გამოხმაურებათა რაოდენობა: 33

[Besik Kvatchantiradze]

ე.ი. ბატონმა კახა ბაინდურაშვილმა განაცხადა, რომ 2-3 კვირაც და ახალი კოდექსი გექნებათო, თან 98% შეცვლილი. ძირითადად ეს მორგებული იქნება მცირე მეწარმეებისათვის, რომელთაც განსხვავებულად დაბეგრავენ (ალბათ განაკვეთები იქნება დაბალი) და მოვაჭრეებს ფიქსირებული გადასახადი იქნებათ.

ა ბატონო წყარო ახალი საგადასახადო კოდექსი

თქვენ კიდევ, თანაკონფერენციელებო, ხომ არ გაქვთ ამ კოდექსის კანონპროექტი, ან მასთან მიახლოებული ვარიანტი?

[Zviad Tsagareishvili]

მეც მინდოდა მენახა კანონპროექტი მაგრამ ჯერ ვერ მოვიძიე

[Ako Akhalaia]

მეც მაინტერესებს ახალი + იქნებ ვინმემ მოკლედ ახსნას კონკრეტულად რა ცვლილებებზეა საუბარი დაახლოებით და ამარტივებს ეს რეალურად თუ არა ან ვისთვის ამარტივებს და ვისთვის არა

[Besik Kvatchantiradze]

რაც დღეისთვის ცნობილია:
1. 30 ათას ლარამდე ბრუნვის მქონე სუბიექტები განთავისუფლებული იქნებიან გადასახადისაგან;
2. დღგ-ს რეგისტრაცია სავალდებულოა 200 ათასი ლარის ბრუნვის შემდეგ;
3. 200 ათას ლარზე მეტი ბრუნვის მქონე სუბიექტები ისარგებლებენ გამარტივებული ბუღალტერიით (აი ამას ნამდვილად ვერ ვხვდები;
4. გადასახადების ადმინისტრირების წესი იცვლება, გადასახადები იგივე რჩება;
5. მეწარმეთა უფლებებზე მთელი თავი არის დათმობილი;


მოკლედ ამაშიც კი, რაც მე ჩამოვთვალე და რაც შეიძლება კიდევ შეიცვალოს, ბევრი პრობლემატური საკითხი შეიძლება წამოიჭრას.

[Tariel Zivzivadze]

მე რაც მოვისმინე ძალიან პოზიტიურად აღვიქვი ...

[Medea Tskhvariashvili]

Tariel Zivzivadze, 04 June, 2010 - 09:17 -ში, განაცხადა:

მე რაც მოვისმინე ძალიან პოზიტიურად აღვიქვი ...

მეც

გამარტივებულ ბუღალტერიაში იმას გულისხმობენ, რომ იქნება ბრუნვიდან გადასახადი და მოიხსნება მარაგების აღრიცხვის პრობლემა, გამოსაქვითი ხარჯები აღარ ექნებათ დასათვლელი და ა.შ., ოღონდ 200 ათას ლარს ქვემოთ ბრუნვისთვის.

გარდა ზემოთ მოყვანილისა, გადასახადში დიფერენცირება იქნება 50 ათასი, 100 ათასი და 200 ათასი ლარის ბრუნვის საზღვრებში, და გარდა ამისა დღგ-ს გადახდა გახდება კვარტალური ყოველთვიურის ნაცვლად.

კიდევ გვპირდებიან ორმაგად წაკითხვადი მუხლების რაოდენობას შევამცირებთო, რაც, პრინციპში, წელიწადზე მეტია ნელი ტემპით, მაგრამ მაინც მიმდინარეობს...

[Zviad Tsagareishvili]

ახალი საგადასახადო კოდექსის პროექტი
http://www.mof.ge/co...spx?doc_id=7836

[Tea Tseradze]

გამარტივებული ბუღალტერია ანუ ბრუნვიდან გადასახადი მდგომარეობს შემდეგში:
მცირე მეწარმე აღარ დაიბეგრება და ექნება ბრუნვიდან გადასახადი, რომელიც 5%-დან 3%-მდე მერყეობს, მაგალითად მეწარმეს რომელსაც არ სურს აწარმოოს ბუღალტერია დაიბეგრება მისი ბრუნვის 5%-ით, მაგრამ მის მიერ განხორციელებული ოპერაციების თუნდაც 60% თუ იქნება დასაბუთებული ბუღალტრული დოკუმენტაციით, ეს განაკვეთი 3%-მდე მცირდება. ანუ მეწარმეს აქვს ალტერნატივა აირჩიოს მისთვის სასურველი რეჟიმი.

საყურადღებოა ის, რომ კატეგორია მცირე ბიზნესი ეხება მხოლოდ ფიზიკურ პირებს და არ ეხება მცირე ზომის შეზღუდული პასუხისმგებლობის საზოგადოებებს.

[Ilia Kevlishvili]

მე ჩემი სფეროდან გამომდინარე ის უფრო მაინტერესებს, რამდენად კონკრეტულად იქნება გაწერილი უძრავი ქონების მესაკუთრის დაბეგვრის რეჟიმი ამ ქონების გაყიდვის შემთხვევაში. ფიზიკური პირისთვის, იურიდიული პირისთვის; პირისთვის რომელსაც გაქირავებული ქონდა ქონება და შემოსავალს იღებდა; გაქირავებული საცხოვრებელი ფართის და გაქირავებული არასაცხოვრებელ ფართის შემთხვევაში, ჩაეთვლება თუ არა ეკონომიკურ საქმიანობაში ბინის ან კომერციული ფართის გაქირავება ფიზიკურ პირს და ამ შემთხვევაში როგორ დაიბეგრება. ეს საკითხები საკმაოდ გაურკვეველია ხშირად მისი სხვადასხვა ვარიაციებიდან გამომდინარე. აგრეთვე დღგ-ს მომენტი ერთჯერადი ოპერაციის დროს და სხვა. ეს იმიტომ მაინტერესებს, რომ ამასთან დაკავშირებულ შეკითხვებზე ყველა სხვადასხვანაირ პასუხს იძლევა.

[Avtandil Zivzivadze]

ილია

ეგ თემა ძაან სერიოზულია და ყოველ დეტალს დიდი მნიშვნელობა აქვს. თუმცა პასუხგაუცემელი არაფერია. უნდა მიმართო ისეთ ადამიანს ან ორგანიზაციას რომელმაც იცის. თან ”სტიმული” აუცილებლად დასჭირდება თორე ბევრი დეტალია და სერიოზული დამუშავება დასჭირდება საკითხებს.

აი მაგალითად ფიზიკური პირის მიერ საცხოვრებელი ფართის გაქირავების შემთხვევაში გამქირავებელი იხდის თანხის 12%. რომელიც საგადასახადო კოდექსის მიხედვით 2011-დან გახდება 18%.

ჩათვალე ერთი საკითხი იცი 100 პროცენტით

თან უნდა გაითვალისწინო რომ ასე ვთქვათ ორი ფიზიკური პირი არსებობს : 1. გადამხდელი ფიზიკური პირი 2. ინდმეწარმე.
ჩემი პასუხი ეხება მხოლოდ გადამხდელ ფიზიკურ პირს. ინდმეწარმე შემოსავალს ჩართავს შემოსავალში და საბოლოოდ თუ ერთობლივი შემოსავლები გადააჭარბებს ხარჯებს დაიქვითება 20%.

ასეა ბატონო

[Ilia Kevlishvili]

Avtandil Zivzivadze, 02 September, 2010 - 21:11 -ში, განაცხადა:

ილია

ეგ თემა ძაან სერიოზულია და ყოველ დეტალს დიდი მნიშვნელობა აქვს. თუმცა პასუხგაუცემელი არაფერია. უნდა მიმართო ისეთ ადამიანს ან ორგანიზაციას რომელმაც იცის. თან ”სტიმული” აუცილებლად დასჭირდება თორე ბევრი დეტალია და სერიოზული დამუშავება დასჭირდება საკითხებს.

აი მაგალითად ფიზიკური პირის მიერ საცხოვრებელი ფართის გაქირავების შემთხვევაში გამქირავებელი იხდის თანხის 12%. რომელიც საგადასახადო კოდექსის მიხედვით 2011-დან გახდება 18%.

ჩათვალე ერთი საკითხი იცი 100 პროცენტით

თან უნდა გაითვალისწინო რომ ასე ვთქვათ ორი ფიზიკური პირი არსებობს : 1. გადამხდელი ფიზიკური პირი 2. ინდმეწარმე.
ჩემი პასუხი ეხება მხოლოდ გადამხდელ ფიზიკურ პირს. ინდმეწარმე შემოსავალს ჩართავს შემოსავალში და საბოლოოდ თუ ერთობლივი შემოსავლები გადააჭარბებს ხარჯებს დაიქვითება 20%.

ასეა ბატონო

დიდი მადლობა, ეს ის მარტივი შემთხვევებია, რომელიც ჩვენს გარდა მეტ-ნაკლებად იცის მოსახლეობის უმეტესმა ნაწილმაც.
მაგრამ რამდენად შეესაბამება სინამდვილეს შემდეგი შემთხვევა: დღგ-ს გადამხდელი შპს ყიდის ქონებას, რომლის კომერციული აქტიურობა არის მხოლოდ და მხოლოდ ამ შენობის გაქირავება. მოვისმინე ასეთი ფრაზა, რომ თუ შპს ყიდის უძრავ ქონებას (უკანასკნელს და მას მეტი უძრავი ქონება არ გააჩნია), რომელთანაც არის დაკავშირებული მისი საქმიანობის 66%-ზე მეტი (ჩვენს შემთხვევაში 100%-ია), ის აღარ იხდის დღგ-ს. არის თუ არა ეს რეალობა?

[Avtandil Zivzivadze]

საქართველოს საგადასახადო კოდექსი

მუხლი 226. საწარმოს მიწოდების დაბეგვრა
1. დღგ-ის გადამხდელის მიერ საწარმოს ყველა აქტივის ან ამ საწარმოს დამოუკიდებლად მოქმედი ქვედანაყოფის მიწოდება ერთი ოპერაციის ფარგლებში დღგ-ის მეორე გადამხდელისათვის არ ითვლება დღგ-ით დასაბეგრ ოპერაციად. ამ მუხლის მიზნებისათვის, დამოუკიდებლად მოქმედ ქვედანაყოფად ითვლება ერთმანეთთან ფუნქციურად დაკავშირებული ძირითადი საშუალებებისა და თანმხლები კომუნიკაციების ერთობლიობა, რომელიც ამა თუ იმ სახის პროდუქციის დამოუკიდებლად გამოშვების ან მომსახურების გაწევის საშუალებას იძლევა და რომლის დამოუკიდებლად ფუნქციონირების შესაძლებლობა არ არის დამოკიდებული მესაკუთრის შეცვლაზე. (26.12.2008 N 871. ამოქმედდეს 2009 წლის 1 იანვრიდან)
2. ამ მუხლის პირველი ნაწილის დებულება გამოიყენება მხოლოდ იმ შემთხვევაში, თუ მიმწოდებელი და მიმღები მხარეები მიწოდებიდან 15 კალენდარული დღის განმავლობაში წერილობით ატყობინებენ საგადასახადო ორგანოს ასეთი მიწოდების შესახებ. (11.07.2007. N5280)


აბა დასკვნა შენ გამოიტანე

[Medea Tskhvariashvili]

მოგესალმებით,

მოგეხსენებათ, დაწესდა გარკვეული შეღავათები IT მომსახურების დაბეგვრასთან დაკავშირებით, რაც აისახა კიდეც საგადასახადო კოდექსში, თუმცა გარკვეული საკითხების დაზუსტება მინდა და იქნებ გამიზიაროთ თქვენი მოსაზრება ან გამოცდილება, კერძოდ:

სსკ მუხლი 168/შ თანახმად, საშემოსავლო გადასახადისაგან გათავისუფლებულია "ვირტუალური ზონის ფიზიკური პირის მიერ შექმნილი საინფორმაციო ტექნოლოგიების მიწოდებით მიღებული შემოსავალი".

1. თუკი მყავს დაქირავებული პირი, რომლის ერთადერთი მოვალეობა საინფორმაციო ტექნოლოგიების "შექმნა" და აქვს ყოველთვიური ხელფასი (არა კონკრეტულ პროექტზე მიბმული), უნდა განვიხილო თუ არა მისი სამუშაო, როგორც საინფორმაციო ტექნოლოგიების მიწოდება შპს-სთვის და გავათავისუფლო გადასახადისაგან?

2. როგორ დაიბეგრება ასეთი პერსონალის პრემიები - დარღვევა ხომ არ იქნება ეგეც რომ გავათავისუფლო?

[Tariel Zivzivadze]

ისიც საინტერესოა რა იგულისხმება ტერმინის - "საინფორმაციო ტექნოლოგიების" ქვეშ ... კონკრეტულად ოღონდ და არა სადღეგრძელოების დონეზე

[George Chkhikvishvili]

ვირტუალური ზონა ალბათ გულისხმობს რომ კლინტი სარგებლობს ფიზიკური პირის მიერ ინტერნეტში საჯაროდ გამოქვეყნებული ელექტრონული სერვისით. ანუ სერვისის საგანი უნდა იყოს მომსახურება, რომლის გაწევა ხდება მთლიანად ინტერნეტით და არა, სიტყვაზე, მარტო შეკვეთის მიღება მეილით.

ასევე საინტერესოა შედის თუ არა ფიზიკურის პირის მფლობელობაში არსებულ საიტ(ებ)ზე რეკლამიდან მიღებული შემოსავალი?

რედაქტორი George Chkhikvishvili, 07 October, 2010 - 15:07.

[Avtandil Zivzivadze]

მე-12 მუხლი

52. ვირტუალური ზონის პირი – ფიზიკური ან იურიდიული პირი, რომელიც ახორციელებს საინფორმაციო ტექნოლოგიურ საქმიანობას. (21.07.2010. N3489 ამოქმედდეს 2010 წლის 1 აგვისტოდან)
53. საინფორმაციო ტექნოლოგიები – კომპიუტერული საინფორმაციო სისტემების შესწავლა, მხარდაჭერა, განვითარება, დიზაინი, წარმოება და დანერგვა, რის შედეგადაც მიიღება პროგრამული უზრუნველყოფის პროდუქტები. (21.07.2010. N3489 ამოქმედდეს 2010 წლის 1 აგვისტოდან)


მაგარი ტერმინების რახა-რუხია

ჩემი რჩევა იქნება დაველოდოთ ან ფინანსთა მინისტრის ბრძანებას ან შემოსავლების სამსახურის უფროსის მეთოდურ მითითებას. ან თუ ვინმეს კონკრეტული სიტუაციის აღწერა შეუძლია აღწეროს და წერილის სახით მიმართოს ფინანსთა სამინისტროს

[Medea Tskhvariashvili]

Avtandil Zivzivadze, 08 October, 2010 - 10:48 -ში, განაცხადა:

ჩემი რჩევა იქნება დაველოდოთ ან ფინანსთა მინისტრის ბრძანებას ან შემოსავლების სამსახურის უფროსის მეთოდურ მითითებას. ან თუ ვინმეს კონკრეტული სიტუაციის აღწერა შეუძლია აღწეროს და წერილის სახით მიმართოს ფინანსთა სამინისტროს

მადლობა ავთანდილ,

ალბათ მასეც მოვიქცევით, მაგრამ წერილს იურიდიული ძალა არ აქვს, როდის მოვა პასუხი არავინ იცის, ჩემი პატარა კომპანიისთვის კი ის თანხა, რასაც ყოველთვე საშემოსავლო გადასახადის სახით ვიხდით, დიდი ფულია

ყველა სიკეთესთან ერთად მითხრეს რაღაც დეპოზიტი გჭირდება წერილზე პასუხი რომ მიიღოო, მართალია? საინფორმაციო ცენტრიც შვებულებაშია მემგონი

[George Chkhikvishvili]

მედეა მე ასე ვფიქრობ რომ ეს კანონი შეეხება პ/უ შექმნელებს, ანუ პროგრამისტებს ვინც წერს პროგრამებს დაკვეთით. ის, რომ სიტყვაზე, თანამშრომელი კომპიუტერთან ზის და ორისთან მუშაობს მგონი საშემოსავლოსგან არ გათავისუფლდება.

[Avtandil Zivzivadze]

მედეა გამარჯობა,

გიორგის უნდა დავეთანხმო

თუ განსაზღვრებიდან ვიმსჯელებთ ახალი პროგრამის შემქმნელებს ერგებათ ეს შეღავათი. ყოველ შემთხვევაში მე ასე მესმის. ასე რომ ჩვეულებრივი მუშაკი ამ შეღავათ მე მგონი ვერ მიიღებს, ყოველ შემთხვევაში ასე ჩანს გარედან.

წერილს ახალი წლიდან კანონის ძალა ექნება, ასე რომ ცოტათი მოვითმინოთ

დეპოზიტს რაც შეეხება მართლა არ ვიცი რა ხდება მაქ მხრივ

[Medea Tskhvariashvili]

გიორგი,

ბუღალტერი რომ შეღავათს ვერ მიიღებს მაგაში არც შემაქვს ეჭვი; საუბარი მაქვს მცირე კომპანიაზე, რომლის ერთადერთი საქმიანობა ვებ-დეველოპმენტია და კადრებიც შესაბამისი პროფესიით ყავს, ხოლო ადმინისტრაციული პერსონალის ხელფასი საერთო ჯამის მხოლოდ მცირე ნაწილია...


ავთანდილ,

ყველაზე რეალური რაც მოვიფიქრე - ახლაც გავგზავნი წერილს, და სანამ წლიური დეკლარაციის ჩაბარების ვადა მოვა - უკვე კანონის ძალის მატარებელ წერილზე ვიზრუნებ, სხვაობის შემთხვევაში კი ყოველთვიურ დეკლარაციებს დავაზუსტებ...