ნახტომი





- - - - -

მედიასთან ურთიერთობის ძირითადი საკითხები


გამოხმაურებათა რაოდენობა: 105

#1 Khatuna Giorgadze

    დამწყები

  • Member
  • პიქტოგრამაპიქტოგრამა
  • 25 გამოხმაურება
0

დაწერილია 16 February, 2005 - 15:45

ამ სექციაში საუბარი იქნება ფიარ სამსახურისა და მედიის ურთიერთობის ისეთ საკითხებზე, როგორიცაა: როგორ გვესმის მედიასთან ურთიერთობა; რა არის ის გადამწყვეტი ფაქტორები, რომელიც განაპირობებს წარმატებულ თანამშრომლობას ფიარსა და ჟურნალისტებს შორის; რა ძირითად შეცდომებს უშვებენ ფიარ სპეციალისტები (საინტერესოა ამ მხრივ ჟურნალისტების ხედვა); როგორია ქართული საინფორმაციო სივრცე; სად გადის ზღვარი რეკლამასა და ფიარს შორის; პირადი კავშირების მნიშვნელობა, მანიპულაციის პრობლემა და მრავალი სხვა.

ვიმედოვნებ დაინტერესდებით ამ საკითხებით და თქვენ მოსაზრებებს და გამოცდილებას გაგვიზიარებთ.

ხათუნა გიორგაძე
აგროტექნიკის ჯგუფი
Khatuna Giorgadze
Corporate and Public Affairs Officer
Agritechnics Group

#2 Khatuna Giorgadze

    დამწყები

  • Member
  • პიქტოგრამაპიქტოგრამა
  • 25 გამოხმაურება
0

დაწერილია 21 February, 2005 - 14:23

კონფერენციის ძვირფასო მონაწილეებო,

ამ სექციაში კონფერენციის პირველ კვირას მინდა ძირითადად შემდეგ საკითხებზე გავამახვილოთ ყურადღება: რა არის მედიასთან ურთიერთობა, რა უნდა და რა არ უნდა (!) გააკეთოს ფიარ სპეციალისტმა, თუ სურს რომ მედიასთან წარმატებული ურთიერთობა განავითაროს და შევადაროთ ერთმანეთს პრეს ატაშესა და ჟურნალისტების ამოცანები და მუშაობის სტილი, რაც კარგად გვიჩვენებს სად არის საფუძველი ორმხრივად მომგებიანი თანამშრომლობისთვის, სად კი აბსოლუტურად განსხვავებული მიდგომაა და შესაბამისად ფრთხილ დამოკიდებულებას მოითხოვს.

მედიასთან ურთიერთობა ფიარ საქმიანობის ერთ-ერთი უმნიშვნელოვანესი კომპონენტია. ჩემი აზრით, მედიასთან ურთიერთობა წარმოადგენს ინფორმაციის სისტემატიურ გაცვლასა და კავშირს მედიის წარმომადგენლებთან, რომლის ამოცანაა ორგანიზაციის მიზნებიდან გამომდინარე მოხდეს საზოგადოებისთვის ინფორმაციის მიწოდება და მას მედიის საშუალებებში მაქსიმალური გაშუქების მიღწევა. ამისათვის კი ფიარ სპეციალისტმა, პირველ რიგში, ინფორმაციის სანდო და დროულიდან მომწოდებელი წყაროს რეპუტაცია უნდა დაიმკვიდროს. ასევე მას კარგად უნდა ესმოდეს ის პრიორიტეტები და მოთხოვნა, რომელიც საინფორმაციო სივრცეში არსებობს.
Khatuna Giorgadze
Corporate and Public Affairs Officer
Agritechnics Group

#3 Tariel Zivzivadze

    L8: პროფესიონალი

  • Members
  • პიქტოგრამაპიქტოგრამაპიქტოგრამაპიქტოგრამაპიქტოგრამაპიქტოგრამაპიქტოგრამაპიქტოგრამაპიქტოგრამაპიქტოგრამაპიქტოგრამა
  • 11,944 გამოხმაურება
39

დაწერილია 21 February, 2005 - 14:41

საინტერესო იყო ბიზნესის ხედვის მოსმენა,

ეხლა საინტერესო იქნებოდა თუ როგორ უყურებს მედიის წარმომადგენელი ინფორმაციის წყაროს?

როგორც შემოსავლის წყაროს თუ როგორც ინფორმაციის წყაროს მხოლოდ?
საუკეთესო სურვილებით,

ტარიელ ზივზივაძე
contact@tarielzivzivadze.ge
http://tarielzivzivadze.ge

#4 Dodo Melia

    Newbie

  • Member
  • პიქტოგრამა
  • 4 გამოხმაურება
0

დაწერილია 21 February, 2005 - 18:20

მასმედიასთან ნდობის მოსაპოვებლად საჭიროა მათ მიერ დასმულ კითხვებს კონკრეტული პასუხი გაეცეს და ზოგადი ფრაზებით არ შემოვიფარგლოთ, თუ ვერ ხერხდება პასუხის გაცემა მაშინ სჯობია აუხსნა მიზეზი (ბოლოს და ბოლოს მოუბოდიშო)

რაც შეეხება განხსვავებას
რეკლამაა ის რისი გავრცელებაც მხოლოდ ფიარმენეჯერის (როგორც ორგანიზაციის წარმომადგენლის) ინტერესებში შედის, რაშიც სათანადო თანხა უნდა გადაიხადოს. არ შეიძლება მასმედიას სარეკლამო განცხადება შესთავაზო როგორც სიახლე. (ამ ეშმაკობას ადრე თუ გვიან მიგიხვდებიან და შემდგომ არ გენდობიან)
მასმედიასთან ურთიერთობისას ფიარის სპეციალისტი ყველაზე მეტად უნდა ზრუნავდეს ნდობის მოპოვებისათვის. (არანაკლები შრომა სჭირდება მის შენარჩუნებას)

მაპატიეთ იმედები თუ გაგიწბილეთ და შესაფერისი პასუხი ვერ შემოგთავაზეთ
დოდო

#5 Nino Tarkhnishvili

    L3: კომპეტენტური

  • Member
  • პიქტოგრამაპიქტოგრამაპიქტოგრამაპიქტოგრამაპიქტოგრამაპიქტოგრამა
  • 644 გამოხმაურება
0

დაწერილია 21 February, 2005 - 22:41

ჩემი აზრით, ფიარმენეჯერებსა და მედიის წარმომადგენლებს შორის აუცილებელია დამყარდეს კეთილგანწობილი ურთიერთთანამშრომლობა. ალბათ დამეთანხმებით, რომ ამ შემთხვევაში ორივე მხარე მოგებული დარჩება. ამასთანავე ვფიქრობ, ფიარმენეჯერმა კარგად უნდა გაათვითცნობიეროს ის სირთულე, რასაც მედიასთან ურთიერთობა წარმოადგენს, ამ შემთხვევაში უნდა აიწონ-დაიწონოს ყოველი სიტყვა, ყოველი მოქმედება, რადგან შემდეგ როდესაც უკვე ინფორმაცია საზოგადოებამდე მიაღწევს, რაიმეს შეცვლა ძალიან რთული იქნება. ამიტომ სჯობს თავიდანვე მკვეთრად განისაზღვოს ყველანაირი პირობა. სწორედ ფიარმენეჯერის დამსახურება იქნება ის წარმატება თუ წარუმატებლობა, რასაც შემდგომ მოიპოვებს ესათუის პიროვნება თუ ორგანიზაცია, ფიარმენეჯერსა და საზოგადოებას შორის კი მედიატორი ხშირ შემთხვევაში მედიაა, ამიტომ რაც უფრო ლამაზად და გემოვნებით შეფუთავს ფიარმენეჯერი თავის პროდუქციას (მარტო უსულო საგნებს არ ვგულისხმობ), მით უფრო "მომხიბლავ ფოტოს გადაუღებს ფოტორეპორტიორი მას".

#6 Keti Janelidze

    Newbie

  • Member
  • პიქტოგრამა
  • 3 გამოხმაურება
0

დაწერილია 22 February, 2005 - 10:14

მედიასთან წარმატებული ურთიერთიბისათვის თავად ფრ სპეციალისტი უნდა იყოს სათანადოდ ჩახედული ორგანიზაციის საქმიანობაში. მედიის წარმომადგენლებმა უნდა დაინახონ, რომ საქმე აქვთ პროფესიონალ სპეციალისტთან, რომელსაც შეუძლიათ ყველაფერში ენდონ. მედიასთან მიმართებაში აუცილებელია ნდობის მოპოვება და მუდმივი კავშირების დამყარება. ფრ სპეციალისტი მუდამ მზად უნდა იყოს მათთან თანამშრომლობისათვის, თუმცა უნდა გვახსოვდეს, რომ ჟურნალისტებთან მეგობრული უერთიერთობის დამყარებამ არ უნდა გამოიწვიოს არასასურველი შედეგები, ყოველთვის უნდა ვიყოთ ფრთხილად, რომ მასმედიაში არ გაჟღერდეს ის, რისი გაჟღერებაც არ არის სასურველი ჩვენი ორგანიზაციისთვის.

#7 Khatuna Giorgadze

    დამწყები

  • Member
  • პიქტოგრამაპიქტოგრამა
  • 25 გამოხმაურება
0

დაწერილია 22 February, 2005 - 10:50

ზალიან კარგი, ანუ გამოდის, რომ ჟურნალისტებთან ფრაზა "off the record" არ მუშაობს.

ისმის კითხვა რა არის რეალურად ახალი ამბავი? სამწუხაროდ ჩვენთან ხშირას ბიზნესთან დაკავშირებულ ნებისმიერ ახალ ამბავს რეკლამად აღიქვამენ, მაშინ როდესაც ეს არის ისეთივე news, როგორც ნებისმიერი სხვა სექტორიდან წამოსული ინფორმაცია. რატომ ხდება ასე? ეს ზოგადად ჩვენი რთული ეკონომიკური მდგომარების ბრალია და მას მედია ისევე როგორც ნებისმიერი სხვა სექტორი ცდილობს რეკლამებით მოგების გაზრდას? თუ უბრალოდ ჩვენში არ არსებობს ბიზნეს ნიუსების პრაქტიკა. ისე ფიარ მენეჯერისთვის საკმაოდ არასასიამოვნოა, როდესაც ფულს გთხოვენ გადაიხადო იმაში, რაც იცი რომ ისედაც უნდა გაშუქდეს.
Khatuna Giorgadze
Corporate and Public Affairs Officer
Agritechnics Group

#8 Tariel Zivzivadze

    L8: პროფესიონალი

  • Members
  • პიქტოგრამაპიქტოგრამაპიქტოგრამაპიქტოგრამაპიქტოგრამაპიქტოგრამაპიქტოგრამაპიქტოგრამაპიქტოგრამაპიქტოგრამაპიქტოგრამა
  • 11,944 გამოხმაურება
39

დაწერილია 22 February, 2005 - 10:54

სამაგიეროდ ნიუსებია ხანდახან ისეთი რომ ...

ამას წინათ ბერძენიშვილმა თქვა, ახალი წელი რომ არის ისედაც ვიციო, რა საჭიროა მედია ამას გვამცნობდესო (მოკლედ რაღაც მსგავსი თქვა) ... :)
საუკეთესო სურვილებით,

ტარიელ ზივზივაძე
contact@tarielzivzivadze.ge
http://tarielzivzivadze.ge

#9 Berdia Natsvlishvili

    L2: კვალიფიცირებული

  • Member
  • პიქტოგრამაპიქტოგრამაპიქტოგრამაპიქტოგრამაპიქტოგრამა
  • 315 გამოხმაურება
0

დაწერილია 22 February, 2005 - 10:58

გამარჯობა ქეთი,

ძალიან საინტერესო დისკუსიაა და ერთი შეკითხვა მექნება ყველასთან: ქეთი ამბობს, რომ "ყოველთვის უნდა ვიყოთ ფრთხილად, რომ მასმედიაში არ გაჟღერდეს ის, რისი გაჟღერებაც არ არის სასურველი ჩვენი ორგანიზაციისთვის". რათქმაუნდა ძალზედ ლოგიკურია.

ამ შემთხვევაში ყველას აზრი საინტერესო იქნება. ანუ აქ ადგილი გვაქვს "ტყუილთან" თუ???? ანუ ორგანიზაცია ცდილობს დამალოს "რაღაცა" საზოგადოებისაგან რომელშიც იგი მუშაობს და ვისაც ის ემსახურება? ანუ ამ შემთხვევაში საუბარია ფიარ სპეციალისტის ეთიკის საკითხებზე და მის საზოგადოებრივ პასუხისმგებლობაზე . რას ფიქრობთ? :)
Berdia Natsvlishvili
Founder & Adviser, PUBLICITYGROUP
www.publicitygroup.ge

"PR, Marketing & Interactive Communications, New Media"

#10 Nino Jeranashvili

    Newbie

  • Member
  • პიქტოგრამა
  • 21 გამოხმაურება
0

დაწერილია 22 February, 2005 - 11:28

საქართველოს თანამედროვე პრ დღეს მეგობრული და თუ შეიძლება ასე ვთქვათ "ახლობლურ" ურთიერთობებზეა დამყარებული. მოცემულ ეტაპზე ასეა და ალბათ მომავალშიც ასე იქნება ქართული მენტალიტეტიდან გამომდინარე. მე ყოველთვის კატეგორიული წინააღმდეგი ვარ დასავლეთის ან ამერიკის მაგალითების ბრმად გადმოტანას და დანერგვას ქვეყანაში, რადგან არ ხდება ადგილობრივი საზოგადოების ხასიათის გათვალისწინება და ხშირ შემთხვევაში ეს არ ამართლებს. ის რომ გიწევს ფულის გადახდა ეს სოციალური მდგომარეობის ბრალია. რა ეთიკაც დღეს საქართველოს მედიაშია იმ თამაშებით თამაშობს პრ. ანუ ჩვენ მედიის თამაშში ვებმევით არ ჩავებმევით და ...

#11 Nino Tarkhnishvili

    L3: კომპეტენტური

  • Member
  • პიქტოგრამაპიქტოგრამაპიქტოგრამაპიქტოგრამაპიქტოგრამაპიქტოგრამა
  • 644 გამოხმაურება
0

დაწერილია 22 February, 2005 - 12:09

გამარჯობა ბერდია!

სავსებით ლოგიკურია როდესაც ორგანიზაცია და აქედან გამომდინარე ფიარმენეჯერი თავგამოდებით ცდილობენ საუკეთესო კუთხით წარმოაჩინონ თავიანთი თავი, ამაში კი ლომის წვლილს მედია დებს. საზოგადოება იმ ფერებში ხედავს მოცემულ ამბავს, რა ფერებითაც მათ მედიის წარმომადგენელი ხატავს. აქ ორი ფაქტორი მოქმედებს. ერთი ის, თუ რამდენად მოწადინებულია ჟურნალისტი დაიცვას კონკრეტული ორგანიზაციის თუ პიროვნების ინტერესები (მხედველობაში მაქვს ანაზღაურება) და მეორე, თუ რამდენად კეთილსინდისიერია თავად ჟურნალისტი, ანუ არის თუ არა ის საკუთარ სინდისთან მართალი.

მე ერთი კონკრეტული მაგალითის მოყვანა შემიძლია. ერთერთმა ორგანიზაციამ, რომელმაც საქველმოქმედო აქცია ჩაატარა გადაწყვიტა ეს "გმირობა" გაეფიარებინა. დაიქირავა ჟურნალისტი და საგაზეთო პუბლიკაცია მოამზადებინა. ჟურნალისტმა ყველაფერი ისე დაწერა როგორც რეალურად იყო, მაგრამ ორგანიზაციამ სთხოვა გარკვეული კორექტივები შეეტანა თავის პუბლიკაციაში და უფრო მაღალფარდოვნად წარმოეჩინა მათი ქველმოქმედება. ჟურნალისტის რეაქცია კი ასეთი იყო, ქველმოქმედებას ბევრი ლაპარაკი არ სჭირდება, თუ მოსწონთ ეს პუბლიკაცია ხომ კარგი, თუ არადა მე სხვანაირად არ დავწერო.

არაკივით კი გამომივიდა, მაგრამ ეს ამბავი სულ რამდენიმე დღის წინ მოხდა, ასე რომ ორგანიზაციამ ისეთივე სინდისის ჟურნალისტი უნდა იპოვოს როგორიც თავად არის.

#12 Berdia Natsvlishvili

    L2: კვალიფიცირებული

  • Member
  • პიქტოგრამაპიქტოგრამაპიქტოგრამაპიქტოგრამაპიქტოგრამა
  • 315 გამოხმაურება
0

დაწერილია 22 February, 2005 - 13:44

ძალიან საინტერესო მაგალითია. ყველაზე სასურველი ვარიანტი იქნება ფიარ მენეჯერმა შექმნას საინტერესო მოვლენა/ღონისძიება, ხოლო ჟურნალისტმა გააშუქოს პროფესიულ დონეზე და არ მოხდეს არანაირი ჩარევა ჟურნალისტის მუშაობაში, ანუ ამ შემთხვევაში საუბარია "გაუკონროლირებელ" ინფორმაციაზე, ანუ ფიარ მენეჯერმა უნდა ამომწურავი ინფორმაცია მიაწოდოს ჟურნალისტს (პრეს რელიზი, პირადი ინტერვიუ, და ყველა სახის ამომწურავი ინფორმაცია) მოვლენის/ღონისძიების შესახებ, რომ გაუადვილოს ჟურნალისტს ცხოვრება და ამის შემდეგ თუ რამე კიდევ "სასწაული" დაწერა........

თუ საუბარია ჟურნალისტის დაქირავებაზე, როგორც მაგალითში იყო, ან შეკვეთილი სტატიის გამოქვეყნებაზე, აქ საქმე ცოტა სხვაგვარადაა. მოკლედ კარგია რომ ყველამ თავისი საქმე აკეთოს პროფესიულ დონეზე.
Berdia Natsvlishvili
Founder & Adviser, PUBLICITYGROUP
www.publicitygroup.ge

"PR, Marketing & Interactive Communications, New Media"

#13 Soso Galumashvili

    ეს ჯეპრაა!

  • Member
  • პიქტოგრამაპიქტოგრამაპიქტოგრამაპიქტოგრამაპიქტოგრამაპიქტოგრამა
  • 464 გამოხმაურება
0

დაწერილია 22 February, 2005 - 14:07

მოდი შევთანხმდეთ ერთ უმნიშვნელოვანესს საკითხზე, ანუ ბაზისურად ავიღოთ აქსიომა: პიარი არ არის რაიმეს შეთხზვა, ან ტყუილის პაბლისიტი. მოკლე ფეხებიანი სიცრუე პირდაპირ განწირულია გამჟღავნებისათვის.
რაც შეეხება ზედნაშენს - დანარჩენ საკითხებზე შეიძლება კამათი და დისკუსია. რადგან ყველა მოსაზრებას და თეზას შეიძლება მოვუძებნოთ ანტითეზა.
საინტერესოა ნინო ჯერენაშვილისა და ქეთი ჯანელიძის მოსაზრებები. ზოგიერთი რამ საკამათოა, მაგრამ დღეს ასე მუშაობს სისტემა. ხათუნა გიორგაძეს კი მინდა ვუთხრა, რომ დღეს დაფიქსირდა სასიამოვნო ფაქტი , როდესაც ჟურნალისტს ვთხოვე გარკვეული ინფორმაცია არ გაეშუქებინა ფაქტამდე და დიდსულოვნად დამთანხმდა. ასე, რომ ასეთი რაღაცეები საქართველოშიც ხდება!
:))
სოსო გალუმაშვილი
ჯეპრა
პიარი და მარკეტინგული კომუნიკაციები
www.gepra.ge

#14 Nino Jeranashvili

    Newbie

  • Member
  • პიქტოგრამა
  • 21 გამოხმაურება
0

დაწერილია 22 February, 2005 - 14:20

berdia,
ra tkma unda Zalian kargia yvelam Tavisi sakme akeTos. Cven gvaviwydeba qveyanaSi arsebyli mdgomareoba. yvelaferi aqedan gamomdinareobs.
me piradaდ erti ram dzalian maღelvebs. saqartveloSi arsebuli sazogadoebrivi cnobiereba. Cemi azrit gamosavali mxolod ertia: qveyanaShi farTomasStabiano fiari unda Catares sazogadoebrivi azrovnebisa da mentalitetis Sesacvlelad. es aqcia unda daiyos prioritebis mixedvit, torem ase shors verafrit ver tsavalt rac ar unda vimushaot, tu sazogadoebam ar Segviwyo xeli.

#15 Berdia Natsvlishvili

    L2: კვალიფიცირებული

  • Member
  • პიქტოგრამაპიქტოგრამაპიქტოგრამაპიქტოგრამაპიქტოგრამა
  • 315 გამოხმაურება
0

დაწერილია 22 February, 2005 - 14:30

მართალია ნინო, თუმცა ამ მხრივ, ანუ საზოგადოებრივი თვითშეგნების ამაღლების გარდა (რასაც ჩვენი არასამთავრობო სექტორი აკეთებს) აუცილებელია პროფესიული დონის ამაღლების კუთხითაც მუშაობა (რაზეც პროფესიული ასოციაციები და სხვა საგანმანათლებლო ორგანიზაციები უნდა ზრუნავდნენ).
Berdia Natsvlishvili
Founder & Adviser, PUBLICITYGROUP
www.publicitygroup.ge

"PR, Marketing & Interactive Communications, New Media"

#16 Soso Galumashvili

    ეს ჯეპრაა!

  • Member
  • პიქტოგრამაპიქტოგრამაპიქტოგრამაპიქტოგრამაპიქტოგრამაპიქტოგრამა
  • 464 გამოხმაურება
0

დაწერილია 22 February, 2005 - 15:08

აი, ნანატრი გამოხმაურებაც პრესიდან, რომელიც შეგიძლიათ იხილოთ რადიო თავისუფლების საიტზე. შემდეგ მისამართზე:
http://www.tavisuple...tions/print.asp
ლელა კუნჭულიას დიდი მადლობა გამოხმაურებისათვის და ჩვენი კონფერენციის მაღალ დონეზე გაშუქებისათვის!
სოსო გალუმაშვილი
ჯეპრა
პიარი და მარკეტინგული კომუნიკაციები
www.gepra.ge

#17 Soso Galumashvili

    ეს ჯეპრაა!

  • Member
  • პიქტოგრამაპიქტოგრამაპიქტოგრამაპიქტოგრამაპიქტოგრამაპიქტოგრამა
  • 464 გამოხმაურება
0

დაწერილია 22 February, 2005 - 15:11

ახლა კიშემიძლია შემოგთავაზოთ სრული ტექსტი:
მემგონი საინტერესო უნდა იყოს კონფერენციის მონაწილეებისათვის.

PR-ის პრობლემები და პირველი ინტერნეტკონფერენცია
ლელა კუნჭულია, თბილისი

საქართველოში ჯერ კიდევ ბევრმა არ იცის, რა არის ფიარი (PR) და რა სარგებლობა მოაქვს მას. ის კი არა და, ბევრისთვის ეს სიტყვა პოლიტიკური ოპონენტის ან ბიზნესკონკურენტის ლანძღვა-გინებასთან ასოცირდება. როგორც ამ სფეროს სპეციალისტები ამბობენ, ფიარის, ანუ საზოგადოებასთან ურთიერთობის, ტექნოლოგიები ჩვენს ქვეყანაში სულ უფრო იკიდებს ფეხს. მაგრამ იმისათვის, რომ ამ მხრივ ჯერ კიდევ არსებული მრავალი პრობლემა ერთად დაძლიონ, ფიარის სპეციალისტები ინტერნეტდიალოგს მართავენ. ინტერნეტგვერდზე - WWW.CONFERENCE.GE – ამგვარი დიალოგი 21 თებერვალს დაიწყო და 11 მარტამდე გასტანს. მოგითხრობთ საქართველოში ფიარის ზოგიერთი პრობლემისა და ვირტუალური კონფერენციის შესახებ.

როგორ გვესმის და რა არის ფიარი, მედიასთან ურთიერთობა, ღონისძიებათა მართვა, ონლაინ ფიარი, ფიარსაქმიანობის შედეგების გაზომვა, განათლება, პროფესიული ასოციაციების შექმნა და განვითარება - ეს ის ძირითადი საკითხებია, როლებზეც ფიარსპეციალისტები 18 დღის განმავლობაში ვირტუალურ მსჯელობას გამართავენ და თავიანთ სათქმელს დაუფარავად იტყვიან. ამ ინტერნეტკონფერენციას 8 ორგანიზაციის წარმომადგენლები უძღვებიან. ერთ-ერთია საკონსულტაციო ჯგუფ ”ჯეპრას” დირექტორი სოსო გალუმაშვილი, რომელიც ფიარის მნიშვნელოვან როლზე საუბრობს:

(სოსო გალუმაშვილის ხმა) ”ფიარის დრო ყოველთვის იყო და იქნება. არ არსებობს ორგანიზაცია, - ეს იქნება კერძო სამართლის სუბიექტი, არასამთავრობო თუ სამთავრობო, - საზოგადოებასთან ურთიერთობის საჭიროება არ ედგეს წინ. საზოგადოებასთან ურთიერთობა ერთ-ერთი ყველაზე მნიშვნელოვანი ინსტრუმენტია კომპანიის იმიჯისა და რეპუტაციის ზრდისათვის.” (სტილი დაცულია)

”ჯეპრას” ამჟამად დაახლოებით ორი ათეული დამკვეთი ჰყავს, რომელთა შორისაც “თიბისი” ბანკიც არის. მსხვილი და სახელიანი ორგანიზაციები ფიართან, რომ იტყვიან, უკვე ”შენობით” არიან და კარგადაც იციან ის, რაზეც გალუმაშვილი საუბრობდა. თუმცა ეს საქმე ბევრს ერთმანეთის ლანძღვა-გინებასა და ჩაძირვაშიც ხშირად ეშლება. ადამიანების ცნობიერებაში კვლავაც ტივტივებს ტერმინი - ”შავი ფიარი”. არადა, როგორც ჩანს, ის საქართველოში წარმოქმნილი ჰიბრიდია:

(სოსო გალუმაშვილის ხმა) ”ფიარის სამშობლოში ასეთი ტერმინი საერთოდ გაუგებარია. ვთქვათ, იმავე ამერიკის შეერთებულ შტატებში ვერაფრით ვერ მივახვედრე, რას ნიშნავდა ეს.” (სტილი დაცულია)

მართალია, ფიარსპეციალისტები შავი ფერის წინააღმდეგნი არიან, მაგრამ ის, რაც ამ ფერის მიღმა იგულისხმება, გინდა არ გინდა, მაინც არსებობს:

(ტარიელ ზივზივაძის ხმა) ”სხვადასხვა ტიპის ფიარმაქინაციებს, რა თქმა უნდა, შეუძლია ის, რაც თქვენ ბრძანეთ. არის არაკეთილსინდისიერი ქმედებები, რომელთაც შეუძლიათ დიდი ზიანის მიყენება როგორც ბიზნესის, ასევე ნებისმიერი ადამიანისთვის.”(სტილი დაცულია)

ტარიელ ზივზივაძისთვის, როგორც ბიზნესეთიკის ასოციაციის ხელმძღვანელისთვის, ფიარმაქინაციების თემა მეტად პრობლემური და მტკივნეულია. და ერთ-ერთი მიზეზი იმისა, რომ ხსენებულმა ასოციაციამ ფიარკონფერენციას თავისი ინტერნეტგვერდი დაუთმო, ამ პრობლემის დაძლევის იმედს უკავშირდება. ზივზივაძე იმედოვნებს, რომ ბიზნესფიარის კეთილსინდისიერების პრობლემას პროფესიონალების მიერ გამოთქმული მოსაზრებების შეჯერება დიდად წაადგება. ოდნავ მოგვიანებით კი ვირტუალური კონფერენციის მონაწილეები ერთმანეთს პირადადაც შეხვდებიან:

(ტარიელ ზივზივაძის ხმა) ”ვინც დაინტერესდება და აქტიურად ჩაერთვება კონფერენციაში, ყველას მოვიწვევთ მშვენიერ ადგილას, ერთად დავსხდებით და ვისაუბრებთ ამ პრობლემებზე.” (სტილი დაცულია)

სპეციალისტების თქმით, მწარედ ცდება ის, ვისაც ფიარი რეალობის შელამაზება ჰგონია. გალუმაშვილი მათ ერთ რჩევას აძლევს:

(სოსო გალუმაშვილის ხმა) ”არანაირი შელამაზება არ უნდა მოხდეს რეალობის. უნდა მიეწოდოს სწორი და ზუსტი ინფორმაცია კომპანიის საქმიანობის შესახებ. მხოლოდ და მხოლოდ ამაშია წარმატების გასაღები. საქართველოში, კარგად მოგეხსენებათ, რომ ყველაზე კარგად მუშაობს ანდაზა - ტყუილს მოკლე ფეხები აქვსო (იცინის).” (სტილი დაცულია)

არადა, ისიც ფაქტია, რომ ჯერჯერობით საქართველოში ტყუილი მოკლე ფეხებითაც შესანიშნავად გადაადგილდება და საკმაოდ შორსაც მიდის ხოლმე. თუმცა ის, რომ კონფერენციის ორგანიზატორებმა მას ასეთი ბრძოლა გამოუცხადეს, უკვე კარგის ნიშანია. ისინი იმედოვნებენ, რომ ერთობლივი ძალებით ფიარს, როგორც მნიშვნელოვან ინსტრუმენტს, უფრო სწორ კალაპოტში მოაქცევენ, განავითარებენ და მას ხალხის თვალშიც აამაღლებენ.
სოსო გალუმაშვილი
ჯეპრა
პიარი და მარკეტინგული კომუნიკაციები
www.gepra.ge

#18 Nino Jeranashvili

    Newbie

  • Member
  • პიქტოგრამა
  • 21 გამოხმაურება
0

დაწერილია 22 February, 2005 - 15:43

ჩემი აზრით, საქართველოს ფიარმა უნდა ისწავლოს ნამდვილი ფიარის აზრი. ნამდვილად გეთანხმებით, რომ ფიარი ეს სიცრუის ხელოვნება არ არის. მაგარი ფიარი არის მწარე რეალობის, ფაქტებისა და დეტალების ტკბილად გადმოცემა. და რაც უფრო უმტკივნეულო გამოხმაურება იქნება მით უფრო მაგარია ფიარი. აქ დძალიან დიდ როლს თამაშობს ფსიქოლოგიის მომენტიც და რამდენად კარგად იცნობ ინფორმაციის მიმღების ხასიათს.

#19 Soso Galumashvili

    ეს ჯეპრაა!

  • Member
  • პიქტოგრამაპიქტოგრამაპიქტოგრამაპიქტოგრამაპიქტოგრამაპიქტოგრამა
  • 464 გამოხმაურება
0

დაწერილია 22 February, 2005 - 16:39

მაგარი ფიარი არის მწარე რეალობის, ფაქტებისა და დეტალების ტკბილად გადმოცემა.
ნინო ამ საკითხში არ გეთანხმები. მაგარი ფიარი მწარე რელობის ადექვატური გადმოცემაა სიმწარის წარმოშობის რეალური მიზეზების ჩვენებით, ფაქტების დაუმახინჯებლად და სიტკბოს გარეშე. ეს ბოლო გემო ხშირად ქარტულ რეალობაში მლაშეში გადადის და ამიტომ ჩემი გამოცდილებიდან გამომდინარე პიარში სიტკბო და სიმურაბე უნდა ამოვაგდოთ! :(
სოსო გალუმაშვილი
ჯეპრა
პიარი და მარკეტინგული კომუნიკაციები
www.gepra.ge

#20 Nino Jeranashvili

    Newbie

  • Member
  • პიქტოგრამა
  • 21 გამოხმაურება
0

დაწერილია 22 February, 2005 - 16:59

სოსო არც მე არ გეთანხმებით თქვენს მოსაზრებაში. როგორც ვხვდები თქვენი დევიზია შიშველი სიმართლე, რასაც მე ჩემს პრაქტიკაში ვერაფრით ვერ გამოვიყენებ. მე ვერ ვეტყვი მოსახლეობას პირდაპირ, რომ სიტყვაზე, მათ შუქი არ ექნებათ 5 დღის განმავლობაში და ვერ დავაყოლებ, იმიტომ რომ არ იხდით. ეს ცოტათი შელამაზებულად უნდა ვუთხრა არ მეთანხმებით? აბა ხომ ვერ ვიტყვი ამინდსა და თქვენს გადახდის მაჩვენებელს გააჩნიათქო:(



1 წევრი კითხულობს თემას

0 წევრი, 1 სტუმარი, 0 ანონიმური მოსარგებლე

ქართული & kar.ge
Share