გამოხმაურებათა რაოდენობა: 12

[Maia Maruashvili]

ერთერთ ქალაქში, სადაც არსებობს რამოდენიმე სასტუმრო და საოჯახო ტიპის სასტუმროები, მე ერთ ჩვეულებრივ სახლში ვჩერდები ხოლმე და, როგორც წესი ყველას ვურჩევ ამ ოჯახს. ორსართულიანი სახლია, 1 აბაზანაა, სართულზე 1 საპირფარეშო. ლოგინები კარგი, წყალი უსაფრთხო (საკუთარი ჭა აქვთ, რომელსაც პერიოდულად ამოწმებენ). კვება ძალიან კარგი, ფასიც ნორმალურია 35 ლარი 2X კვებით. აქვე ისიც არის გასათვალისწინებელი რომ, გარეთ ანუ ქალაქში ნორმალური კაფე ან რესტორანი არ არის. მოკლედ, 1 და 2 ღამის გასათენებლად იდეალური პირობებია ამ სახლში - ყოველ შემთხვევაში ვინც კი ამ ოჯახში მისულა, ყველა ძალიან კმაყოფილი დარჩა.

1 კვირის წინ მე ჩემს თანამშრომელთან ერთად ვიყავი ამ სახლში, როცა 8 უცხოელი მოვიდა 2 ქართველ მძღოლთან ერთად (ნამდვილად არ ვიცი რომელი ტურისტული სააგენტოდან იყვენენ). მასპინძელს სადილი მზად ჰქონდა ახალი სტუმრებისთვის და მეორე სართულზე აპირებდა მათ განთავსებას. ჩვენ ამ დროს ვსადილობდით 1 სართულზე სასადილო ოთახში. ვიგრძენი რომ ჩვენი დანახვა არ ესიამოვნა ერთერთ ქართველს და ალბათ ზოგიერთ უცხოელ სტუმარსაც (რა თქმა უნდა არ შევიმჩნიეთ). დიასახლისმა აიყვანა სტუმრები II სართულზე, და დაიწყო სუფრის გაშლა (წინასწარ არ იცოდა არც მათი მარშრუტი და არც ჩამოსვლის დრო). ამაზე აბუნტდნენ. მერე მოიმიზეზეს რომ საპირფარეშო არ იყო დალაგებული (ეს უკვე 2 ადამიანის შესვლის შემდეგ). ერთერთმა ქართველმა უსაყვედურა ჩვენზე. მოკლედ ყველაფერი იქით წავიდა რომ მათ წასვლა უნდოდათ და მასპინძელმაც უთხრა პირდაპირ რომ თუ არ მოგწონთ შეგიძლიათ სხვაგან გადახვიდეთო მართლაც ნახევარ საათში ყველა წავიდა.

ჩემი ახლობელი და ნათესავი ნამდვილად არ არის ეს ოჯახი რომ დავიცვა, მაგრამ ამ ფაქტმა ძალიან შემაშფოთა. მე რას ვუშლიდი იმ ხალხს ვერ გავიგე (ჩემთვის იზოლირებულად ვიყავი), სისუფთავე რომ არ იყოს იმ ოჯახში, პირველი მე გამოვიქცეოდი, რაც შეეხება სადილს, არ იყო გაშლილი, იმიტომ, რომ არავინ გააფრთხილა მასპინძელი ჩამოსვლის დროზე (ცივ სადილს ხომ არ დაახვედრებდა). რა მოხდა მაინც ვერ გავიგე. თუმცა ძალიან მინდა რომ ასეთ ოჯახებს რამენაირად დავეხმარო და მივცეთ რჩევები.

ქალაქი სახელი შეგნებულად არ დავწერე, ვინაიდან თითქმის ყველა ქალაქში ერთნაირი სიტუაციაა.

იქნებ დამეხმაროთ და ჩამოვწეროთ ის მინიმალური მოთხოვნები, რომელსაც უნდა აკმაყოფილებდეს ასეთი ტიპის საოჯახო სასტუმროები.

[Giorgi Pirtskhalava]

ისტორიის მორალი ვერ გავიგე, მაგრა საოჯახო სასტუმროები უნდა აკმაყოფილებდნენ შემდეგ მოთხოვნას - გაანახევრეთ ფასები, იმიტომ რომ უკეთესი ინფრასტრუქტურის და უკეთესი პლაჟის, უკეთესი ამინდების მქონე თურქეთი 100% ით სჯობს თქვენს მომსახურებასაც, დამოკიდებულებასაც, ამინდსაც, ფასსაც, კვებასაც და საერთოდ ყველაფერსაც.

[Ivane Sujashvili]

Maia Maruashvili, Jul 13/09, 22:30 -ში, განაცხადა:

ერთერთ ქალაქში, სადაც არსებობს რამოდენიმე სასტუმრო და საოჯახო ტიპის სასტუმროები, მე ერთ ჩვეულებრივ სახლში ვჩერდები ხოლმე და, როგორც წესი ყველას ვურჩევ ამ ოჯახს. ორსართულიანი სახლია, 1 აბაზანაა, სართულზე 1 საპირფარეშო. ლოგინები კარგი, წყალი უსაფრთხო (საკუთარი ჭა აქვთ, რომელსაც პერიოდულად ამოწმებენ). კვება ძალიან კარგი, ფასიც ნორმალურია 35 ლარი 2X კვებით. აქვე ისიც არის გასათვალისწინებელი რომ, გარეთ ანუ ქალაქში ნორმალური კაფე ან რესტორანი არ არის. მოკლედ, 1 და 2 ღამის გასათენებლად იდეალური პირობებია ამ სახლში - ყოველ შემთხვევაში ვინც კი ამ ოჯახში მისულა, ყველა ძალიან კმაყოფილი დარჩა.

1 კვირის წინ მე ჩემს თანამშრომელთან ერთად ვიყავი ამ სახლში, როცა 8 უცხოელი მოვიდა 2 ქართველ მძღოლთან ერთად (ნამდვილად არ ვიცი რომელი ტურისტული სააგენტოდან იყვენენ). მასპინძელს სადილი მზად ჰქონდა ახალი სტუმრებისთვის და მეორე სართულზე აპირებდა მათ განთავსებას. ჩვენ ამ დროს ვსადილობდით 1 სართულზე სასადილო ოთახში. ვიგრძენი რომ ჩვენი დანახვა არ ესიამოვნა ერთერთ ქართველს და ალბათ ზოგიერთ უცხოელ სტუმარსაც (რა თქმა უნდა არ შევიმჩნიეთ). დიასახლისმა აიყვანა სტუმრები II სართულზე, და დაიწყო სუფრის გაშლა (წინასწარ არ იცოდა არც მათი მარშრუტი და არც ჩამოსვლის დრო). ამაზე აბუნტდნენ. მერე მოიმიზეზეს რომ საპირფარეშო არ იყო დალაგებული (ეს უკვე 2 ადამიანის შესვლის შემდეგ). ერთერთმა ქართველმა უსაყვედურა ჩვენზე. მოკლედ ყველაფერი იქით წავიდა რომ მათ წასვლა უნდოდათ და მასპინძელმაც უთხრა პირდაპირ რომ თუ არ მოგწონთ შეგიძლიათ სხვაგან გადახვიდეთო მართლაც ნახევარ საათში ყველა წავიდა.

ჩემი ახლობელი და ნათესავი ნამდვილად არ არის ეს ოჯახი რომ დავიცვა, მაგრამ ამ ფაქტმა ძალიან შემაშფოთა. მე რას ვუშლიდი იმ ხალხს ვერ გავიგე (ჩემთვის იზოლირებულად ვიყავი), სისუფთავე რომ არ იყოს იმ ოჯახში, პირველი მე გამოვიქცეოდი, რაც შეეხება სადილს, არ იყო გაშლილი, იმიტომ, რომ არავინ გააფრთხილა მასპინძელი ჩამოსვლის დროზე (ცივ სადილს ხომ არ დაახვედრებდა). რა მოხდა მაინც ვერ გავიგე. თუმცა ძალიან მინდა რომ ასეთ ოჯახებს რამენაირად დავეხმარო და მივცეთ რჩევები.

ქალაქი სახელი შეგნებულად არ დავწერე, ვინაიდან თითქმის ყველა ქალაქში ერთნაირი სიტუაციაა.

იქნებ დამეხმაროთ და ჩამოვწეროთ ის მინიმალური მოთხოვნები, რომელსაც უნდა აკმაყოფილებდეს ასეთი ტიპის საოჯახო სასტუმროები.

სად რა ადგილად იმყოფება საოჯახო სასტუმრო? იქნებ მაილზე მომწერო davithet@gmail.com

[Miranda Agapishvili]

ხშირად ვცდილობთ რომ უცხოელ ტურისტს ფუფუნება დავანახოთ, რომელიც მას საერთოდ არ აინტერესებს გარდა იმისა რომ ნორმალური პირობები გააჩნდეს სასტუმროს რომ მოისვენოს.
1. სისუფთავე და წესრიგი, აბაზანა WC და ჩვეულებრივი ხის საწოლები. მიზანშეწოლილია რომ ინვენტარიზაციის დროს პატრონმა გაითვალისწინოს სერვისის მოხმარებლის ტიპაჟი, რაც გულისხმუბს ტიპიური ტურისტის მოლოდინის წინასწარ იდენტიფიკაციას
და ასევე მიღებული თანხით სასტუმროს სერვისის გაუმჯობესება.

[Keta Gordadze]

ხშირად ხდება, თუ თვითონ არ შეამოწმებ ყველა ნიუანსს სადაც ტურისტი ჩაგყავს შეიძლება ძალიან შერცხვე. როცა საოჯახო სასტუმროს აკეთებენ სამწუხაროდ სველი წერტილების პრობლემა გადაუჭრელი რჩება, არის შემთხვევები, როცა სართულზე მხოლოდ ერთი სააბაზანო და ტუალეტია. ფასები კი მართლაც არა რეალური.

[Tariel Zivzivadze]

უცოდინარობა და ათვისების უნარის დეფიციტი - ხშირად ყველაფერი ცუდის მიზეზია

[Miranda Agapishvili]

კი მაგრამ შეიძლება შესაბამისი ცოდნა არ გქონდეს,მაგრამ სწორად შეაფასო მიწოდება-მოთხოვნის სერვისი. მთავარი მაინც ფინანსებია და შემოსავლის სწორად გამოყენება სერვისის გაუმჯობესების მიზნით.
პროდუქტზე რეალური ფასების დაწესება, მოთხოვნილებების დაკმაყოფილება და არა ფიქრი მხოლოდ ფულის მოხვეჭაზე.

[Papuna Toliashvili]

მაია, მინიმალური მოთხოვნებია:

სისუფთავე, თითქმის იდეალური უნდა იყოს. ეს ის არსი რასაც ინვესტიციები არ წირდება, მაგრამ რაც ადვილად იგრძნობა და ძალიან ფასდება მოხმარებლის მხრიდან. სუფთა უნდა იყოს არათუ ოთახი, და ყველაფერი მასში (თეთრეული, შუშები, ავეჯი, წწლის წიქა და ა.შ.), არამედ საერთო სივრცე, სველი წერტილები, სამზარეულო, ეზო მოკლედ ყველაფერს ბზინვა უნდა გაუდიოდეს.

მეორე არის ავეჯის, და კარი-ფანჯრის სახელურების, ყველა ტიპის მოწყობილობების, სველი წერტილების სრული გამართულობა ყოველთვის. ესეც აუცილებელი მინიმუმია რომელსაც ფასების სიმცირე ვერ აკომპენსირებს და რომელსაც ასევე არ სჭირრდება დიდი დაბანდებები.

შემდეგი საკითხი არის აღწეურვილობის სისრულე. ანუ ოთახები როგორ არის აღწეურვილი, რა არის შიგნით დეტალების დონეზე, რა არის საერთო მაგრამ იმავე სართულზე, რა არის საერთო მაგრამ თუნდაც ჰოლში ან ეზოში და რა არ არის საერთოდ. ამას სჭირდება კარგად დაფიქრება. ვინაიდან შეიძლება ერთი ფენის ქონამ ოთახში ისეთი დადებითი შთაბეჭდილება მოხდინოს, რომ სართულზე ერთი ტელევიზორიც კი არ გახდეს პრობლემა. აღჭურვას უკვე ფული ჭირდება ამდენად კარგად არის მოსაფიქრებელი რა უნდა იყოს და სად და რა შეიძლება არ იყოს საერთოდ. ამაზე გავლენას ახდენს სასტუმროს ადგილმდებარება, მიზნობრივი სეგმენტი და ა.შ.

შემდეგი საკითხი არის მომსახურების სისრულე, ანუ სპექტრი რომელსაც სასტუმრო სთავაზობს. დაწყებული ტელეფონით შეკვეთიდან დამთავრებული მანქანით მომსახურებმდე ქალაქის შიგნით. აქაც ბერვი შესაძლებლობები არსებობს და კარგად უნდა შერჩევა ისევ და ისევ მიზნობრივი სეგმენტის სპეციფიკის გათვალისწინებით რას უნდა სთავაზობდეს სასტუმრო იმის გარდა რომ საწოლები აქვს ღამის გასათენებლად. იმისათვის რომ კომფორტული იყოს იმ ტიპის კლიენტებისათვის ვისთვისაც მუშაობს.

ამის შემდეგ მოდის უკვე მომსახურების ხარისხი (ეს უკვე ერთ ერთი ყველაზე რთული ამოცანაა), ანუ თანაშრომლები რამდენად მომზადებულები არიან ხარისხიანად გაუწიონ ყველა შეთავაზებული მომსახურება. რამდენად ესმით მომსახურების ხარისხის არსი და მნიშვნელობა, რამდენად იციან როგორ არის უჯობესი მიმართვა, როგორ უნდა მოიქნენე ამა თუ იმ სიტუაციაში.. მოკლედ ეს უკვე მაღალი სირთულის პრობლემაა და შესაბამისად უფრო მაღალი კლასის სასტუმროებში უფრო მაღალ დონეზე მოეთხოვაბა, ხოლო დაბალი კლასის შემთვევაში საკმარისია გაუღიმო კლიენტს გულით, ამომწურავად უპასუხო შეკითხვებზე, და ეცადო მაქსიმალურად დაეხმარო მას ყველა პრობლემის მოგვარებაში, რომელიც ერთი შეხედვით შესაძლოა შენი საქმე საერთოდ არც იყოს.

ამის მერე უკვე მნიშვნელოვანია როგორ არის ინეტრიერი და ექსტერიერი გადაწყვეტილი, რა ხარისხით შესრულებული დაგეგმარებული და ა.შ.. რა ადგილია, რა ეფექტს ახდებს, როგორ გემოვნებით და ფუქნციონალურად არის დაგეგმილი შენობაც და ეზოც.

ამის შემდეგ მნიშვნელოვანია კლიენტებისათვის დამატებითი მცირებიუჯეტინი კმაყოფილების საშუალებები : შოკოლადი ნომერში, საჩუქარი სამახსოვრო წასვილის წინ, ნატურალურთი ღვინო ერთი ჭიქა საჩუქრად სადილზე, გემრიელი, ძალიან გემრიელი საჭმელები. ამას კლინეტები განსაკუთრებით აფასებენ.

და ბოლოს ფასი, რომელიც იმის შესაბამისი უნდა იყოს თუ რა დონეზეა თითოუელი ზემოთ მოცემული საკითი გადაწყვეტილი და ასევე უნდა ითვალისწინებდეს მომხარების შესაძლებლებლობებს და საფასო ქცევის თავისებურებას საერთოდ.

მე მგონი სულ ეს არის.. არც ისე ბევრია, მაგრამ ყველაფერს თავის მნიშვნელობა აქვს. სხვებიც დაამატებენ იმედია მნიშვნელოვან რაღაცეებს,

[Maia Maruashvili]

პაპუნა დიდი მადლობა რჩევებისთვის. ამ რჩევებს აუცილებლად გადავცემ იმ ოჯახებს ვისაც აქვს შესაძლებლობა და სურვილი საოჯახო სასტუმრო შექმნას.
ისე 5 ვარსკვლავიან სასტუმროსაც შეგიძლია უპოვო უამრავი უარყოფითი, თუ კრიტიკული თვალით შეხედავ. აქ მე ყურადღება გავამახვილე იმ პიროვნებებზეც რომლებსაც ტურისტები ჩამოყავთ, ცდილობენ რაც შეიძლება იაფი ღამის გასათევი იპოვონ, ხოლო ტურისტებს კი სხვა პირობები შესთავაზონ. რა თქმა უნდა, თუ დამპირდები რომ კარგ სასტუმროში მომათავსებ და სინამდვილეში აღმოვჩნდები ჩვეულებრივ ტიპის სახლში; თუ მეტყვი რომ სადილი მზად არის და სინამდვილეში არ დამხვდება, რა თქმა უნდა დიდ უკმაყოფილებას გამოვთქვავ და მოვითხოვ ფასის შესაბამის პირობებს. ყოველეივე ამას ის ტურ კომპანია თუ მასპინძელი ადამიანების ჯგუფი უნდა განაგებდეს და აკონტროლებდეს.
იმ ოჯახს რაც შეეხება, შეიძლება ბევრი არაფერი გააჩნიათ, მაგრამ საუკეთესო ლოგინები, სისუფთავე, უგემრიელესი სადილი და გულთბილი მასპინძლობა ნამდვილად დახვდება ნებისმიერ სტუმნარს. და თუ რამე შეცდომას დაუშვებს უცოდნირობის ან გამოუცდელობის გამო, პატიებაც შეიძლება. ჩემი აზრით ეს ნამდვილად დასაფასებელია. ასეთ ოჯახებისთვის სასარგებლო რჩევებიც არ უნდა დავიშუროთ. სწორედ ეს იყო ამ პოსტის მიზანი. დიდი მადლობა ყველას

[Aza Mdinaradze]

მე ცოტა დავაგვიანე პასუხი, მაგრამ, თუ ამ თემას ისევ დაუბრუნდებით, გეტყვით, რომ გარდა იმისა, რომ აბსოლუტურად სწორია, რაც პაპუნამ ჩამოთვალა, მინდა დავამატო, რომ არსებობს ორგანიზაცია "ელკანას"მიერ გამოცემული ბროშურა - " რა მოთხოვნებს უნდა აკმაყოფილებდნენ საოჯახო სასტუმროები". სხვათა შორის, ეს ბროშურა საქართველოს ზოგიერთი რეგიონის ოჯახურ სასტუმროებში გაავრცელეს კიდეც. იქ დაწვრილებითაა მითითებული ყველა წვრილმანი, (რასაც უნდა აკმაყოფილებდეს სასტუმრო) რომელიც დამსვენებელს შემდეგ წვრილმანად აღარ ეჩვენება. შეგიძლიათ "ელკანას"სთხოვოთ ეს ბროშურა, საქმიანი ხალხია, მოგაწვდიან.

რედაქტორი Aza Mdinaradze, 04 January, 2010 - 17:44.

[Nino Mtvarelishvili]

ძალიან საინტერესო შემთხვევაა აქ მოყვანილი. საერთოდ არ მესმის, ეს ქსენოფობიური დამოკიდებულება იმ უცხოების მხრიდან რას ნიშნავდა "ვიგრძენი რომ ჩვენი დანახვა არ ესიამოვნა ერთ-ერთ ქართველს და ალბათ ზოგიერთ უცხოელ სტუმარსაც (რა თქმა უნდა არ შევიმჩნიეთ)". და თუ ეს მართლაც იყო რეალური მიზეზი, არჩევანი მათზეა. ყველას აქვს უფლება დაისვენოს ან არ დაისვენოს ამა თუ იმ ადგილას. ეს მათი პირადი პრობლემაა და არანაირად არ შეურაცხგყოფთ ამ შემთხვევაში თქვენ.

აღარ დავიწყებ იმის ჩამონათვალს, თუ რა მინიმალურ მოთხოვნებს უნდა აკმაყოფილებდეს საოჯახო ტიპის სასტუმრო, ისედაც საკმაოდ ითქვა უკვე ზემოთ. მე ერთს კი დავამატებდი, რომ ჩემი საქმიანობიდან გამომდინარე მიწევდა ხოლმე ხშირი მგზავრობა და სწორედ საოჯახო ტიპის სასტუმროში ვრჩებოდი და ძალიან კმაყოფილიც ვარ იმ ოჯახით (სისუფთავე, შესაბამისი პირობები). ყოველთვის დიდი სითბო და სიყვარული მოდიოდა მათი მხრიდან და უძვირფასესი ადამიანები შევიძინე, დღემდე გვაქვს ურთიერთობა. თუ ვინმეს დაგჭირდეთ საოჯახო ტიპის სასტუმროში გაჩერება ახალციხეში, შემიძლია მათი საკონტაქტო ინფორმაცია მოგცეთ, ნამდვილად არ ინანებთ

[Tamar Giorgadze]

ყველა ზემოთ აღწერილ მახასიათებლებს (სისუფთავე, სერვისი, ფასი...) ვეთანხმები, მაგრამ ყველაზე მნიშვნელოვანი მაინც უცხოელი სტუმრისთვის არის ის authentic environment (არ ვიცი ქართულად როგორ დავწერო) რაც მას იქ უნდა დახვდეს, ანუ ისეთი გარემო რასაც სხვაგან, სხვა ქვეყნებში ვერ გამოცდის, მე ვგუსლისმობ ქართულ, ტრადიციულ სტუმართმასპინძლობას, სამზარეულოს და ა.შ. ამით ხდება ტურისტისთვის ქართული ხასიათის/ჩვევების გაზიარება-გაცნობა.
აი რა განსახვავებს საოჯახო სასტუმროს სხვა კატეგორიის განთავსების საშუალებებისგან...

[Lika Maisuradze]

მაია, როგორც ამბობ უცხოელებს მხოლოდ ორი მძღოლი ახლდა, ანუ გიდი არ იყო?? ხშირ შმთხვევაში ვიღაც კერძო პირები იღებენ ხოლმე თავის თავზე ასეთი ტიპის მომსახურებას და ტურისტებიც თანხმდებიან სიიაფის გამო. ამიტომ გამორიცხული არ არის, რომ ტურისტული სააგენტოს დაგეგმილი არც ყოფილიყო ეს ვიზიტი და კერძო პირებმა კი არ იციან რა თქმა უნდა მუშაობის სპეციფიკა, რამდენი ხნით ადრე უნდა გააფრთხილო მასპინძელი, ტურისტსაც რომ წინასწარ უნდა აუხსნა, რა პირობებში მოუწევს ცხოვრება და ა.შ.
რაც შეეხება პირობებს, რა თქმა უნდა პირველ რიგში მომღიმარი მასპინძელის დახვედრა, შემდეგ ლამაზი გარემო, მოვლილი ეზო, "კოხტა" სახლი, ოთახების განლაგება (არ არის სასურველი ბევრი კიბე, ვინაიდან ტურისტების უმრავლესობა მაინც მოხუცები არიან და უჭირთ არბენა-ჩარბენა), სისუფთავე მთელს სახლში, ოთახში ელემენტარული პირობების არსებობა (ლოგინი სწორი და არა ჩასავარდნი, კარადა, ერთი-ორი სკამი, ტუმბო, საკიდი, ნოხი, პირსახოცები, ჭიქა) და ასევე შესაძლებლობის ფარგლებში შარმის მისაცემად ჩამოკიდეთ რამე საინტერესო სურათი, სასურველია ქართული ცხოვრების და ბუნების ამსახველი. დადგით რამე ხელნაკეთი ნივთი, მოკლედ ფანტაზია და მარჯვე ხელები ჩააქსოვეთ.. სველი წერტილი თუნდაც საერთო იყოს, აუცილებლად გამართული უნდა იყოს, წყალი კარგი ცხელი უნდა იყოს და თანაც კარგი სიმძლავრით მოდიოდეს, არსად ჟონავდეს, გუბეები არ დგებოდეს, ასევე უნიტაზიც... ჩამოკიდეთ სარკე, დადეთ საპონი და ეგ არის..
განსაკუთრებით დიდი ყურადღება ეთმობა რა თქმა უნდა კვებას, რამით უკმაყოფილო რომ იყვნენ, ბოლო შანსია გემრიელი საჭმლით და ღვინით გამოასწოროთ!!!