გამოხმაურებათა რაოდენობა: 13

[George Chkhikvishvili]

მოგესალმებით მეგობრებო, მაქვს ასეთი ქეისი:

კლიენტი დებს თანხას დეპოზიტზე და მერე ირჩევს სხვადასხვა მომსახურებას. სერვისი განკუთვნილია კომპანიებისთვისაც, რომელსაც მინდა მივცე Invoice. კითხვა მდგომარეობს შემდეგში: როდის და რაზე გამოვწერო Invoice - თანხის შემოსვლის მომენტში შემოსულ დეპოზიტზე, თუ უკვე გაწეულ (გასაწევ) მომსახურებაზე იმის მერე როცა მას ამოირჩევს?

[Inga Potskhishvili]

გააჩნია ხელშეკრულება როგორ გაქვთ შედგენილი.
თუ ხელშეკრულებაში არ გაქვთ გაწერილი რა მომსახურებას უწევთ კომპანიას და არარის მითითებული ღირებულებები – ეს შეცდომაა. ინვოისი, როგორც წესი, იწერება თანხის ჩარიცხვამდე, მარტივად რომ ვთქვათ ჯერ ფული მერე ინვოისი არასწორია.

[George Keretchashvili]

ინვოისში როგორც წესი არის მოთხოვნა გადახდის შესახებ, რომელიც მიეწოდება კლიენტს თანხის გადახდამდე. ეთითება მომსახურების ან პროდუქტის დასახელება, რაოდენობა და ღირებულება. ეს არის თანხის გადახდის საფუძველი.

თუ ავანსის მოთხოვნისას გინდა დაუწერო, მიუთითე "საავანსო თანხა ზოგადად ამა და ამ მომსახურების სფეროსთვის", თუმცა ვერ მიუთითებ კონკრეტულად რა მომსახურებისთვის ახდევინებ, რადგან ჯერ არ იცი რას ირჩევს, რაც შეიძლება კლიენტისთვის უხერხული იყოს.

თუ ავანსს ინვოისის გარეშე გადმოგირიცხავს, ესეც შეიძლება პრობლემური იყოს კლიენტისთვის, რადგან გაუგებარი იქნება რის საფუძველზე და რატომ გირიცხავს ამ თანხას.

მომსახურების არჩევის შემდეგ კი ინვოისის გაგზავნა, ანუ თანხის მოთხოვნა, როცა თანხა უკვე გადმორიცხული აქვს, უკვე ალოგიკურია.

უხეშად ალბათ ასეთი სქემა დაგაკმაყოფილებთ ორივე მხარეს:
1. გააფორმეთ ხელშეკრულება
2. გაუგზავნე ინვოისი საავანსო თანხის მოთხოვნაზე
3. მომსახურების გაწევის შემდეგ გააფორმეთ ურთიერთშეთანხმების ოქმი, სადაც ასახავთ რაში დაიხარჯა თანხა.

[George Chkhikvishvili]

გიორგი მადლობა ესეთი ნათელი პოსტისთვის! იმ კითხვებზეც დევს პასუხები რაც მერე უნდა დამესვა

მგონი გასაგებია. პრობლემა მქონდა ინვოისსში სიტყვა ავანსის (დეპოზიტის) ჩასმაზე, ანუ მაინტერესებდა ეს რამე პრობლემას ხომ არ შექმნიდა. როგორც მივხვდი, სხვა სიტყვებით ინვოისი არის საბუთი (ჩეკი), რომელსაც აძლევ გადამხდელს შემოტანილი თანხის სანაცვლოდ.

ინგა, მომსახურება არის ონლაინ, ხელმოწერილი ხელშეკრულების გარეშე, თანხის საბანკო გადმორიცხვის შემთხვევაში როგორც თქვით ინვოისის ამობეჭდვა შეიძლება წინასწარ, გადმორიცხვამდე. მარა არის გადახდის მეორე გზაც, საკრედიტო ბარათით. მე როგორც მითხრეს ამაზონს აქვს ეგეთი სერვისი (ინვოისის პოსლეზე ამობეჭდვა) და მას სახელმწიფო ორგანიზაციებიც იყენებენ. მეც მინდა რამე მაგდაგვარი ჩავდო და ეხლა შევეცადე გამერკვია რა წინააღნმდეგობა შეიძლება შეხვედროდა ამას. თუ სერვისი ავტომატური იქნება და გამადმხდელს ეცოდინება რომ გადახდის შემდეგ ინვოისს ყოველგვარი შეფერხების გარეშე ავტომატურად ამობეჭდავს, მგონი პრობლემა არ უნდა იყოს. სიტყვაზე, როგორც მაღაზიაში სადაც საკასო აპარატის ჩეკს იღებ იმის შემდეგ რაც იხდი თანხას.

ანუ რეზიუმეს სახით: ინვოისი მიბმულია თანხაზე და არა მომსახურებაზე (განსხავევბით სიტყვაზე დღგ-ს ანგარიშფაქტურისგან). მგონი ეგრეა

[George Keretchashvili]

George Chkhikvishvili
გიორგი, გირჩევ გამოცდილ ბუღალტერთან და იურისტთან გაიარო კონსულტაცია სანამ კონკრეტულ ნაბიჯებს გადადგამ.

[George Chkhikvishvili]

ეგ ბუნებრვია, მაგრამ... როგორც წესი როცა ვეკითხები ყოველთვის ეძებენ პრეცენდენტებს და თავს იზღვევენ, თან ხშირად დოგმასავით აქვთ დაზეპირებული ესა თუ ის შემთხვევა. ის მომსახურება რაზეც იყო ლაპარაკი ტიპიური არ არის და ვისაც მივმართე გაუჭირდათ პასუხის გაცემა (ისევ პრეცენდენტების არარსებობის გამო) მაგიტომაც დავდე აქ რომ მეპოვა ის ხალხი ვისაც გარდა კანონისა მიზეზიც ესმის თუ რატომ იყო ის შემოღებული.

რაც შეეხება ჩემს პოსტს, არის რამე შეცდომა ჩემს მსჯელობაში? საბოლოოდ მაინც სპეციალისტთან გავივლი, მარა მანამდე მინდა მზად ვიყო სალაპარაკოდ.

[Avtandil Zivzivadze]

გიორგის სალამი,

ჯერ ერთი შენ ინვოისს კი არ გამოწერ არამედ საგადასახადო ანგარი-შფაქტურას, რომელსაც გამოწერის თავისი წესი აქვს.

მერე მეორე ანგარიშ-ფაქტურის გამოწერისათვის არ არის საჭირო უშუალოდ ფულის გადახდა. მთავარია დარიცხვის მეთოდით მუშაობისას როდის აღიარებ შენ მომსახურებას გაწეულად, რაც ასევე დამოკიდებულია კონტრაქტზე(თუ ის არსებობს). ხოლო ანგარიშ-ფაქტურა არის დღგ_ით დასაბეგრი ოპერაციების განხორციელების "დამადასტურებელი" დოკუმენტი. ანუ ის ამას ადასტურებს და აუცილებლად არ არის თეორიულად მისი გამოწერა თუ მყიდველი ამას არ მოითხოვს.

თუ სერიოზული კონსულტაცია გინდა მომწერე პმ_ში

[Medea Tskhvariashvili]

ავთანდილ, გიორგის უბრალოდ აინტერესებდა ავანსი რა ფორმით მოეთხოვა, რისთვისაც მეც ვთვლი რომ სწორედ ინვოისი გამოადგება, რომელიც გაწეული/გასაწევი მომსახურების დაკონკრეტებას არ ითხოვს, ანგარიშ-ფაქტურას კი თვის ბოლოს ფაქტობრივად გაწეული მომსახურების მიხედვით გამოწერს

[George Chkhikvishvili]

გამარჯობა ავთო, როგორც მედეამ თქვა ლაპარაკი იყო საავანსო თანხის ჩარიცხვაზე, რომელიც ჯდება დეპოზიტზე და მომავალში მომხმარებელი თვითონ წყვეტს თუ როდის და რამდენი მომსახურება შეიძინოს. ამ საავანსო თანხისთვის მაინტერესებდა ვისთვის და რა საბუთი უნდა გამომეწერა.

აქვე ერთი კითხვა, თუ არ ვარ დღგ-ს გადამხდელი მჭირდება თუ არა ანგარიშფაქტურის გამოწერა?

[Medea Tskhvariashvili]

გიორგი,

თუ არ ხართ დღგ-ს გადამხდელი დღგ-ს ანგარიშ-ფაქტურას უბრალოდ ვერ გამოწერთ, ამის უფლება არ გაქვთ, მაგრამ რაიმე სახით (მაგალითად, გამარტივებული ანგარიშ-ფაქტურით, რომლის შიდა აღრიცხვაც თავად შეგიძლიათ აწარმოოთ) კლიენტს უნდა წარედგინოს ანგარიში, თუ რა მომსახურებისთვის რა თანხა გადაიხადა/ჩამოაჭერით დეპოზიტიდან

[George Chkhikvishvili]

მედეა მადლობა გამოხმაურებისთვის მაგ ინფორმაციას ონლაინ რეჟიმში იღებს, თუ სურს გავუფორმებ მიღება ჩაბარების აქტსაც.

[Avtandil Zivzivadze]

თუ მიღებული საავანსო თანხა არებობს, გამოწერე შენც სალაროს შემოსავლის ორდერი და მორჩა. ორივე მხარე კმაყოფილი დარჩებით

თუ არ ვცდები საქართველოს საგადასახადო კანონმდებლობა არ იცნობს ტერმინს ”ინვოისი”. ეგ რა უბედურებაა ამიხსენით ვინმემ?

[Medea Tskhvariashvili]

Avtandil Zivzivadze, 20 August, 2010 - 23:05 -ში, განაცხადა:

თუ მიღებული საავანსო თანხა არებობს, გამოწერე შენც სალაროს შემოსავლის ორდერი და მორჩა. ორივე მხარე კმაყოფილი დარჩებით

თუ არ ვცდები საქართველოს საგადასახადო კანონმდებლობა არ იცნობს ტერმინს ”ინვოისი”. ეგ რა უბედურებაა ამიხსენით ვინმემ?

თუკი გადარიცხვაა მაშინ როგორ მოვიქცეთ?

არ ცნობს, მაგრამ ჯერ არავის გაუპროტესტებია - შიდა დოკუმენტია, როგორც წერილი (თხოვნა) თანხის გადმორიცხვასთან დაკავშირებით, უბრალოდ მეტად ოფიციალური და მორჩა

[Avtandil Zivzivadze]

Medea Tskhvariashvili, 20 August, 2010 - 23:22 -ში, განაცხადა:

თუკი გადარიცხვაა მაშინ როგორ მოვიქცეთ?

არ ცნობს, მაგრამ ჯერ არავის გაუპროტესტებია - შიდა დოკუმენტია, როგორც წერილი (თხოვნა) თანხის გადმორიცხვასთან დაკავშირებით, უბრალოდ მეტად ოფიციალური და მორჩა

კარგი შეკითხვაა

ვისაც შეაქვს მას საგადახდო დავალებაში დაუფიქსირდება საავანსო თანხა

ვინც ღებულობს რას იზამს? რომ რამე საბანკო ამონაწერს მოიშველიებს სადაც დაფიქსირებული იქნება თანხა როგორც ავანსი

რა ვი ალბათ ესე