაა, რომ კომპანიამ იმუშაოს შეუფერხებლად, როგორც ტექნიკური, ასევე ოპერაციული თვალსაზრისით.

ორიფლეიმი - ერთ-ერთი სამაგალითო ნიმუშია ქსელური (მლმ) მარკეტინგის. კომპანია შვედური წარმოშობისაა, დაკავებულია კოსმეტიკის, პარფიუმერიისა და შესაბამისი აქსესუარების წარმოებითა და დისტრიბუციით თითქმის მთელ მსოფლიოში.

ლაშა შამათავა

[Lasha Shamatava]

Gia Jgharkava

ციტატა

შეიძლება ითქვას, რომ ჩვენი კომპანია საქართველოში კორპორატიული სულისკვეთების მქონე პირველი IT კომპანიაა. ადრე ძირითადად ყველანაირი კომპიუტერული ტექნიკის გაყიდვით ვიყავით დაკავებულებაი, ამჟამად ვყიდით არა ტექნიკას, არამედ სრულყოფილ გადაწყვეტილებებს. ვართ hp, IBM, CISCO, Sun, Symantech, Microsoft, Checkpoint-ისა და SAP-ის ბიზნეს პარტნიორები. კომპანია გამოირჩევა კლიენტთან განსაკუთრებული მიდგომითა და სრული სერვისის უზრუნველყოფით.

ძალიან სასიამოვნოა ქართული კომპანიის ასეთ დონეზე გასვლა. ვგულისხმობ როგორც მენეჯმენტს, ასევე ტექნოლოგიურ მხარეს. ალბათ თავისი წვლილი ამ საქმეში სანდრო ჯეჯელავამაც შეიტანა. სანდრო ჩემი ჯგუფელი იყო, დიდი მოკითხვა ჩემგან...

[Rezo Magalashvili]

სს. სადაზღვევო კომპანია "სელბი"
გაყიდვების მენეჯერი

მოვალეობა:
ჩემს მოვალეობაში შედის სამი პროდუქტის რეალიზაცია: ავტოტრანსპორტის დაზღვევა, ნებაყოფლობითი სამოქალაქო პასუხისმგებლობის დაზღვევა, მძღოლისა და მგზავრის უბედური შემთხვევისაგან დაზღვევა. ასევე, ამ პროდუქტების მუდმივი დახვეწა, კონკურენტუნარიანი ტარიფების შემუშავება, კლიენტებთან მომსახურების ხარისხის კონტროლი, დამატებითი მომსახურებების შემუშავება.

სს. სადაზღვევო კომპანია "სელბი" მხოლოდ 2002 წელს შეიქმნა და მოქმედ 17 სადაზღვევო კომპანიაში უკანასკნელი რეიტინგით მე-6 ადგილზეა.

[Davit Mdivani]

ფარმაცევტული კომპანია ''პსპ ჯგუფი''
მე სტრატეგიული მართვის მენეჯერი ვარ
რეალურად ეს კომპანია მართლა ჯგუფია, რომელიც ცდილობს ყველაფერი გააკეთოს, ერთი დანიშნულების რეალიზაციისათვის
''გავუადვილოს ადამიანებს ჯანმრთელობაზე ზრუნვა". ჯგუფია იმიტომ, რომ შედის ფარმაცევტული ბიზნესის რამდენიმე მიმართულება:

1. ფარმაცევტული პროდუქციის იმპორტი და დისტრიბუცია (დაახლოებით 900 პარტნიორი აფთიაქი);
2. საცალო რეალიზაცია (პსპ-აფთიაქების ქსელი 40-მდე საკუთარი აფთიაქი მთელი საქართველოს მასშტაბით);
3. ფარმაცევტული წარმოება (ISO სტანდარტის GMP-ის წარმოება);
4. სამედიცინო ჟურნალი ''ჩვენი ჯანმრთელობა"

მართალია სულ ეხლა ხანს გავიგე ამ ფორუმის არსებობის შესახებ მაგრამ მაინც მივეცი თავს იმის უფლება, რომ წარმედგინა ჩემი თავი, რადგან შემდეგ უფრო ადვილი გახდეს ჩვენი ურთიერთობა.
იმედია მაპატიებთ

[Lasha Shamatava]

DaviT Mdivani

ციტატა

1. ფარმაცევტული პროდუქციის იმპორტი და დისტრიბუცია (დაახლოებით 900 პარტნიორი აფთიაქი);

რიცხვი 900 გადაჭარბებული ხომ არ არის?

ციტატა

2. საცალო რეალიზაცია (პსპ-აფთიაქების ქსელი 40-მდე საკუთარი აფთიაქი მთელი საქართველოს მასშტაბით);

აქედან თბილისზე რამდენი მოდის?

ციტატა

3. ფარმაცევტული წარმოება (ISO სტანდარტის GMP-ის წარმოება);
4. სამედიცინო ჟურნალი ''ჩვენი ჯანმრთელობა"

ესენი "ავერსთან ერთად", ხომ?

ისე რომელია ახლა ლიდერი თქვენ ორს (პსპ და ავერსი) შორის?

ციტატა

მე სტრატეგიული მართვის მენეჯერი ვარ

და რას აკეთებს სტრატეგიული მართვის მენეჯერი "პსპ ჯგუფში"?

[Davit Mdivani]

Lasha Shamatava
არ არის გადაჭარბებული მარტო ხაშურში იქნება 30 პატარა აფთიაქი, ამ 900-იდან სერიოზული ალბათ 40-45 % -ია

თბილისზე 28

ავერსთან საერთო არაფერი გვაქვს ქარხანა მთლიანად პსპ-ჯგუფში შედის და ჟურნალიც მთლიანად ჩვენია (ისე ჩვენში დარჩეს და ჟურნალის სახელწოდება ავერსსაც იგივე ჰქონდა ჩვენი იდეა მოიპარა მაგრამ მერე ბოდიში მოიხადა და სახელწოდება შეცვალა და ჩვენი ჯანმრთელი სიცოცხლე დაარქვა)

რაც შეეხება ჩემს საქმეს სტრატეგიული, ტაქტიკური, საოპერაციო დაგეგმვა და კონტროლი, კომპანიის ინსტიტუციონალური განვითარება და ისეთი საქმეები, რომლებიც ''უცნაურია'', ჯერ ახალი გადმოსული ვარ და ეხლა ვცდილობ ავეწყო

რაც შეეხება ბაზარზე ლიდერს 2-3%-ით გვჯობია ავერსი, მაგრამ ვცდილობთ გახვდეთ პირველები

[Lasha Shamatava]

DaviT Mdivani
მადლობა დავით პასუხისთვის. ისე არ დავმალავ - თითქმის 5 წელი ვიმუშავე ავერსში.

[Gocha Melkadze]

შპს ფუდიმპექს ჯორჯია

დანონჯგუფის პარტნიორი კომპანია.

დირექტორი და ერთ-ერთი მეპატრონე.

მოხარული ვიქნები გავიცნო ფორუმის ხშირი ტუმრები.

მეგობრული სალამით,

გოჩა მელქაძე

[Davit Mdivani]

Lasha Shamatava
ვაა ძალიან კარგი
ძალიან მიყვარს ავერსი
ავერსი, რომ არ არსებობდეს ცხოვრება გაცილებით უინტერესო იქნებოდა
ეს, ჩემი აზრით, ჯანსაღი კონკურენცია ძალიან კარგია და ადამიანებს სერიოზულ მუხტს აძლევს
ჯიპისი ძალიან პატარაა სერიოზული თამაშისათვის

ისე თუ საიდუმლო არ არის რა პოზიციაზე მუშაობდი და რატომ წახვედი?

[Gocha Melkadze]

Ilia Mchedlishvili

რა თქმა უნდა. მაგრამ ხელმისაწვდომი ფასებით ჯერჯერობით ნამდვილად ვერ დავიტრაბახებ. თუმცა თუმცა ჩვენი მარკეტინგით ქსელის განვითარების ეტაპები სხვადასხვა ანგარიშგასაწევი ფაქტორებით განისაზღვრება.

[Inga Potskhishvili]

ბევრ კომპანიას გონია, რომ ფლობს მთლიანად სავაჭრო ქსელს. იოგურტების და დესერტების საერთო დისტრიბუცია მაღაზიებში არის მხოლოდ 57% (სხვა სავაჭრო ტიპებს არ ვუთითებ), რომ ყოფილიყო 75-80% მაშინ შეიძლებოდა თქმა რომ მთლიანად სავაჭრო ქსელი დაფარულია.

[Lasha Shamatava]

DaviT Mdivani

ციტატა

ისე თუ საიდუმლო არ არის რა პოზიციაზე მუშაობდი და რატომ წახვედი?

მე იქ ვიყავი აი-ტი ადმინისტრატორი და პროგრამისტი. მაგრამ ხანდახან მუშაობა მიწევდა როგორც თარჯიმანს (სანამ დირექტორი კარგად ისწავლიდა ინგლისურს და ცალკე თანაშემწეს აიყვანდა) და სხვა საქმეებზეც (გააჩნია რა იყო გასაკეთებელი - მე-17 თანამშრომელი ვიყავი როცა მივედი).
წამოსვლის მიზეზები:
1) პატრონყმული დამოკიდებულება თანამშრომლების მიმართ, რომლის გამოც 3 თვეში ერთხელ კონფლიქტი მქონდა ავერსის დირექტორთან (სხვათა შორის ტელეფონზე პსპ-ს დირექტორსაც ვარ ნაჩხუბარი, თუ გაინტერესებს რატომ და როგორ მოგწერ).
2) საშუალო ხელფასი (ანუ ვთვლიდი, რომ ორმაგს მაინც ვიმსახურებდი)
3) ტექნოლოგიური წინსვლა არ იყო
4) გამოცდილებასთან ერთად ბევრი თავისუფალი დრო გამიჩნდა. როდესაც რაღაც პროქტებით მივმართე ავერსის დირექტორს - ყველაფერი მოეწონა, მაგრამ ხელფასის გაზრდის გარეშე უნდა გააკეთოო.
5) ჩემი საკმაოდ ძლიერი და პრინციპული ხასიათი: ვერ ვიტან მშიშრებს, მლიქვნელებს და უსაქმურებს. შესაბამისად სამსახურიდან გაგდების არ მეშინოდა (რომ იცოდე როგორ აკანკალებენ ავერსში თითქმის ყველას ამის მუქარით .
მოკლედ ყველაფერი ერთმანეთს დაემატა და წამოვედი (მათ რომ კითხო, იტყვიან გავაგდეთო
ავერსიდან წამოსვლა კი სიმართლე ითქვას ადვილი არ იყო - ძალიან ბევრი ცემი ახლობელი მუშაობდა. სხვათა შორის ჩემი წამოსვლის მეტი მათი უმეტესობაც წამოვიდა და მხოლოდ კონსულტანტებად და შეტავსებით მუშაობენ. მიზეზი - წინსვლის არქონაა და მხოლოდ ხელფასის გამო თანამშრომლობენ ავერსთან.
ავერსის დირექტორთან შეხვედრები მერეც მქონია და როცა დიდი ხნის უნახავი ვყავდი, ისე მიმიღო, როგორც ომიდან დაბრუნებული უმცროსი ძმა. ეტყობა ჩემნაირი კრიტიკოსი ადგილზე უკვე აღარ ჰყავს.

[Gocha Melkadze]

მე არაფერი არ მგონია, ქალბატონო, ეს თქვენ ფიქრობთ, რომ ფლობთ რაღაც უნივერსალურ მექნიზმებს რაღაც სტატისტიკის განსაზღვრისთვის. მომიტევეთ.

ბაზარი და მისი კონიუნქტურა კარგად გვაქვს კომპანიაში შესწავლილი და ვაწვდით პროდუქციას იმდენს, რამდენიც საჭიროა, მისი მოკლევადიანობის გამო. თუმცა არის შემთხვევები, ვადაგასული საქონელი უკან გვიბრუნდება.

ქალბატონო ინგა, მე არ ვაპირებ უსაგნო პოლემიკის გამართვას თქვენთან ამ ღირშესანიშნავ ფორუმზე. მე უბრალოდ თხოვნა მექნებოდა, მეტად გამოარჩიოთ დანონი სხვა რძის დაკონსერვებულ "იოგურტებისგან და დესერტებისგან". რადგან დანონი შეიცავს ცოცხალ კულტურებს და დიდი ღისებებით გამოირჩევა. თუმცა მიზნობრივი აუდიტორია ჯერჯერობით საკმაო შეზღუდულია.

[Inga Potskhishvili]

Gocha Melkadze

ციტატა

ეს თქვენ ფიქრობთ,

მე არაფერს არ ვფიქრობ, მე ვფლობ რეალურ ინფორმაციას!

ციტატა

მე არ ვაპირებ უსაგნო პოლემიკის გამართვას თქვენთან

რა შუაშია პოლემიკა? არც მე არ ვაპირებ.

მე კარგად ვიცი, რომ დანონის პროდუქცია ხარისხიანია, მაგრამ არც რუსეთში და არც სხვა ქვეყანაში დანონის პროდუქციას არ აფიქსირებენ როგორც პროდუქტის ცალკე ჯგუფს.

მე არ მეგონა რომ ჩემი გამონათქვამი თქვენთვის გამაღიზიანებელი იქნებოდა, რისთვისაც ბოდიშს გიხდით.

[Davit Mdivani]

Lasha Shamatava
ზოგადად თანამშრომლებისადმი ესეთი დამოკიდებულების შესახებ ცნობილია, შეიძლება ჭორია მაგრამ მოსმენა და თვალთვალი ჩვეულებრივი მოვლენააო
ერთადერთი რამაც გამაკვირვა შენ სიტყვებში ანაზღაურებით უკმაყოფილობაა, როგორც ინფორმაცია ვრცელდება მაღალი და თანაც სისტემატიურად მზარდი ხელფასებია. თუმცა შეიძლება ესეც სპეციალურად კეთდება.
ისე შენ როგორ აფასებ ამ დარგში კონკურენციას?
საინტერესო ხომ არ იქნება თემა ქართული კომპანიების მიერ კონკურენციის დროს გამოყენებულ იარაღებზე?

[Lasha Shamatava]

DaviT Mdivani

ციტატა

როგორც ინფორმაცია ვრცელდება მაღალი და თანაც სისტემატიურად მზარდი ხელფასებია. თუმცა შეიძლება ესეც სპეციალურად კეთდება.

ჯერ ერთი - ხელფასები ჩემი წამოსვლის მერე მნიშვნელოვნად გაიზარდა. მეორე - მე არ მითქვამს, რომ დაბალი ხელფასი მქონდა. და მესამე, ხელფასიც თუ არ იქნება ადექვატური, უმძიმეს დატვირთვას რატომ აიტანენ (სხვათა შორის ძალიან ბევრი ნიჭიერი კადრი ჰყავთ)?