გამოხმაურებათა რაოდენობა: 26

[Maia Tsereteli]

ახლახანს ვმონაწილეობდი ინტერნეტ დისკუსიაში, რომელიც გლობალურ კომპანიებში დასაქმებულ სხვადასხვა სფეროს 25 მენეჯერს შორის აწარმოებდა გამოკითხვას. გამოიკვეთა აზრი, რომ მენეჯერთა უმეტესობას ურჩევნია ჰქონდეს თავისუფალი სამუშაო განრიგი, ზოგს სურს სახლიდან მუშაობა, ბუნებრივია გარდა იმ შემთხვევებისა როდესაც სამუშაო სპეციფიკა ითვალისწინებს უშუალოდ სამსახურში ფიზიკურად ყოფნას. რამდენად რეალურად მიგაჩნიათ ეს საქართველოში?

რომელ მოსაზრებას უფრო ეთანხმებით?

1. თავისუფალი განრიგის არჩევა მხოლოდ გარკვეულ შემთხვევაში უნდა ხდებოდეს და ეს არ გადაიქცეს ჩვეულებრივ მოვლენად


2. რაც შეიძლება მეტი თავისუფლება მივანიჭოთ თანამჭრომლებს განრიგის არჩევისას და შეფასება მოვახდინოთ მათი მუშაობის შედეგების მიხედვით;



მაია

[Temo Sabashvili]

თავისუფლება კარგია, მაგრამ საშიშროებაა რომ ეს იქცეს ზარმაცობათ.
იდეალური ალბათ მაინც ის იქნებოდა, სენი საკუთარი კანტორა რომ გაქვს და მაქს თავისუფლება staff policy making - ში

[Maia Tsereteli]

ნებისმიერმა ორგანიზაციამ რომელთაც აქვთ უცხოელ კომპანიებთან და კლიენტებთან ურთიერთობა, აუცილებლად უნდა დანიშნონ ისეთი პასუხისმგებელი პირები კონკრეტულ შემთხვევებში რომლებიც მიიღებენ გადაწყვეტილებებს "მაგ: დასვენების დღეებში", გადაწყვეტილებებში ვგულისხმობ კითხვებზე პასუხის გაცემას, მოთხოვნებზე უცაბედ რეაგირებას. [/quote]

ეს რა თქმა უნდა ასე უნდა მოხდეს, სამუშაოს თავისუფალი გრაფიკი არ გულისხმობს საქმის ჩაგდებას.

აქ მთავარია გავარკვიოთ რას ფიქრობს უმეტესობა, ანუ რა სინამდვილე გამოიკვეთება.

მაია















[quote]ალბათ არა კომპეტენტური იქნება ასე ერთი ხელის მოსმით ვთქვათ ამას სახლიდან მუშაობა ურჩევნია და ვამუშაოთ ამას კი გარკვეულ დროებში.[/quote]
[quote]ალბათ არა კომპეტენტური იქნება ასე ერთი ხელის მოსმით ვთქვათ ამას სახლიდან მუშაობა ურჩევნია და ვამუშაოთ ამას კი გარკვეულ დროებში.[/quote]

[Teona Grdzelishvili]

მე მგონია ეს დამოკიდებულია, როგორც თვითონ თანამდებობის სპეციფიკაზე, ისე კომპანიის სპეციფიკაზე, ანუ რა სახის პროდუქტს ქმნის ის მომხმარებლისათვის და შესაბამისად, უნდა გადაწყდეს, რა შემთხვევაში იქნება მისაღები თავისუფალი გრაფიკი.

[Zviad Tsagareishvili]

საერთოდ ჩემთვის მუშაობა სახლში უფრო ნაყოფიერია ხოლმე უფრო თავისუფლად და მოხედხებულად ვგრძნობ თავს.

მაინც ალბად მთავარია სიწყნარე, კომფორტი, ძალიან ცუდია როცა დაძაბული აურაა სამსახურში ამას შევდივარ თუ არა ნებისმიერ დაწესებულებაში ეგრევე ვგრძნობ.

კიდევ მნიშვნელოვანია აკეთებ თუ არა იმ საქმეს რაც გიყვარს და გეხერხება. მაგალითად ზოგი ადამიანი კარგი შემსრულებელია - დაავალე და გააკეთებს მაგრამ თითონ არაფერ ინიციატივას არ გამოიჩენს და არ ფიქრობს რაღაც ახალი შექმნას, დაგეგმოს, მოიფიქროს. ზოგი პირიქით ოღონდ სხვისი ხელმძღვანელობის ქვეშ ნუ ამუშავებ და ყველაფერზე თანახმაა. ზოგს ურჩევნია თავისი საქმე ქონდეს თითონ იყოს იმ საქმში დირექტორიც მენეჯერიც და მუშაც. მოკლედ კაცია და გუნება ..........................

ჩემი აზრით მაინც შენი ბიზნესი რომ გაქვს და შენ გემოზე რომ მართავ მაგას არაფერი ჯობია მითუმეტეს თუ წარმატებულათაც გამოგდის ეს ყველაფერი

[Tariel Zivzivadze]

პირადად მე ვფიქრობ, რომ გრაფიკი შეიძLება სამუშაოს ბუნებაზე იყოს დამოკიდებული

თუ სამუშაო არის ისეთი, როდესაც მუდმივი მზადყოფნა რეაგირებისათვის არის საჭირო, მაშინ კი ბატონო, შეზღუდეთ დროში და გააკეთეთ რამოდენიმე ცვლა

მაგრამ თუ არის მენეჯერული სამუშაო, მაშინ ალბათ ნაკლებად უნდა შევზღუდოთ.

მე პირადად ძალიან მომწონს მიზანზე ორიენტირებული სამუშაო. ორიენტირებული ხარ მიზანზე და მიუხედავად დროისა მუშაობ ერთი მიმართულებით.

[Malkhaz Vardanashvili]

Maia Tsereteli
ვეთანხმები მენეჯერებს! თუმცა სამუშაო განრიგის თავისუფლებაზე მეტად საჭიროა ჰქონდეთ აზროვნების თავისუფალი განრიგი!

პირადად ჩემი განრიგია ის, რომ არ მაქვს არანაირი განრიგი!

[Lasha Shamatava]

ციტატა

რომელ მოსაზრებას უფრო ეთანხმებით?
1. თავისუფალი განრიგის არჩევა მხოლოდ გარკვეულ შემთხვევაში უნდა ხდებოდეს და ეს არ გადაიქცეს ჩვეულებრივ მოვლენად
2. რაც შეიძლება მეტი თავისუფლება მივანიჭოთ თანამჭრომლებს განრიგის არჩევისას და შეფასება მოვახდინოთ მათი მუშაობის შედეგების მიხედვით;

განრიგის თავისუფლება დამოკიდებულია სამუშაოს შინაარსზე. ანუ ამ კითხვაზე რეალური პასუხი რომ მივიღოთ, საჭიროა თავად სამუშაოთა დახარისხება შინაარსის მიხედვით. მაგალითად, ტოტალიზატორის ოპერატორი თვითონ ვერანაირად ვერ აირჩევს თავის სამუშაო განრიგს. ასევე საწყობის თანამშრომელი, ასევე მაღაზიის კონსულტანტი, სატელეფონო ოპერატორი და ა.შ. მაგრამ აქაც კი არის არჩევანის დიდი რესურსი, რამდენადაც არსებობს ცვლებში მუშაობის ცნება. ხოლო მენეჯერებს და გამომგონებლებს რაც შეეხება, მათ ჩემი აზრით აბსოლუტურად თვითონ უნდა შეარჩიონ განრიგი. მხოლოდ ერთადერთი შეზღუდვით - კონკრეტული საქმე უნდა ჩაბარდეს კონკრეტულ დრომდე. კიდევ ერთი განსხვავებული ტიპის სამუშაო - ესაა დისპეტჩერული სამუშაო, რომელიც გულისხმობს ოპერატიულ რეაგირებას.

დასკვნა - აქ მზა რეცეპტები არ არსებობს. გამიგია ისეთი მაღალტექნოლოგიური კომპანიის არსებობა (ჟურნალიდან "სტრატეგია და ორგანიზაცია", კომპანიას მე მგონი ერქვა "სემკო"), რომელშიც პრაქტიკულად სამუშაო გრაფიკი არა აქვს, ანუ ტოპ-მენეჯმენტი არ განსაზღვრავს ასეთ რამეს და მუშაობის დარეგულირება ხდება განყოფილებებს შიგნით. მეტიც, ხელფასსაც კი თვითონ უნიშნავენ თავიანთ თავს. მაგრამ ცხადია, რომ ასეთ კომპანიაში მხოლოდ მაღალი კვალიფიკაციის, პასუხისმგებლობის გრძნობისა და სამუშაო კულტურის კადრს თუ მიიღებენ.

კიდევ ერთი ტიპის სამუშაო - ქსელური მარკეტინგი, უფრო სწორად მლმ. აქ კი პრაქტიკულად სრულიად თავისუფალი ხარ სამუშაო გრაფიკის შერჩევაში.

აქვე მინდა გავაკეთო შენიშვნა - რაც უფრო მაღალი დონის პროფესიონალია პიროვნება, მით უფრო სწრაფად შეუძლია განეწყოს სამუშაოდ ნებისმიერ დროს.

რედაქტორი Lasha Shamatava, 02 June, 2005 - 22:05.

[Lasha Shamatava]

Malkhaz Vardanashvili

ციტატა

სამუშაო განრიგის თავისუფლებაზე მეტად საჭიროა ჰქონდეთ აზროვნების თავისუფალი განრიგი!

საოცრად მნიშვნელოვანი და სწორი შენიშვნაა და აღვნიშნავ იმას, რომ რაც უფრო თავისუფალია განრიგი, მით უფრო მეტად აქვს თანამშრომელს აზროვნების თავისუფლებისა და პირადი ინიციატივების გამოვლენის საშუალება.

ციტატა

პირადად ჩემი განრიგია ის, რომ არ მაქვს არანაირი განრიგი!

ეს იდეალური ვარიანტია, მაგრამ ინდივიდზეა დამოკიდებული. გამიგია ისეთი რუსი მეცნიერის შესახებ, რომელიც მთელი თავისი შეგნებული ცხოვრების განმავლობაში (რამოდენიმე ათეული წელი) ახდენდა თავისი დროის მენეჯმენტსა და კონტროლს დიდი სიმკაცრით (წუთების სიზუსტით). შედეგი კი ფანტასტიკური მიიღო - არ დაუკლია არაფერი - არც კინო, არც თეატრი, არც პოლიტიკა, არც მეცნიერება, არც სუფთა ჰაერი, არც ოჯახი, არც უსაქმურობა და ა.შ. ანუ დისკომფორტი, გამოწვეული საქმიანობისა და დროის მუდმივი დაგეგმვითა და კონტროლით დაუფასდა.

თუ გავიხსენე, აუცილებლად დავწერ მის ვინაობას (სახელსა და გვარს) და იმ წიგნის ავტორსა (მგონი, გვარად ფადეევია, თავს ვერ დავდებ) და სათაურს, სადაც ეს ყველაფერი წავიკითხე.

[Lasha Shamatava]

Temo Sabashvili

ციტატა

თავისუფლება კარგია, მაგრამ საშიშროებაა რომ ეს იქცეს ზარმაცობათ.

ამისგან გამოსავალია - პროფესიონალიზმი, ანაზღაურება, კოლექტივი და საქმე, რომელიც გიყვარს.

[Lasha Shamatava]

ციტატა

ნებისმიერმა ორგანიზაციამ რომელთაც აქვთ უცხოელ კომპანიებთან და კლიენტებთან ურთიერთობა, აუცილებლად უნდა დანიშნონ ისეთი პასუხისმგებელი პირები კონკრეტულ შემთხვევებში რომლებიც მიიღებენ გადაწყვეტილებებს "მაგ: დასვენების დღეებში", გადაწყვეტილებებში ვგულისხმობ კითხვებზე პასუხის გაცემას, მოთხოვნებზე უცაბედ რეაგირებას.

აქ ვერ გავიგე, მაინც და მაინც რატომ არის ნახსენები უცხოელი კომპანიები? ხოლო დასვენების დღეები თუ აქვთ, სწორედ მაგ უცხოელებს აქვთ.

ციტატა

ეს რა თქმა უნდა ასე უნდა მოხდეს, სამუშაოს თავისუფალი გრაფიკი არ გულისხმობს საქმის ჩაგდებას.

სწორედაც, ანუ პირიქით.

ციტატა

ძალიან ცუდია როცა დაძაბული აურაა სამსახურში ამას შევდივარ თუ არა ნებისმიერ დაწესებულებაში ეგრევე ვგრძნობ.

და ძალიან კარგია, როცა დაწესებულებაში საქმიანი და მხიარული გარემოა. ძალიან ხშირად, უხასიათოდ მყოფსა და ზარმაცსაც კი შველის კარგი სამუშაო გარემო, აიძულებს მას დაივიწყოს პირადი პრობლემები და იმუშაოს აზარტულად, გამოავლინოს თავისი შესაძლებლობები, ირწმუნოს თავისი თავის და ამგვარად დამუხტული, პირად საქმეებსაც უფრო გულმოცემული შეეჯიბრება.

რედაქტორი Lasha Shamatava, 02 June, 2005 - 22:25.

[Lasha Shamatava]

Tariel Zivzivadze

ციტატა

მე პირადად ძალიან მომწონს მიზანზე ორიენტირებული სამუშაო. ორიენტირებული ხარ მიზანზე და მიუხედავად დროისა მუშაობ ერთი მიმართულებით.

ამაში, ცხადია, დაგეთანხმები. მაგრამ კომპლექსურ სამუშაოზე რას იტყვი? ამ შემთხვევაში ხდება კოლექტივის ჩამოყალიბება. კოლექტიურობის გარეშე წარმოუდგენელია სერიოზულ საქმეებში დადებითი შედეგის მიღწევა.

[Lasha Shamatava]

Jaba Tarimanashvili

ციტატა

მერწმუნე, ყველა უცხოური ოფისის თანამშრომელს რომელსაც აქვს მენეჯერული თანამდებობა, ხელმოწერაში თუ სავიზიტო ბარათზე აღნიშნული აქვს: AOH (after office hours) ანუ ამ შემთხვევაში გამორიცხულია ემერჯენსის უყურადღებოდ დატოვება.

უფრო დამიკონკრეტე, რას გულისხმობ?

[Tariel Zivzivadze]

ციტატა

მაგრამ კომპლექსურ სამუშაოზე რას იტყვი? ამ შემთხვევაში ხდება კოლექტივის ჩამოყალიბება. კოლექტიურობის გარეშე წარმოუდგენელია სერიოზულ საქმეებში დადებითი შედეგის მიღწევა.

ორი აზრი არაა!
გუნდური მუშაობა სხვა წესრიგია, თუმცა გუნდმა შეიძლება ისევე წარმატებულად იმუშავოს მიზანზე, როგორც ინდივიდმა

[Lasha Shamatava]

Jaba Tarimanashvili

ციტატა

უნდა იყოს 24 საათი ONLINE.

ეს მხოლოდ თეორიული მოთხოვნაა. სინამდვილეში კი რაც მაღალი პასუხისმგებლობისაა პიროვნება, მით უფრო გამოცდილი თანაშემწეები უნდა ჰყავდეს. რობოტად ვერც ერთი ადამიანი ვერ იქცევა.

Tariel Zivzivadze

ციტატა

გუნდური მუშაობა სხვა წესრიგია, თუმცა გუნდმა შეიძლება ისევე წარმატებულად იმუშავოს მიზანზე, როგორც ინდივიდმა

გუნდი უკვე შეთამაშებულ კოლექტივად წარმომიდგენია.

გადახვევა: ტარიელ, ხვალინდელ შეხვედრაზე რას ვშვრებით?

[Tariel Zivzivadze]

Lasha Shamatava
ვერ დაგირეკე ვერცერთ მობილურზე

გადავდევით, მაიკოს არ ცალია, ამ პრემიერების შემხედვარე ...

ორშაბათი, დღის მეორე ნახევარი რომ ავიღოთ სავარაუდოდ?

ციტატა

გუნდი უკვე შეთამაშებულ კოლექტივად წარმომიდგენია

ისე, გუნდი თუ შეთამაშებული არაა, რაღა გუნდია ...

[Lasha Shamatava]

Tariel Zivzivadze

ციტატა

ორშაბათი, დღის მეორე ნახევარი რომ ავიღოთ სავარაუდოდ?

ჩემთვის სამშაბათი სჯობია - ორშაბათს ჩემი მეწყვილე-ასისტენტი ისვენებს.