გამოხმაურებათა რაოდენობა: 53

[Tea Tseradze]

Tea Chkhenkeli, Mar 28/09, 01:08 -ში, განაცხადა:

jobs.ge- უმარავი მომხმარებელი ჰყავს.
ისე, მე მაგალითად ხშირად შევდივარ და ვათვალიერებ ხოლმე სხვადასხვა დასაქმების პორტალებს, თითქოს ჰობად მექცა :<img src=):" border="0" alt="71.gif" />
იშვიათად, მაგრამ არის ხოლმე კარგი ვაკანსიებიც და შესაბამისი ცოდნა თუ აქვს ადამინს შერჩევაში მონაწილეობის მიღებაა მთავარი

მარტო მონაწილეობის მიღებაა მთავარითქო ვერ ვიტყვი...
სანამ ომი იქნებოდა გამოხმაურებაც არ აყოვნებდა, ყოველშემთხვევაში ჩემს მაგალითზე ასე იყო, მაგრამ აი ეხლა რა მოგახსენოთ, ხანდახან მგონია რომ ტყუილად აქყვეყნებენ ორგანიზაციები ამ განცხადებებს.

[Salome Lokhishvili]

jobs.ge ჩემი აზრით დღესდღეობით მაინც ყველაზე პოპულარულია

[Ilia Imerlishvili]

jobs.ge დღესდღეობით ერთპიროვნული ლიდერია ამ სფეროში

http://www.weblancer.ge/ ეს საიტი სულ ახლახანს გაიხსნა, ჯერ განცხადებებით არ არის დატვირთული, მაგრამ რომ შევათვალიერე კარგი შთაბეჭდილება დატოვა, თან მგონი პატრონიც ყავს და თუ მიხედავენ შესაძლებელია კარგი პორტალი გამოვიდეს, მით უმეტეს რომ ისეთი სეგმენტი აქვს შერჩეული, რომელშიც კონკურენტი საქართველოში არ ყავს, ანუ ვაკანსიებთან ერთად ასევე ცალკე აქვთ გამოყოფილი ერთჯერადი პროექტები, სადაც მოკლევადიანი სამუშაოები და ერთჯერადი დაკვეთები შევა.
წარმატებებს ვუსურვებ ავტორებს, მგონია რომ უნდა გაამართლოს...

[Tariel Zivzivadze]

ამ საიტს აქვს პერსპექტივა, მაგრამ ვიწრო სეგმენტში

[Natalie Darchia]

საინტერესოა და ტარიელს ვეთანხმები, რომ ამ საიტს აქვს პერსპექტივა. საუკეთესოა მათთვის ვისაც უნდა რომ სახლიდან შეასრულოს სამუშაო. ერთი სიტყვით ფრილანსელებისთვის მისწრებაა.

გილოცავთ და გისურვებთ წარმატებებს.

[Spartak Pruidze]

ჩემი აზრით საკამოდ კარგი საიტია www.Brandjob.ge....დიდი რაოდენობით არ არის ვაკანსიები დადებული, მაგრამ მე პირადად jobs.ge -ს მირჩევნია

[Nino Chelidze]

ხშირია შემთხვევები როდესაც ამ ორივე ცნობილ საიტიდან უკან მიბრუნდება მეილები

[Tiko Goladze]

Nino Chelidze, Jul 23/09, 04:14 -ში, განაცხადა:

ხშირია შემთხვევები როდესაც ამ ორივე ცნობილ საიტიდან უკან მიბრუნდება მეილები

ნინო პრინციპში რომ გიბრუნდება უკან მეილები, ეგ თავად კომპანიების პრობლემაა, მეილ სერვერები აქვთ გადატვირთული ძირითადად

[Nino Chelidze]

იცი თიკო იშვიათად რომ მიზეზი დმაიწეროს გადატვირთულის როგროც წესი მეიბნება რომ ეს მეილის მისმარათი ვერ იპოვა

[Lexo Khubulava]

Weblancer.GE - ჩანაფიქრი კარგია (თუმცა არა ახალი), მაგრამ შესრულების რა მოგახსენო... ბევრი ვაკანსია, რომელიც ამ მომენტში მანდ დევს, სულაც არ არის freelance.

www.Brandjob.ge - ძალიან იშვიათად ვაკეთებ კომენტარებს კონკურენტ საიტებზე, მაგრამ ამჯერად ვიტყვი, რომ ჩემი სუბიექტური აზრით, უპერსპექტივო პროექტია. 6-7 განცხადება გავხსენი და ყველა დამქირავებელზე წერია, რომ "არ შედის ბრენდ კომპანიებში". რეგისტრაციის გვერდზე კი ასეთი რამ წერია:

"თუ თქვენი კომპანია ვერ აღმოაჩინეთ ბრენდ კომპანიების სიაში და თვლით რომ იმსახურებთ ბრენდ კომპანიის სტატუსს, მოგვწერეთ ამის შესახებ ელ ფოსტაზე info@brandjob.ge ან დაგვირეკეთ ტელ: 92 72 69."

მოკლედ, უკომენტაროდ

ჰოდა კიდევ ეს განცხადება: http://brandjob.ge/s....php?id_vak=934 არც თუ ისე კარგ რეპუტაციას უქმნის საიტს.

Nino Chelidze, შეგიძლია 1-2 მაგალითი დაასახელო? გამორიცხულია რომ მანდ არარსებული მისამართი იყოს მითითებული.

[Nodar Shurghaia]

სალამი საზოგადოებას,

brandjob.ge მაგარი ჩანაფიქრია. ბევრს ვხალისობ ხოლმე ასეთ "დიდ მარკეტინგულ სტრატეგიებზე". თუმცა საინტერესოა... რა იცი მაინც საქართველოა და...

თუმცა ჩვენი საიტიც უკვე საკმაოდ მოძველდა და მოუქნელი ხდება დროთა განმავლობაში.

ცოტა ხნის წინ გავუშვით სატესტო რეჟიმში სხვა ქვეყანაში საიტიც (ანუ ჩვენი საქმიანობა ნელ-ნელა საერთაშორისო ხასიათს ღებულობს ) www.azerjobs.com რომელიც სხვათაშორის მოულოდნელად სწრაფი ტემპებით ვითარდება. სულ ორი თვეა რაც მუშაობს და საკმაოდ მაღალი რეიტინგიც აქვს შემომსვლელთა მხრიდან.

[Nodar Shurghaia]

ხო ისე, რეიტინგთან დაკავშირებით თავს მივცემ უფლებას, შევედავო იმ მოსაზრებას რომ ამ სფეროში უპირობო ლიდერობაა Time's Changing

[Lexo Khubulava]

Nodar Shurghaia, Jul 31/09, 18:27 -ში, განაცხადა:

ხო ისე, რეიტინგთან დაკავშირებით თავს მივცემ უფლებას, შევედავო იმ მოსაზრებას რომ ამ სფეროში უპირობო ლიდერობაა Time's Changing

ნოდარ, ერთის მხრივ ჩვენ ამას გვეუბნები და მეორის მხრივ აზერებს ამას ეუბნები: "Сегодня компания обсолютный лидер на рынке поиска роботы в Грузии". ხომ არ ჯობს თქვენი რეიტინგი საჯარო გახადოთ, აზერებს სიმართლე უთხრათ და რუსულ მართლწერას პატივი სცეთ?

Nothing personal

[Nodar Shurghaia]

ლექსო,
საიტის რეიტინგზე არ გვაქვს პრეტენზია პატიოსნად ვაღიარებთ რომ მე-2 ადგილი გვიკავია. რაც შეეხება რეიტინგის საჯაროობას, ეგ რიგ ფაქტორებზეა დამოკიდებული.
ეს ფრაზა აქამდე არ მაქვს ნანახი, თუმცა ეს სიტყვები წინააღმდეგობაში არ მოდის ჩემს ზემოთ თქმულ მოსაზრებასთან.

ჩვენი კომპანია ხომ მხოლოდ არ შემოიფარგლება ვებ-გვერდით. ეს არის კომპანია სადაც 50-ზე მეტი თანამშრომელია (მარტო საქართველოში). ვინაიდან ხალხი პირდაპირ არ საქმდება ვებ-გვერდით ამიტომ ამას სამართლიანადაც ვაცხადებთ. თუმცა გეთანხმები რომ პერეფრაზირებაა საჭირო.

[Tariel Zivzivadze]

ნებისმიერ დარგში კომპანიის ლიდერობა/არლიდერობა განპირობებულია 2 უმთავრესი ფაქტორით: საბაზრო წილით და გავლენით ... და არა მომუშავეთა რაოდენობით

თუ ვისა აქვს დარგზე მეტი ზეგავლენა ვფიქრობ სადაო არააა ...
შემოსავალი კი რთული თემაა, რადგანაც ეს ინფორმაცია ღია არაა ...
ბევრი რამის მიხვედრა მცირე ანალიზითაც შეიძლება ... ცხადია ეს არ იქნებ 100% შედეგი, მაგრამ 80%-იანი ნამდვილად საკმარისია ამ დროს

მთავარი შეკითხვა სხვაა: რომელ ბაზარზე მუშაობთ ...

[Nodar Shurghaia]

ტარიელ,

ლიდერობა და პირველობა ყოველთვის სადაო თემაა. ზოგისთვის შემოსავალია, ზოგისთვის თანამშრომელთა ოდენობა, ზოგისთვის ბრენდის ცნობადობა, etc....

ჩვენ ორივე ვმუშაობთ დასაქმების სფეროში, ანუ მოკლედ რომ ვთქვათ ვახვედრებთ ორ მხარეს (დამსაქმებელს და მაძიებელს) ერთმანეთთან, რაც შეიძლება მოხდეს ინტერნეტით, ტელევიზიით, რადიოთი, გაზეთით, ფორუმით, პირდაპირი გასაუბრებით, საკუთარი ბიზნესის განვითარებით, etc... მოკლედ რომ ვთქვათ გზები ბევრია. ჩვენ ვიყენებთ თითქმის ყველა გზას ერთდროულად და თითო არხს შეძლებისდაგვარად ვაფართოვებთ მიზნად კი ის გვაქვს რომ ხალხმა იპოვოს სამსახური.

საკმაოდ სამართლიანი ლოგიკით შეგვიძლია ვიმსჯელოთ რომ მიუხედავად შედარებით ოდნავ დაბალი რეიტინგისა hr.ge-ზე თვეში საშუალოდ 60%-ით (246; ბოლო კვარტლის საშუალო) განცხადებით მეტი თავსდება ვიდრე jobs.ge-ზე, hr.ge მეტ ხალხს ასაქმებს.

თუმცა დღეს jobs.ge-ზე 1600 ადამიანით მეტი შედის დღეში. ამიტომ უფრო დიდი reach-ი აქვს. რაც შეეხება ელ-ფოსტით ხელმომწერთა ოდენობას აქ რაოდენობა იგივეა.

აქ მნიშვნელობა აქვს ათვლის წერტილად რას ვიღებთ. რაც შეეხება გავლენას ბაზარზე ამის საზომი ერთეული არ არსებობს. ამიტომ ამაზე დიდი ხნის დავა შეიძლება და ამის მტკიცებასაც ვინმესთვის აზრი ალბათ არ ააქვს

თუმცა სიმართლე გითხრა ჩემთვის ამასაც დიდი მნიშვნლობა არ ააქვს, პირველები ვართ თუ მეორეები. ჩვენი მიზნები გაცილებით უფრო შორს მიდის ვიდრე საქართველოს ბაზარზე პირველობაზე ბრძოლა.

Its all part of a plan

[Lexo Khubulava]

ნოდარ, მხოლოდ განცხადებების რაოდენობით თუ მივუდგებით, #1 ლიდერი "სიტყვა და საქმეა" და ღმერთმა ხელი მოუმართოთ . თან ამ დათვლაში ისიც არ დაგავიწყდეს, რომ ძალიან ხშირად, როცა ჩვენ ბევრ განცხადებას ერთში (various) ვაერთიანებთ, თქვენ მათ ცალ-ცალკე აქვეყნებთ, რაც თქვენს ციფრს ზრდის. კიდევ ცალკე საკითხია ის, რომ 80% შემთხვევაში თქვენთან განცხადება ქვეყნდება მას შემდეგ, რაც ჩვენ ვაქვეყნებთ და შემდეგ თქვენ კლიენტთან რეკვას იწყებთ - ანუ პირველწყაროდ ვერ გამოდიხართ. რომ გაჩნდეს კიდევ ერთი კლონი, რომელიც თქვენგან ზუსტად დააკოპირებს განცხადებებს და დღეში 9-10 "სიტყვა და საქმეს" ტიპის განცხადებას წაუმატებს, ლიდერი უკვე ის იქნება?

რაც შეეხება იმას, რომ "jobs.ge-ზე 1600 ადამიანით მეტი შედის დღეში" - გახადეთ სტატისტიკა ღია და მომხმარებელმა თვითონ ნახოს ციფრები და თვითონ გადაწყვიტოს.

[Lexo Khubulava]

კიდევ ერთი:

---
საკმაოდ სამართლიანი ლოგიკით შეგვიძლია ვიმსჯელოთ რომ მიუხედავად შედარებით ოდნავ დაბალი რეიტინგისა hr.ge-ზე თვეში საშუალოდ 60%-ით (246; ბოლო კვარტლის საშუალო) განცხადებით მეტი თავსდება ვიდრე jobs.ge-ზე, hr.ge მეტ ხალხს ასაქმებს.
---

ანუ, თქვენი "სამართლიანი ლოგიკით", თუ თქვენს საიტზე განცხადებების უფრო დიდი რაოდენობა ფიქსირდება (რომლის მიზეზებზეც ზემოთ ვისაუბრე), ეს თავისთავად ნიშნავს რომ თქვენ უფრო მეტ ხალხს ასაქმებთ? და საიდან იცით რომ მაინცდამაინც თქვენს საიტზე ნახულობენ მაგ განცხადებებს და მერე საქმდებიან? ჩემს, თქვენს და კიდევ რამდენიმე სხვა საიტზე ბევრი ერთი და იგივე განცხადებაა. როგორ ხვდებით თუ რომელ საიტზე ნანახი განცხადებით საქმდებიან?

[Lexo Khubulava]

დღეს ერთ-ერთმა კლიენტმა საგანგებოდ ერთ-ერთი ვაკანსიისთვის შექმნილი ელფოსტის მისამართის შემოწმება მთხოვა და მანდ პირველად გავეცანი იმ შემოთავაზებას, რომელსაც hr.com.ge უგზავნის ჩემს კლიენტებს (სანამ რეკვას დაიწყებდნენ). წერილზე თვითონ არაფერს ვიტყვი, მაგრამ გამეცინა იმაზე, რომ წერილის ინგლისურ ვარიანტში წერენ "Our web-site www.hr.com.ge is the leading site by the number of vacancies and visitors", მაგრამ ქართულ ვარიანტში ამდენ ტყუილს ვერ ბედავენ და წერენ "ჩვენი ვებ-გვერდი რომელიც მთელს საქართველოში პირველია განცხადებების რაოდენობით." ანუ უცხოელებმა შეიძლება მაგდენი არ იცოდნენ და დაიჯერონ (ისევე როგორც აზერების შემთხვევაში), რომ hr.com.ge-ს ყველაზე მეტი ვიზიტორი ჰყავს, მაგრამ ქართველების მოტყუება არ გამოვა

[Tariel Zivzivadze]

ჰო ჰოო ...