გამოხმაურებათა რაოდენობა: 30

[Tariel Zivzivadze]

ციტატა

არის ძალიან ბევრი ნიუანსი, ნებისმიერ შემთხვევაში სპეციალისტის გარეშე, აი-თი პროექტის კეთება დაახლოებით იგივეა, რომ მედიცინაში დაიწყო თვით-მკურნალობა.

ეგ არ მინდა სწორედ ... ამიტომ ვფიქრობ, პროგრამირების სწავლას ხომ არ ჯობია პროგრამული მხარე სხვაგვარად მოვაგვარო?

ფორმულების გადაკეთებასთან დაკავშირებით,
რა თქმა უნდა პერიოდულად დამჭირდება ფორმულების შეცვლაც ... თან არაერთის ... ამიტომ პროგრამა ისეთი უნდა იყოს, რომ ფორმულის შეცვლა შემეძლოს ... აქ კიდევ სხვა პრობლემაა: სანამ მე პროგრამისტს ავუხსნი რა მინდა ... ეუფჰჰჰ ... რთულია გააგებინო ის რაც ჩაფიქრებული მაქვს ... როცა თვითონ იცი ეს გაცილებით ადვილია ...

პროგრამისტების დაინტერესებაზე მეც ვიფიქრე, მაგრამ თუ ჩვენს რეალობას გავითვალისწინებთ არ მგონია სათანადო პროგრამისტის პოვნა ასე ადვილი იყოს. შესაძლოა პროექტში მონაწილეობა შევთავაზო იმ კომპანიებს, რომლებიც მსგავსი თამაშების გაკეთებაზე მუშაობენ ... მაგრამ ჯერ არ ვარ ჩამოყალიბებული ... აქ კიდევ უფრო სერიოზული საკითხებია, როგორიცაა მაგალითად კოდის უსაფრთხოება ... მსგავსი სტრატეგიული თამაშების მოდელები მეტად ძვირი ღირს ...

ცხადია პროექტი იქნება კომერციული, და შემოსავალს მრავალი წყაროდან ველი ... თუმცა ამის პროგნოზირება რთულია ჯერ ... ეს არის პროდუქტი, რომელსაც სტუდენტური ოლიმპიადების დროს გამოვიყენებ, შიდასაუნივერსიტეტო ჩემპიონატების დროს, კერძო კომპანიებსაც შევთავაზებ ამის ჩატარებას თავისი თანამშრომლებისაათვის ... სწორედ რომ სასწავლო დანიშნულება აქვს ამ ყველაფერს და შემოსავალსაც მოიტანს ... მაგრამ არა იმდენს, რომ ადამიანთა დიდი ჯგუფის დაფინანსებას ეყოს ... სწორედ ამიტომ მინდა მაქსიმალურად ისე გაკეთდეს, რომ მე თვითონ შემეძლოს ბევრი რამ ...

[Irakli Betchvaia]

ჯავა ერთ-ერთი ყველაზე მარტივი და ამასთანავე მძლავრი ენაა. რანე სხვა ობიექტ-ორიენტირებული ენა თუ იცი, მაგ. Visual Basic, კიდევ უფრო გაგიადვილდება სწავლა. მარტივი ამოცანების გადაჭრას იწყებ პირველივე ლექციიდან, ანუ პრიველივე დღიდან. ერთ კვირაში ალბატ ექსელის ფორმულებს გადაიტან ჯავაში. მე ამაში დაგეხმარები.

შედარებით მეტი დრო დაგჭირდება გრაფიკული გარსისთვის. ეს უფრო ღრმა ცოდნას მოითხოვს, მაგრამ რთული არც ესაა. თუკი გამოიყენებ NetBeans-ს, მას მოჰყვება უკვე გრაფიკული გარსების ედიტორი. მარტივი გარსის პროგრამა ჩემთვის ალბათ ერთი დღის სამუშაო იქნებოდა. შენც ადვილად შეისწავლი. რთულია ამ ყველაფრის სერვერზე გადატანა. მონაცემათა ბაზა დაგჭირდება. ალბათ ვებ სერვისები. თუკი მომხმარებლის კომპზე რამე მოძრაობა გინდა ანახო ანდა სხვა სპეცეფექტები, ეს უკვე ცალკე თემაა. ამას სპეციალისტი დასჭირდება.

ჯავა არის პროგრამირების ენა. ის გამოიყენება სხვადასხვა პლატფორმებზე.
სანის შექმნილია:
JavaME - შეზღუდული რესურსების მქონე მოწყობილებებისთვის, მაგ. მობილური ტელეფონები
JavaSE - დესკტოპებისთვის
JavaEE - სერვერებისთვის

ამასე ემატება გუგლის ანდროიდი, ესეც მობილური ტელეფონებისთვის. რამდენადაც ვიცი, ჯავა ასევე შეგიძლია გამოიყენო .Net-ზე.

თავიდან შენ უნდა შეისწავლო პროგრამირების ენა. მერე კი იმის და მიხედვით, თუ სად გინდა ამუშაო შენი პროგრამა, შეისწავლი შესაბამის პლატფორმას. მაგ. თუკი გინდა რომ მომხმარებელმა მობილური ტელეფონიდან შესძლოს თამაშში მონაწილეობის მიღება, დაწერ პროგრამას ანდ JAvaME-ში, ანდა Android-ში.

ფორმულების დიზაინერი საჭირო არაა. უფრო ადვილი იქნებოდა ჯავას სწავლა, ვიდრე ამ დიზაინერის დაწერა. საერთოდ ასეთი ამოცანებისთვის სკრიპტული ენები გამოიყენება. ჯავას უკვე მოჰყვება რამოდენიმე ასეთი ენა და სხვები შეგიძლია დაუმატო. მაგრამ ეს ყველაფერი ხათაბალაა. თანაც შედარებით ნელა იმუშავებს (ექსელზე მაინც გაცილებით უფრო სწრაფად).

[Tariel Zivzivadze]

ხომ არ იქნებოდა უფრო გამართლებული მომეძებნა კომპიუტერული კომპანიები, რომლებიც სპეციალიზდებიან სიმულაციური თამაშების დაპროგრამებაზე და შემეთავაზებინა თანამშრომლობა?

ან/და სად შეიძლება მივიღო ინფორმაცია თუ რა ტექნოლოგიებს იყენებენ MMORPG თამაშების შექმნისას და როგორია შექმნის პროცესი?

და კიდევ,
ახსნილიდან გარკვეული წარმოდგენა მექმნება თუ როგორ დამეხმარება ჯავა, მაგრამ ცხადია მის სარგებლიანობა/გამოსადეგობას ბოლომდე მხოლოდ მაშინ მივხვდები თუ ერთი კვირის ინვესტიციას მოვახდენ ჯავას შესწავლაში. მაგრამ ჯავა საკმარისი იქნება თავად პროგრამის დასაწერად. სადმე ამ პროგრამის გარკვეულ პირობებში ასამუშავებლად კი საჭირო იქნება კონკრეტულ პლატფორმაზე მორგება. სწორად გავიგე?

[Irakli Betchvaia]

მე ვფიქრობ, თუკი გაქვს ფული, ჯობია დაელაპარაკო ფირმას. სათანადო ხარისხით თუ გაკეთდა ეს ყველაფერი, ალბათ თანხა თავიდან 20.000-ი ევროს ფარგლებში იქნება. თუ ფული არ გაქვს, იქნებ თავისუფალი პროექტი შექმნა? პროგრამისტს უფრო ადვილად ნახავ. იმპერიის პატრონი როგორც ჩანს არის რაღაც Non profit organisation.

MMORPG თამაშების შექმნისას სხვადასხვა ტექნოლოგიები გამოიყენება. გააჩნია რა თამაშია. თუკი მაგ. სწრაფი 3D გრაფიკა გინდა, ჯავა ნაკლებად გამოდგება.

ჯავას ერთ-ერთი დიდი პლუსი ისაა, რომ ერთხელ თუ დაწერ, მერე აღარ უნდა მოარგო რამე პლატფორმას. შენი ფორმულები სერვერზე ისევე იმუშავებენ, როგორც დესკტოპზე. ამ კოდს მოდიფიცირება არ დასჭირდება. განსხვავებები იქნება გრაფიკულ გარსში. სერვერს მაგ. ის საერთოდ არ აქვს, ანუ კლიენტს ცალკე უნდა მიაწოდო რამე გრაფიკული გარსი (ან ავტომატურად, ანდა თვითონ დააინსტალიროს), რომელიც ამა თუ იმ გზით ილაპარაკებს სერვერთან. დესკტოპზე კი ეს ყველაფერი ბევრად უფრო მარტივია. იქ შეგიძლია გახსნა ფანჯარა სადაც იქნება სათანადო ფორმულარი. ფორმულები გამოთვლისთვის იქვე გედება, ანუ სერვერთან კომუნიკაციაზე თავი არ უნდა იტეხო. ამდაგვარ ამოცანებს აკეთებენ დამწყები პროგრამისტები სწავლის დაწყებიდან 1-2 კვირის მერე.

მობილურ ტელეფონებზე პრობლემა ისაა, რომ რესურსები ძალიან შეზღუდული გაქვს. ფორმულებს იქ ალბათ ვერ დაითვლი, ანუ ცალკე სერვერია საჭირო და ფანჯარასაც ვერ გახსნი ჩვეულებრივი ფორმულარით. შესაბამისად გრაფიკული გარსის კეთებაც უფრო რთულია.

[Tariel Zivzivadze]

კარგი,
დავანებოთ თავი მობილური ტელეფონებიდან თამაშს, ვინაიდან როგორც ვხვდები ნებისმიერ მოქმედ პროგრამას შეიძლება მოარგო გარკვეული გარსი და მიაბა მობილურ ტელეფონებს ... სერიოზულ თამაშებს არ აქვთ ეს გაკეთებული და მე რომ ამაზე ვიფიქრო დროის კარგვა იქნება ..

რა ალტერნატივებია?

დავუშვათ შექმენი თავისუფალი პროექტი ...
ნახავ კი ნორმალურ პროგრამისტს? თან მარტო პროგრამისტიც ხომ არაა? თან თუ პროგრამისტი "ნორმალურია" ის უსაქმოდ არ იქნება ... თუ არ ვარგა, ესე იგი არც შენ გამოგადგება ... თავისუფალი პროექტი მართლაც რომ მნიშვნელოვანი უნდა იყოს მთლიანად საზოგადოებისათვის, რომ მისთვის ვინმეებმა დრო დახარჯონ ...
ანუ ეს ვარიანტი ნაკლებად შესაძლებელია ... თუ შეუძლებელი არა ...

დავუშვათ დავუკავშირდი კომპეტენტური ფირმას ... რატომღაც მგონია, რომ 20 000 ევრო ნამდვილად არ იქნება საკმარისი საწყის ეტაპზეც კი ...
და ვინაიდან მსგავსი ფული არ მაქვს, შესაბამისად ეს ვარიანტიც გამოირიცხა ...
თან გარდა იმისა, რომ უნდა პროგრამის დამზადებაში გადაიხადო იმას ხომ უნდა მერე განახლებელი? ... პროცესი კი ადვილი არ იქნება და დიდი ენერგიას წაიღებს ...

დავუშვათ დაუკავშირდე კომპეტენტურ ფირმას და გრძელვადიანი თანამშრომლობა შესთავაზო [რატომღაც მგონია, რომ საქართველოშიც შეიძლება ასეთი ვინმეს გამოძებნა] ... შეიძლება გააკეთო ერთობლივი პროდუქტი და სამომავლო შემოსავალიც გაინაწილო, მაგრამ რთულია ვინმე წამოიყვანო ასეთ თემაზე თანამშრომლობაზე ... მათი პოზიციიდან თუ შევხედავთ რისკი მაღალია ... მაგრამ ეს შესაძლებლობა რეალურად არსებობს სხვებთან შედარებით ..

დავუშვათ მარტო შევუდექი საქმეს ... ეხლა ვათვალიერებდი გარკვეულ გვერდებს ინტერნეტში ... MMORPG თამაშების შექმნის ინდუსტრიაში სერიოზული მოძრაობებია იმ მხრივაც, რომ ბევრი ინდივიდი მარტოც კი აკეთებს ასეთ თამაშებს [სხვა საკითხია რამდენად წარმატებულად] ... მთელი ინსტრუქციებიც კი ვნახე თუ როგორ შეიძლება ამის გაკეთება ერთი ადამიანის მიერ ... მაგრამ თუ გავითვალისწინებთ, რომ პროგრამისტული მხარის გარდა აქ ბევრი მომენტია [მარტო მსოფლიო მასშტაბით მარკეტინგი და შემსრულებლის მრავალმხრივი უნარები რად ღირს], ნამეტანი რთული პროცესია ეს და წარმატების შანში 1%-ზე ნაკლებია ... ანუ მარტომ არც უნდა დაიწო ეს საქმე ...

რამოდენიმე შეკითხვა:

შენ ახსენე, რომ ჯავაში დაწერილი პროგრამა შეიძლება დეკტოპზეც ამუშავოო. ეგრეა?
ანუ გამოდის, რომ მე შემიძლია ექსელში გაკეთებული პროგრამა ჯავაში გადავიყვანო და ისე ვამუშავო?
ექსელის ფაილები შეიძლება თუ არა მიაბა ჯავას პროგამულ ფაილებზე ისე, რომ ჯავა ფაილში ექსელიდან მონაცემები შეიტანო?

[Irakli Betchvaia]

1. ჯავას პროგრამები მუშაობს "ყველგან". დესკტოპზე პრობლემა არ გექნება.
2. შეგიძლია ექსელის პროგრამა გადაიტანო ჯავაში და ის ამუშაო. ეს პროგრამა იმუშავებს ბევრად(!) უფრო სწრაფად, ექნება ნორმალური გრაფიკული გარსი და განახლებებსაც ადვილად მოარგებ.
3. ჯავას პროგრამას რასაც გინდა, იმას მიაბავ. ოღონდ XLS და მსგავსი ფაილების კითხვა მეტად რთული იქნება შენთვის, მითუმეტეს ამ ეტაპზე. ჯობია აირჩიო რამე მარტივი ფორმატი, მაგ. CSV. დარწმუნებული ვარ, ექსელშიც კი შეგიძლია ტაბულა ამ ფორმატში შეინახო. მაგრამ უკეთესი იქნებოდა, სათანადო ედიტორი დაგეწერა და ჯავასთვის უფრო მარტივი ფორმატი შეგერჩია. არ ვიცი რა მონაცემების შეტანა გინდა და ამიტომ კონკრეტულად აქ ვერაფერს გირჩევ.

[Tariel Zivzivadze]

უნდა აღინიშნოს, რომ დღეს არსებული მოდელი სრულფასოვნად დააკმაყოფილებდა საერთაშორისო დონის სტუდენტური ოლიმპიადის ჩატარების მოთხოვნებს. მხოლოდ ისაა საჭირო, რომ ყველაფერი ითარგმნოს ინგლისურ ენაზე, რასაც ამ ზაფხულზე ვგეგმავ. თავად ოლიმპიადის სქემაზე ეხლა ვმუშაობ და ვფიქრობ, რომ ერთი წლის განმავლობაში მექნება შესაძლებლობა, რომ B-STRAT შეუფერხებლად გამოვიყენო მისი MMORPG-ად გადაკეთების გარეშე. არადა MORPG ნამდვილად არის უკვე ... ერთი M-ღა აკლია ... ანუ თამამად შეიძლება ითქვას რომ 1 წელი მაქვს ... მაგრამ თუ გავიაზრებთ, რომ ეს ადვილი საქმე არაა და პროგრამის შექმნის გარდა მისი გარანდვაცაა საჭირო [რასაც ჩვეულებრივ დიდი დრო მიაქვს], 1 წელი არც თუ ისე დიდი პერიოდად მეჩვენება ...

ნელ-ნელა მივდივარ იმ დასკვნამდე, რომ ამ ეტაპზე 2 ამოცანა იძენს პრიორიტეტს:

1. სადაზვერვო ხასიათის. უკეთ უნდა შევიწავლო MMORPG თამაშების დარგი, ბაზრის განვითარება და ა.შ. ... თუ საჭიროა ვითამაშო კიდეც რამოდენიმე MMORPG თამაში. ამ სადაზვერვო საქმიანობის შედეგად უკეთესი წარმოდგენა შემექმნება თუ როგორია დარგის ტენდენციები, რა დეტალების გასათვალისწინებელი. ეს კი თავის მხრივ დამეხმარება განვსაზღვრო სტრატეგია, სწორად დავსვა მარკეტინგული მიზნები და შევიმუშავო MMORPG თამაშის ისეთი მოდელი, რომელიც უკეთ გაიყიდება;

2. შესრულებითი ხასიათის. უნდა გავერკვე Java-ში, უნდა გავიგო თუ ძირითადში რა სახის პროგრამებს იყენებენ კომპანიები MMORPG თამაშების შესამუშავებლად ... შესაძლოა ამ ძიების პროცესში პროექტის სავარაუდო პარტნიორების შესახებაც გამიჩნდეს ჩამოყალიბებული აზრი;

ვფიქრობ უახლოესი თვეების [ალბათ 2 თვე] განმავლობაში ამ ეტაპების გავლის შემდეგ უკეთესი წარმოდგენა მექნება პროექტის სტრატეგიის, საჭირო ინსტრუმენტების და განხორციელების უშუალო დეტალების შესახებ და უკვე შესაძლებელი იქნება კონკრეტული საუბრები.

რამეს ხომ არ დაამატებდით?

[Tariel Zivzivadze]

ჰმ,
როგორც ჩანს რაც მე მინდა MMORPG არ არის. ეს პრინციპულად ცვლის მოქმედების სიბრტყეს ...

ვიკიპედიაზე ვნახე Massively multiplayer online game ძალიან კარგი დახასიათება ... და როგორც ვხვდები ის, რაზედაც ჩვენ ვსაუბრობთ, არის MMO real-time strategy ანუ შემოკლებით MMORTS

ოდნავ მოგვიანებით, როცა უკეთ გავეცნობი სხვადასხვა Massively multiplayer online game -ს კონკრეტულად დავწერ რომელი რა არის და რით განსხვავდებიან ერთმანეთისგან

ძალიან კარგი განმარტება იმისა, თუ რა არის MMORPG: http://www.wisegeek....is-a-mmorpg.htm

რედაქტორი Tariel Zivzivadze, 21 June, 2009 - 10:07.

[George Chkhikvishvili]

ნუ ირაკლისგან განსხვავებით მე მაინც გირჩევდი იარაღის ყიდვის მაგივრად მსროლელების დაქირავებას

აი ეს არის ჩემი ხედვა:

თუ გსურს რომ პროცესი რეალურად წინ წაწიო, აუცილებლად ეს საკითხები უნდა გაიარო სპეციალისტთან. ბანალურ რამეს ვამბობ, მაგრამ პროგრამირებაში ერთი შეხედვით უმნიშვნელო დეტალი შეიძლება გადაიზარდოს რამდენიმეთვიან უსარგებლო შრომაში. პირველი, რასაც პროფესიონალი გააკეთებს დაგიცავს ავანტიურებისგან. თან აქ არ გამოგადგება ახალგაზრდა "ნიჭიერი", რადგან კარიერის დასააწყისში დეველოპერები ხშირად არიან პროგრამისტული საშუალებების ამა თუ იმ მწარმოებელის სლოგანების ტყვეობაში. ამ დროს წაკითხული ბევრი გაქვს, მარა ცხოვრებაში ნაცადი ცოტა და ბოლომდე ვერ გრძნობ ზღვარს მარკეტინგს და რეალობას შორის. ისე ეს ზოგჯერ "ბიძებსაც" მოსდით

რაც შეეხება თვითონ შექმნის პროცესს. აქ არის ორი მოქმედი პირი (გარდა დამკვეთისა): დიზაინერი და დეველოპერი. კარგი არქიტექტურული დიზაინის გარეშე დეველოპერმა შეიძლება თვეები იმუშაოს ყოველგვარი შედეგის გარეშე. პირველი, უნდა შეიქმნას ზოგადი კონცეფცია (ანუ, როგორც ითქვა, თუ რა პლათფორმაზე კეთდება? რა ფორმით (ვებ აპლიკაცია, დესკტოპ აპლიკაცია)? როგორ ხდება მოდულებს შორის კავშირი (HTML, ვებ-სერვისები, ორობითი კავშირი) დ.ა.შ). შემდეგ უნდა გაკეთდეს დიზაინი, მონაცემთა ბაზის სტრუქტურა, გაკეთდეს კონცეპტუალური ვერსია ე.წ. Proof of Concept, გამოიცადოს ტესტ ჯგუფზე და მხოლოდ ამის მერე შეიქმნას საბოლოო პროდუქტი, ანუ დევს ამაში ფილოსოფია . ყველა ეტაპზე დამკვეთი და "რაზრაბოტჩიკი" ძალიან აქტიურად უნდა ურთიერთქმედებდეს. დამკვეთს უნდა ქონდეს სრული კონტროლი პროცესზე. საერთოდ თვითონ შემსრულებლის ინტერესშია რომ დამკვეთისგან მიიღოს დასტური ყველა ეტაპზე, ეს დაიცავს მას გადაკეთების ზედმეტი შრომსაგან.

რაც შეეხება შემსრულებლის პოვნას. სხვა არ ვიცი, მარა მეც რაღაც მომენტში მივედი დასკვნამდე, რომ იშვიათი გამონაკლისის გარდა, ქართულ კომპანიებს არ აქვთ რესურსები (ნერვები) ხარისხიანი პროდუქტის შესაქმნელად და ამიტომ ვაკეთებს ასეთ რამეს: თუ პროექტი ღირებულია, მე შევდივარ წილში და ამის სანაცვლოდ ტექნიკურ საკითხებს მთლიანად ვიღებ ჩემს თავზე. ამასთან ბიზნესის წაყვანა სრულად რჩება პარტნიორის კომპტენციაში. ასე გავაკეთეთ მაგალითად ბილეთები.ჯი და ამ ზაფხულს ვამთავრებ კიდევ 2 პროექტს. დარწმუნებული ვარ ამა თუ იმ ფორმით სხვებიც იგივეს აკეთებენ, ასე რომ ეს გზა სავსებით რეალურია.

[Irakli Betchvaia]

Tariel Zivzivadze, Jun 21/09, 07:18 -ში, განაცხადა:

ჰმ, როგორც ჩანს რაც მე მინდა MMORPG არ არის. ეს პრინციპულად ცვლის მოქმედების სიბრტყეს ... ვიკიპედიაზე ვნახე Massively multiplayer online game ძალიან კარგი დახასიათება ... და როგორც ვხვდები ის, რაზედაც ჩვენ ვსაუბრობთ, არის MMO real-time strategy ანუ შემოკლებით MMORTS ოდნავ მოგვიანებით, როცა უკეთ გავეცნობი სხვადასხვა Massively multiplayer online game -ს კონკრეტულად დავწერ რომელი რა არის და რით განსხვავდებიან ერთმანეთისგან ძალიან კარგი განმარტება იმისა, თუ რა არის MMORPG: http://www.wisegeek....is-a-mmorpg.htm

დარწმუნებული ხარ, რომ real time strategy გინდა? აქამდე რაც აღწერე, სხვას მიუთითებს.

George Chkhikvishvili, Jun 21/09, 09:16 -ში, განაცხადა:

ნუ ირაკლისგან განსხვავებით მე მაინც გირჩევდი იარაღის ყიდვის მაგივრად მსროლელების დაქირავებას აი ეს არის ჩემი ხედვა: თუ გსურს რომ პროცესი რეალურად წინ წაწიო, აუცილებლად ეს საკითხები უნდა გაიარო სპეციალისტთან. ბანალურ რამეს ვამბობ, მაგრამ პროგრამირებაში ერთი შეხედვით უმნიშვნელო დეტალი შეიძლება გადაიზარდოს რამდენიმეთვიან უსარგებლო შრომაში. პირველი, რასაც პროფესიონალი გააკეთებს დაგიცავს ავანტიურებისგან. თან აქ არ გამოგადგება ახალგაზრდა "ნიჭიერი", რადგან კარიერის დასააწყისში დეველოპერები ხშირად არიან პროგრამისტული საშუალებების ამა თუ იმ მწარმოებელის სლოგანების ტყვეობაში. ამ დროს წაკითხული ბევრი გაქვს, მარა ცხოვრებაში ნაცადი ცოტა და ბოლომდე ვერ გრძნობ ზღვარს მარკეტინგს და რეალობას შორის. ისე ეს ზოგჯერ "ბიძებსაც" მოსდით რაც შეეხება თვითონ შექმნის პროცესს. აქ არის ორი მოქმედი პირი (გარდა დამკვეთისა): დიზაინერი და დეველოპერი. კარგი არქიტექტურული დიზაინის გარეშე დეველოპერმა შეიძლება თვეები იმუშაოს ყოველგვარი შედეგის გარეშე. პირველი, უნდა შეიქმნას ზოგადი კონცეფცია (ანუ, როგორც ითქვა, თუ რა პლათფორმაზე კეთდება? რა ფორმით (ვებ აპლიკაცია, დესკტოპ აპლიკაცია)? როგორ ხდება მოდულებს შორის კავშირი (HTML, ვებ-სერვისები, ორობითი კავშირი) დ.ა.შ). შემდეგ უნდა გაკეთდეს დიზაინი, მონაცემთა ბაზის სტრუქტურა, გაკეთდეს კონცეპტუალური ვერსია ე.წ. Proof of Concept, გამოიცადოს ტესტ ჯგუფზე და მხოლოდ ამის მერე შეიქმნას საბოლოო პროდუქტი, ანუ დევს ამაში ფილოსოფია . ყველა ეტაპზე დამკვეთი და "რაზრაბოტჩიკი" ძალიან აქტიურად უნდა ურთიერთქმედებდეს. დამკვეთს უნდა ქონდეს სრული კონტროლი პროცესზე. საერთოდ თვითონ შემსრულებლის ინტერესშია რომ დამკვეთისგან მიიღოს დასტური ყველა ეტაპზე, ეს დაიცავს მას გადაკეთების ზედმეტი შრომსაგან. რაც შეეხება შემსრულებლის პოვნას. სხვა არ ვიცი, მარა მეც რაღაც მომენტში მივედი დასკვნამდე, რომ იშვიათი გამონაკლისის გარდა, ქართულ კომპანიებს არ აქვთ რესურსები (ნერვები) ხარისხიანი პროდუქტის შესაქმნელად და ამიტომ ვაკეთებს ასეთ რამეს: თუ პროექტი ღირებულია, მე შევდივარ წილში და ამის სანაცვლოდ ტექნიკურ საკითხებს მთლიანად ვიღებ ჩემს თავზე. ამასთან ბიზნესის წაყვანა სრულად რჩება პარტნიორის კომპტენციაში. ასე გავაკეთეთ მაგალითად ბილეთები.ჯი და ამ ზაფხულს ვამთავრებ კიდევ 2 პროექტს. დარწმუნებული ვარ ამა თუ იმ ფორმით სხვებიც იგივეს აკეთებენ, ასე რომ ეს გზა სავსებით რეალურია.

ეს ყველაფერი ძალიან კარგი, მაგრამ შენ ტარიელს კონკრეტულად რას ურჩევ? IT ფირმასთან წილში შევიდეს და ტექნიკური მხარე მთლიანად თავის თავზე აიღოს?

მსროლელების დაქირავება ძალიან კარგია, თუკი ფული გაქვს. თუკი არა, სროლა კი მაინც გინდა, მოგიწევს მარტივი იარაღის გამოყენების სწავლა. ფული რომ გაგიჩნდება, მერე დაიქირავებ პროფესიონალებს.

[George Chkhikvishvili]

კი, დაიქირავოს სპეციალისტი და მისცეს წილი მომავალი მოგებიდან. ამითი ორ კურდღელს მოკლავს: პირველი, რომ თანხას ზოგავს და მეორე, თვითონ პროგრამისტი იქნება დაინტერესებული სისტემის ხარისხში, რადგან ეცოდინება რომ მისივე შემოსავალია მაგაზე დამოკიდებული.

[Irakli Betchvaia]

ვნახე რა ჰქვია: turn based strategy. მემგონი ეს გინდა.

[Tariel Zivzivadze]

მთლად ასეც არაა
turn based - ეს ტერმინი მხოლოდ ერთ ერთი მახასიათებელია, როცა თამაში მუდმივად კი არ მიდის, არამედ რაიმე დედლაინებით ... turn-ებით

[Tariel Zivzivadze]

გადავახალისებ ჩემს ამოცანებს:

1. უკეთ უნდა შევიწავლო MMO თამაშების დარგი, ბაზრის განვითარება და ა.შ. ... თუ საჭიროა ვითამაშო კიდეც რამოდენიმე MMO თამაში. ამ სადაზვერვო საქმიანობის შედეგად უკეთესი წარმოდგენა შემექმნება თუ როგორია დარგის ტენდენციები, რა დეტალების გასათვალისწინებელი. რაც მთავარია ეს დამეხმარება გავარკვიო რომელ ბაზარზე უნდა ჩავება კონკურენტულ ბრძოლაში და რომელი იქნებიან სავარაუდო კონკურენტი თამაშები. ეს კი თავის მხრივ დამეხმარება უკეთ შევისწავლო ისინი და მათი სტრატეგიები[კონკურენტები], განვსაზღვრო ჩემი სტრატეგია, სწორად დავსვა მარკეტინგული მიზნები და შევიმუშავო MMO თამაშის ისეთი მოდელი, რომელიც უკეთ გაიყიდება. გარდა ამისა მნიშვნელოვანია სევისწავლო გეიმერის ფსიქოლოგია;

2. მიღებული სადაზვერვო ინფორმაციის საფუძველზე დავხვეწო B-STRAT-ის დღევანდელი მოდელი, რაღა გავახდო ის უფრო თანამედროვე. ყველა შემთხვევაში ამ მოდელით უნდა ჩავატარო მსოფლიო ბიზნეს ოლიმპიადა და ამ პროცესს ალბათ 1 წელი დასჭირდება. ისედაც, რაც არ უნდა ახალი პროგრამა [და ეს ნამდვილად იქნება სრულიად ახალი პროგრამა] შევიმუშავო, მის დაპროგრამებას და დახვეწას წელიწადზე მეტი მაინც უნდა;

3. უნდა გავიგო თუ ძირითადში რა სახის პროგრამებს იყენებენ კომპანიები MMO თამაშების შესამუშავებლად ... შესაძლოა ამ ძიების პროცესში პროექტის სავარაუდო პარტნიორების შესახებაც გამიჩნდეს ჩამოყალიბებული აზრი. ვფიქრობ წარმატების შანსების გასაზრდელად და საჭირო დროის შესამოკლებლად უკეთესი იქნება თუ მე მოვძებნი ისეთ პარტნიორს, რომელიც პროგრამულ მხარეს თავის თავზე აიღებდა. ამ მიზნით ვფიქრობ ნამდვილად აზრი აქვს ქართულ კომპანიებთან კონსულტაციას. უნდა გავერკვე Java-ში, იქნებ ექსელში დაპროგრამებული თამაშის რაღაც დეტალები ჯავა-ში გადავიყვანო;

ვფიქრობ უახლოესი თვეების [ალბათ 2 თვე] განმავლობაში ამ ეტაპების გავლის შემდეგ უკეთესი წარმოდგენა მექნება პროექტის სტრატეგიის, საჭირო ინსტრუმენტების და განხორციელების უშუალო დეტალების შესახებ.

რედაქტორი Tariel Zivzivadze, 23 June, 2009 - 10:13.

[George Chkhikvishvili]

აი მოკლედ რასაც მე დავამატებდი ტექნიკური კუთხით:

1. არ ჩაება ერთწლიან პროგრამისტულ პროექტში ვინც არ უნდა ეს გირჩიოს. დაყავი ეტაპებად.
2. შენი თამაში ექსელშია ხომ? გადაიტანე რაც არის ექსელში ვებზე, ეგ არ იქნება რთული და არც ძვირი. ამისათვის უნდა გაკეთდეს მონაცემთა ბაზა (MS Sql, MySQL, Oracle) და მიებას შენი ექსელის ფორმების ასლები ვებ გვერდების სახით (Asp.NET, JavaEE, PHP). საწყის ეტაპზე შეიკავე თავი ანიმაციისგან და P2P "ბრძოლებისგან".
3. გატესტე მოხალისეებზე. ეს წაგწევს წინ და მოგცემს გაცილებით მეტ ინფორმაციას ვიდრე ნებისმიერი თეორიული გამოკვლევა.

[Tariel Zivzivadze]

1. არა მხოლოდ ეტაპებად, არამედ შეიძლება აზრი ჰქონდეს იმას, რომ ეს ეტაპები სხვადასხვა მონაწილემ შეასრულოს. სუფთა კოდის უსაფრთხოების მიზნით. არა?

2. თუ ვებში გადავიტანე აბა მეტი რაღაა?

3. მოხალისებიის პრობლემა არაა, ათობით გამოჩნდება

[Irakli Betchvaia]

ცხადია, კარგია როდესაც სხვადასხვა პროგრამისტები უყურებენ კოდს, მაგრამ შეიძლება კონფლიქტები გაჩნდეს. თუკი სხვადასხვა ეტაპი სხვა პროგრამისტს გინდა გააკეთებინო, სადაც ყოველი მათგანის სამუშაო წინამორბედის ნაშრომზე უნდა იყოს აგებული, კონფლიქტები გარანტირებული გაქვს.

ვებში გადატანაში გიორგიმ ალბატ სტანდარტული HTML ფორმულარები იგულისხმა. ეს ბევრად უფრო ადვილია, ვიდრე იმპერიას ნაირი ინტერფეისი. მაგრამ ჩემი აზრით მანამდე სუფთა დესკტოპის პროგრამა უნდა შექმნა. თავიდან არც მონაცემათა ბაზა და არც ვებ-ფრონტენდი გინდა. ეს უკვე შემდეგი ეტაპია.

[George Chkhikvishvili]

Irakli Betchvaia, Jun 23/09, 21:31 -ში, განაცხადა:

ცხადია, კარგია როდესაც სხვადასხვა პროგრამისტები უყურებენ კოდს, მაგრამ შეიძლება კონფლიქტები გაჩნდეს. თუკი სხვადასხვა ეტაპი სხვა პროგრამისტს გინდა გააკეთებინო, სადაც ყოველი მათგანის სამუშაო წინამორბედის ნაშრომზე უნდა იყოს აგებული, კონფლიქტები გარანტირებული გაქვს.

კი ეგრეა.

ეტაპებად ვიგულისხმე შემდეგი:

1 ეტაპი: მონაცემთა ბაზა + ვებ ფორმები (ფორმულარები როგორც ირაკლიმ თქვა). ეს არ იქნება რეალური დროში მომუშავე პროგრამა, ანუ სანამ მომხმარებელი არ განაახლებს გვერდს ის ბოლო ინფორმაცია ვერ მიიღებს.

მე-2 ეტაპი: ტესტირების შედეგად მიღებული გამოცდილების საფუძველზე უკვე რეალურ დროში მომუშავე (სიქნქრონიზირებული) თამაშის შექმნა (თუკი საერთოდ Real-Time საჭიროა). ამ ეტაპზე შეიძლება მართლაც აღმოჩნდეს რომ დესკტოპ აპლიკაცია ჯობია, სადაც მეტი კონტროლი გაქვს ყველაფერზე, განსაკუთრებით კომუნიკაციაზე. ესეც რომ მოხდეს, პირველ ეტაპზე გაწეული შრომა დაკარგული არ იქნება, რადგანაც უკვე შექმნილ "ძრავს" გამოიყენებ აქაც, შესაცვლელი იქნება მარტო კლიენტის ნაწილი.

მე-3: ანიმაცია, ვიზუალური მხარე, ფორუმი, მოთამაშეების პროფილები და სხვა მარკეტინგისთვის საჭირო ატრიბუტები.



ისე ძნელია ცოტა მასე რამის თქმა. ინფორმაცია პროექტის შესახებ არის მწირი. ზოგადი აღწერა და სქრინშოთები მაინც რომ დადო (ან გამოგვიზავნო, თუ ერიდები საჯაროდ გამოქვეყნებას) იმისა თუ რა გაქვს ექსელში მეტის თქმას შევძლებდით.

რედაქტორი George Chkhikvishvili, 24 June, 2009 - 11:25.

[Irakli Betchvaia]

ერთი დაგავიწყდა: ვირტუალური სამყაროს მოდელი (ის, რაც ეხლა ექსელშია).

სანამ გააკეთებდე მონაცემათა ბაზას, უნდა გქონდეს ფორმულები გამოთვლებისთვის. მათი ტესტირება კი ყველაზე მოსახერხებელია დესკტოპის პროგრამაში. რა იცი, რომ ექსელიდან გადმოტანილი პროგრამა მართლა იმუშავებს? რა იცი, იქნებ რამე პარამეტრები აკლია, ანდა ზედმეტი აქვს? მონაცემათა ბაზას რომ შექმნი, მერე ხომ არ დაიწყებ მის შეცვლას?

პირველ რიგში უნდა გაკეთდეს და გაისინჯოს(!) სამყაროს მოდელი. ჯავაში მაგ. ამას ნახევრად ავტომატურად აკეთებ JUnit-ის ანდა სხვა რამე მსგავსი ფრეიმწორკის საშუალებით. ხოლო როდესაც დარწმუნდები, რომ არაფერი აკლია, მერე ამის საფიძველზე შექმნი მონაცემათა ბაზას.

[Rati Dvaladze]

გამარჯობა ტარიელ, გამარჯობათ ყველას
თუ არ შეგიშლით ხელს ცოტა დაგვიანებული ჩაგერთვებით დისკუსიაში. რათქმაუნდა რამოდენიმე პროგრამისტის ეტაპობრივად ჩართვა არ იქნება სწორი ამაში ირაკლი ნამდვილად გეთანხმები. მითუმეტეს ქართველი ხალხის ბუნებას თუ გავითვალისწინებთ ... აგერ ორი გამოცდილი აიტის სფეროს წარმომადგენელი ხართ და უკვე კამათობთ ეს ხუმრობით... ინტერფეისიც სერვერის ტექნიკური მხარეც და პლატფორმაც ეს ისეთი საკითხებია რომელებიც ყოველთვის გადაწყვეტადია თუნდაც პროექტის დაწყების წინ... და მემგონი იმაში მეთანხმებით რომ გინდა MS-ში და გინდა Java-ზე გაკეთდეს ეს პროეტი კარგი რეალიზაციის შემთხვევაში პლატფორმა პრობლემას არ წარმოადგენს გასაგებია რომ ზოგს რომელი გვიყვარს ზოგს რომელი აქსიომაა რომ რა კრაგადაც არ უნდა ისწავლო ენა რამოდენიმე თვეში პროგრამისტი ვერ გახდები რომელიც ასეთი მაშტაბის პროექტს თვითინ გააკეთებ... სწავლა ყოველთვის კარგია მაგრამ ... გამოცდილება საჭიროა და არც თუ ისე პატარა, რადგან ტარიელ შენი ნათქვამიდან გამომდინარე თუ სწორად გავიგე მთელი სიმულაცია უნდა მოხდეს სერვერის მხარეს ( B-STRAT ში არ ვარ ჩახედული ) ამისთვის კი ყველა ქართველი პროგრამისტი არ გამოდგება..


თუ პირდაპირ გადაწერას აპირებ ყველაფრის მაშინ ჯავა კარგია , მაგრამ თუ გინდა რომ ეტაპობლრივად ექსელის ფაილები გამოიყენო სათვლელად და ფრონტი შენთვითონ ააწყო მაში მაიკროსოფტი ჯობია უმარტივესად მუსAობს ექსელთან