გამოხმაურებათა რაოდენობა: 26

[Nina Jinjolava]

მოკლედ ამ პიროვნებას რაც შეეხება. ეს ადამიანი ამჟამად შტატებში და ევროპაში მოღვაწეობს. ფლობს საკუთარ მეთოდს თმის მოვლის, მკურნალობის და ცვენის პრობლემებთან გასამკლავებლად. ამჟამად სერიოზულად ფიქრობს თმის სამკურნალო, დიაგნოსტიკური ცენტრის გახსნას.

[Shalva Gordeziani]

ნინო საღამო მშვიდობის

სახელი "გლორია" როგორ მოგწონს?
ვფიქრობ საკმაოდ დადებითი, ცნობადი და ამავე დროს კლინიკის ძირითადი მიზნების გამომხატველია. სიტყვა ნიშნავს შმდეგს: დიდებას, ტრიუმფს, ბრწყინვალებას, სილამაზეს, აღფრთოვანებას, სიამაყეს, განდიდებას და ა.შ.

[Nina Jinjolava]

ჟღერადობა ნამდვილად კარგი აქვს, თუმცა ქალის სახელთან ასოცირდება მგონი. ჩვენ კი თავი უნდა ავარიდოთ, რადგან მართალია კლინიკა თმის დიაგნოსტიკას და მკყურნალობას სთავაზობს მომხმარებელს, მიზნობრივ სეგმენტში უფრო მამაკაცები მოიაზრება.
ერთი გაფიქრება ვიფიქრეთ ”ეგო”-ზე . ძლიერ მე-ს უკავშირდება და ვფიქრობ მამაკაცური ჟღერადობა აქვს, ცოტა ეგოისტური, მაგრამ ეგ ვარიანტიც გამოვრიცხეთ.

სხვა ვარიანტები კიდევ რა შეიძლება? აქ გამოთქმული მოსაზრებების საფუძველზე როგორც ვატყობ ”ვარჯი” გამოირიცხება.

ძალიან საინტერესოა საზოგადოების აზრი.

[Shalva Gordeziani]

მე როგორც ვხვდები ეს კომპანია, რაგაც განსაკუთრებულ მეთოდოლოგიასა და სიახლეს სთავაზობს თმების ცვენის საწინააღმდეგოდ. გამოდის რომ ახალ სტანდარტებს დანერგავს თავის ინდუსტრიაში.

ამ შემთხვევაში გთავაზობ სახელს - "ნორმა"

რაც შეეხება "ეგოს" გეთანხმები.

[Natalie Saginashvili]

ნინო,

რატომღაც ძალიან მომწონს სახელწოდება "ჯანი" უბრალოდ არ ვიცი თმის კლინიკას რამდენად შეესაბამება.
ჰეას თუ გავყვებით, "ჰეა ქეა" - Hair Care მომივიდა კიდევ აზრად.
მე მაინც გვარს ვანიჭებ უპირატესობას. არ არის აუცილებელი მთლიანი გვარი გამოიყენოს. შესაძლებელია გვარის პირველი რამოდენიმე ასო იყოს გამოყენებული რაიმე სხვა სიტყვასთან შერწყმაში. შეგიძლია გვითხრა რა გვარია?

რედაქტორი Natalie Saginashvili, 25 June, 2010 - 01:20.

[Tariel Zivzivadze]

Nina Jinjolava, 24 June, 2010 - 19:59 -ში, განაცხადა:

მოკლედ ამ პიროვნებას რაც შეეხება. ეს ადამიანი ამჟამად შტატებში და ევროპაში მოღვაწეობს. ფლობს საკუთარ მეთოდს თმის მოვლის, მკურნალობის და ცვენის პრობლემებთან გასამკლავებლად. ამჟამად სერიოზულად ფიქრობს თმის სამკურნალო, დიაგნოსტიკური ცენტრის გახსნას.

ბევრი ფიქრი არ უნდა...

გვარი გამოიყენოს ...

[Shalva Gordeziani]

ეგ კარგია, თუ თვითონ პიროვნებას სურს რომ მისი გვარი დაფიქსირდეს.

ნინო, იქნებ გვარი უშლის ხელს და თავს იმიტომ იკავებს?

"ნატურა" - მაღალ ხარისხს ნიშნავს და ამავე დროს გამოხატავს ბუნებრიობას, ნატურალურობას, ბოლო ბოლო პიროვნების "ნატურასაც" და ა.შ.

[Nina Jinjolava]

მოგესალმებით,

არა გვარის ვარიანტი ხელს არ უშლის, უბრალოდ თავად იკავებს თავს, ძალიან დიდი ხანია საქართველოდან არის წასული, ბავშვობიდან და აქაურობას სრულიად მოწყვეტილია პრაქტიკულად. სამედიცინო სფეროში მას დიდად კი არადა საერთოდ არ იცნობენ ჩვენთან, სხვადაშორის ასაკით არც თუ ისე დიდია, მიუხედავდ საკმაოდ აბმიციურობისა და წარმატებული კარიერისა , და პიროვნებაა ისეთი საკუთარი ”თავის გამოჭენება” რომ არ უყვარს. თორემ გვარის გამოყენებაზე კარგა ხანი ”ვუბურღე” ტვინი. მეც ვფიქრობ, რომ თუ სახელს გააპიარებ, ბარეღამ შენი გვარი გააპიარე მეთქი, მაგრამ....



შალვა ამ ვარიანტზე ვიფიქრებთ, ვფიქრობ სასიამოვნოდ ჟღერს, არც ნატალის ვარიანტი იყო ცუდი ”ჯანი”, მაგრამ ძალიან ქართულია.

და რაც მთავარია დიდი მადლობა მხარდაჭერისთვის.

[Tariel Zivzivadze]

სამედიცინო სფეროში ხშირია როცა სახელში ფიგურირებს ან გვარი ან კონკრეტული ტერიტორიული ერთეულის დასახელება ...
თან ეს განმასხვავებელი ფაქტორიცაა ...

ეხლა თუ გვარია "ღობეყორეგლეჯიაშვილი" მისი გამოყენება ნამდვილად არ არის მიზანშეწონილი მაგრამ ხელარებით უარი თქვა გამოჭენებაზე მაინც არასწორია ... ბოლო ბოლო თუ კლინიკა უნდა ეს უკვე ერთგვარი "გამოჭენებაა" ...

როგორი უნდა იყოს სახელი?
იქნებ ამ შეკითხვას პასუხი უფრო ვრცლად გასცე?

[George Chkhikvishvili]

კლინიკა "ჭიჭიკო"

გეძახიან ზიპლიპიტოს
დაგეხმარება "ჭიჭიკო"

P.S. პროფებო არ გაბრაზდეთ

[Shalva Gordeziani]

ნინო მოგესალმები,

თვითონ კლინიკისათვის ლოგოტიპი არსებობს?

[Nina Jinjolava]

მოგესალმებით ყველას!

ბოდიშს იხდით პასუხის დაგვიანებისათვის, როგორც ვნახე კითხვებიც დასმულა.
ტარიელ,

სახელისადმი მოთხოვნა პოზიციონირებიდან გამომდინარე შემდეგნაირად განვსაზღვრეთ:
1. უნდა ასახაბდეს კლინიკის ნოვატორულ მიდგომას და ორიგინალურ მეთოდოლოგიაზე აქცენტირებას;
2. ჩავთვალეთ, რომ უნდა ყოფილიყო თმასთან დაკავშირებული ანუ საქმიანობასთან, თუმცა ეს უკანასკნელი სავალდებულო არ არის.

და 3. როგორც ყველა სახელს, სასურველია, რომ იყოს მარტივად დაახსოვრებადი და აღქმადი.

შალვა,

რაც შეეხება ლოგოტიპს, მიდის მასზე მუშაობა და საბოლოო სახით მალე იქნება. ფორმა შემუშავებულია, ახლა ფერებზე ვმსჯელობთ. საინტერესოა პროფესიონალების აზრით, როგორ ფიქრობთ რა ფერები მოუხდებოდა? პოზიციონირება მეტნაკლებად იცით და რაზეც კეთდება აქცენტირება.

გიორგი,

არ არის ცუდი მიდგომა, კონტქესტშჳ კარგად ჯდება, ოღონდ ეგაა, რამდენად გარისკავენ იუმორისტული სახელის დარქმევას .

[Shalva Gordeziani]

მოგესალმები ნინო,

ერთი რაც შემიძლია გითხრა ფერებთან დაკავშირებით ლოგოს დიზაინს გააჩნია.
ცოტა ძნელი წარმოსადგენია, თუ ლოგოს ფორმა შემუშავებულია ფერებზე ეხლა რატო ფიქრობთ?

[Nina Jinjolava]

შალვა მოგესალმები,

რაც შეეხება ლოგოს ფორმას, გეთანხმები, წესით, ფორმა ფერებთან ერთად იქმნება, მაგრამ რადგანაც მიმართულება მარტივი ფორმებისკენ ავიღეთ, როგორც ეს თანამედროვე დიზაინშია გავრცელებული დღეს, ნებისმიერი ფერთა კომბინაციის მორგება შეიძლება (ორფეროვანი ლოგოა). უბრალოდ თქვენი აზრი მაინტერესებდა, მსგავსი დაწესებულებისთვის რა ფერებს მიანიჭებდით უპირატესობას, უფრო სწორად, რა ფერებში წარმოგიდგენიათ თმის კლინიკა.

ცოტა აბსტრაქტული კითხვა გამოვიდა, მაგრამ საინტერესოა, დავივიწყოთ სხვადასხვა ფაქტორები, რომელიც კორპორატიული ფერთა გამისა და სტილის შექმნაში მონაწილეობს. ისე ფსიქოლოგიური ფაქტორი მაინტერესებს.

[George Chkhikvishvili]

შავი უნდა ერიოს, ყველა ზიპლიპიტო ოცნებობს სარკეში ეგ ფერი დაინახოს )

შავი და მუქი-ყვითელი

რედაქტორი George Chkhikvishvili, 01 July, 2010 - 21:55.

[Shalva Gordeziani]

საინტერესო მოსაზრება გამოითქვა, შავს მეც გარკვეულწილად ვეთანხმები.
აი მუქი-ყვითელისა რა მოგახსენოთ.

გიორგი რატო მუქი ყვითელი?

[George Chkhikvishvili]

ეგრე გათვიცნობიერებულად გამიჭირდება პასუხის გაცემა, ალბათ უფრო იმიტომ რომ შავთან წავიდეს. საერთოდ შავი "ცუდი" ფერია, მაგაზე ცუდი შეიძლება მხოლოდ მუქი ყვითელი იყოს, ანუ ამ ფერთან შეხამებით შავი მთავარ როლში გვევლინება (რაც იყო მიზანი). არვიცი, შეიძლება საკამათო ლოგიკაა...