[Paata Vardanashvili]

2007 წლიდან თბილისში, ნოდარ დუმბაძის ბავშვთა ქალაქ "მზიურში", ტურისტული კომპანია თებულოტურის ორგანიზებით, ტრადიციულად, ყოველ 26 ივნისს ტარდება "ხევსურული საღამო მზიურში" სადაც ხევსური მომღერლების, პოეტების, სახალხო მთქმელებისა და მოცეკვავეების გარდა საქართველოს მთის რეგიონის ყველა კუთხის წარმომადგენელი მონაწილებს.
ვინაიდან საღამოზე ხევსურეთის გარდა მთელი საქართველოს მთიანეთია წარმოდგენილი, წელს საღამოს დაერქმევა “მთის საჩუქარი ბარს”.
საღამოზე გამოიფინება მთის ცხოვრებისა და ბუნების ამსახველი ფოტომასალა, წარმოდგენილი იქნება საქართველოს მთიანეთისთვის დამახასიათებელი ხალხური რეწვის ნიმუშები და სამზარეულო, სპეციალურად საღამოსთვის დამზადდება ხევსურული და ოსური ლუდი. გაიმართება წიგნებისა და მუსიკალური ალბომების პრეზენტაცია.
ღონისძიების მიზანია პოპულარიცაზია გაუწიოს მთის კულტურას, გააცნოს თბილისელებს და დედაქალაქის სტუმრებს მთის ფოლკლორი. ხელი შეუწყოს მთაში ტურიზმის განვითარებას.
საღამოს დევიზია - თუ თბილისელები და დედაქალაქის სტუმრები ვერ მიდიან მთაში, მთა თავად მოდის მათთან!
საღამოს ორგანიზებისთვის საჭიროა 5000 ლარი. ღონისძიებას ესწრება 4000-5000 ადამიანი, შუქდება მედიის ყველა საშუალებებით. დასწრება თავისუფალია.
დაინტერესებულ კომპანიებს შეუძლიათ გაგვიწიონ სპონსორობა 500 ლარიდან. მათი ლოგო განთავსდება საღამოს ბანერებსა და მოსაწვევებზე, ბანერი დაიდგმება სცენაზე. გენერალური სპონსორისათვის 3000 ლარით დასპონსორების შემთხვევაში საღამოს დაერქმევა ამ კომპანიისა და მთის საჩუზარი ბარს.
ღონისძიებამდე რამდენიმე დღით ადრე, გენერალური სპონსორის ოფისში ჩატარდება პრეს-კონფერენცია, რომელზეც ორგანიზატორები და კომპანიის წარმომადგენლები ჟურნალისტებს საღამოს ანონსს გააცნობენ.
თუ სურვილი გაგიჩნდებათ და მოგვაწვდით თქვენს მაისურებსა და კეპებს, ღონისძიების დამხმარე პერსონალი მთელი საღამოს მანძილზე გენერალური სპონსორის ტანსაცმლით იმოძრავებენ.

პაატა ვარდანაშვილი
თებულოტურის დირექტორი
899 914655
pvardanashvili@gmail.com


www.paata.ge


www.paata.ge