გამოხმაურებათა რაოდენობა: 8

[Ilia Kevlishvili]

მოგესალმებით ყველას

მინდა განვიხილო თქვენთან ერთად ერთი საკითხი ე.წ. " საიტზე ტრაფიკის გაზრდის შემოთავაზებები". ჩვენ, ყველას ხშირად გვთავაზობენ უნიკალური ვიზიტორების რიცხვისა და საიტის რეიტინგის გაზრდას ზოგჯერ საიტებზე ბანერებისა და რეკლამის განთავსების მეშვეობით, ზოგჯერ პირადაპირ კლიკებში კონკრეტული თანხის გადახდის სანაცვლოდ და ასე შემდეგ. მინდა ცოტა ღრმად ჩავწვდე ამ საკითხს, ვინაიდან მართლა ვზრუნავთ საიტზე დამსწრეთა რაოდენობის გაზრდაზე, ვცდილობთ განვათავსოთ ბანერები ისეთ საიტებზე, რომლებსაც ჩვენი პოტენციური მომხმარებლები სტუმრობენ, მაგრამ არ გვინდა, რომ ეს ციფრები იყოს ფიქტიური ანუ ხელოვნური, ვინაიდან ჩვენ მხოლოდ მშრალი ციფრებით არ ვართ დაინტერესებულები და გვინდა საიტმა რეალურად გაზარდოს ჩვენი მომხმარებლების რაოდენობა.

ამასთან დაკავშირებით გამიჩნდა ვარაუდი, რომ ზოგიერთ საიტზე განთავსებული ბანერი, მხოლოდ ხელოვნურად მიმატებს უნიკალურ მომხმარებელთა რაოდენობას და ეს მაჩვენებელი არ შეესაბამება რეალურად დაინტერესებულ ვიზიტორებს, მიზნობრივ აუდიტორიას. და აი საიდან გაჩნდა ეს მოსაზრება: საიტზე მიყენია ტოპ.გე-ს ქაუნთერი, როდესაც ვაკვირდები სტატისტიკას, ყველაფერი ნორმალურად და ბუნებრივად გამოიყურება გარდა ერთისა-შემოსვლები ერთ-ერთი საიტიდან, რომელზეც განთავსებული მაქვს ერთ-ერთი ბანერი(დავიცავ ეთიკას და არ დავასახელებ ამ საიტს).

საქმე იმაშია, რომ საერთო ჯამში ამ საიტიდან ყველაზე დიდი შემოსვლა ფიქსირდება დღე-ღამის განმავლობაში, თუმცა არის ერთი დამაფიქრებელი მომენტი: ნახევარი დღე ამ საიტიდან საერთოდ არ არის შემოსვლები, მერე უცებ, შუადღის მერე სტატისტიკაში ჩნდება საკმაოდ დიდი შემოსვლა ამ საიტიდან, რომელიც დღის ბოლომდე აღარ იცვლება, ერთიც კი არ ემატება. რა ხდება? იქნებ თქვენი აზრიც გამიზიაროთ, მე პირადად უკვე ვფიქრობ, რომ ეს "ხელოვნური კლიკებია" და არა რეალური კლიენტების შემოსვლები. როდესაც ამ საიტის ადმინისტრატორს ვკითხე რატომ ხდება ასე-თქო მიპასუხა, რომ ტოპ.გე აგვიანებს დაფიქსირებასო, მაგრამ იმას რაღა ვუყოთ, ერთხელ აფიქსირებს დღეში და მეტი აღარ იცვლება? ან სხვა საიტებიდან თითოეულ შემოსვლას თუ რეალურად აფიქსირებს დღის ნებისმიერ დროს, რაც აგრეთვე გადავამოწმე, მაშინ ამათ რა ჭირთ.

ერთის მხრივ ხელს ჩავიქნევდი და ვიფიქრებდი, რომ თანხას ტყუილად არ ვიხდი ბანერში, რეიტინგს ხომ მიმატებს და რაში მაინტერესებს, მაგრამ მე არ ვარ დაინტერესებული მშრალი ტრაფიკით იმიტომ რომ, ჩემს ტრაფიკს არ ვიყენებ სხვების რეკლამის მოსაზიდად და შესაბამისად არც შემოსავალი არ მაქვს სხვების რეკლამის განთავსებიდან ჩემს საიტზე. რას ფიქრობთ ამაზე, გამიზიარეთ თქვენი მოსაზრებები, და მოვისმენთ თქვენს შემოთავაზებებსაც ამ თემასთან დაკავშირებით. ჩვენი მიზანია გავზარდოთ ჩვენს საიტზე პოტეციური მომხმარებლების, მიზნობრივი აუდიტორიის შემოსვლები.

და კიდევ, არ მინდა ისე გამიგონ, რომ "კლიკების ბიზნესი"-ს წინააღმდეგი ვარ, ზოგს ასე აწყობს, ზოგს ისე, ზოგს უბრალოდ ციფრები აინტერესებს და რაც მეტი "კლიკი" ექნება საიტზე უფრო კმაყოფილი იქნება, ზოგსაც რეალური მიზნობრივი დასწრება აინტერესებს, ყოველ შემთხვევაში ყველას თავისი კლიენტი ყავს, ღმერთმა ყველას ხელი მოუმართოს თავის საქმეში, მაგრამ ეს თემა იმიტომ წამოვწიე და თქვენი აზრიც იმიტომ მაინტერესებს, რომ გვინდა ფული რეალურ რეკლამაში დავხარჯოთ და ჰაერს არ გავატანოთ ხელოვნურ "კლიკებში"

P.s. ბატონო ტარიელ თქვენი მოსაზრებაც მაინტერესებს ძალიან ამასთან დაკავშირებით, ვინაიდან ვიცი რომ საკმაოდ კომპეტენტური ბრძანდებით ამ საკითხში

რედაქტორი Tariel Zivzivadze, 20 January, 2010 - 11:41.

[George Chkhikvishvili]

ნუ, ილია შენ თვითონ გაეცი პასუხი საკუთარ კითხვას. ამის წინ იყო სიუჟეტი მგონი CNN-ზე, ერთ მეწარმეს ქონდა შეკვეთილი გუგლის რეკლამა, და როცა მისი კონკურენტი მასთან ერთად კაზინოში იმყოფებოდა ზუსტად მაშინ ეცემოდა შემოსვლების რიცხვი, ანუ სხვა დროს ტიპი იჯდა და კლიკავდა მეწარმის ბანერზე. სადაც გუგლი ვერ იცავს თავს, რა გიკვირს როცა საქართველოში ჩითერობენ. ისე საქართველოში თუ უკვეთავ, თითქმის ყოველთვის ხარისხის კრიტერიუმი არის ფასი, ერთი გადმოსვლა არ უნდა ღირდეს არავითარ შემთხვევაში 2 თეთრზე ნაკლები, საშუალო ფასი 4 თეთრია.

რედაქტორი George Chkhikvishvili, 20 January, 2010 - 01:42.

[Paata Vardanashvili]

Ilia Kevlishvili

არ ვიცი შენ რომელ საიტზე გაქვს შენი ბანერი, მეც მქონდა ერთ საიტზე და დღის ერთ პატარა მონაკვეთში უცბათ დაემატებოდა მანდედან ასეულობით შემომსვლელი ჩემ საიტზე და მერე მთელი დღე იყო სიწყნარე. თან შემომსვლელები მსოფლიოს ყველა ქვეყნიდან იყვნენ

[Ilia Kevlishvili]

Paata Vardanashvili, Jan 20/10, 03:00 -ში, განაცხადა:

Ilia Kevlishvili

არ ვიცი შენ რომელ საიტზე გაქვს შენი ბანერი, მეც მქონდა ერთ საიტზე და დღის ერთ პატარა მონაკვეთში უცბათ დაემატებოდა მანდედან ასეულობით შემომსვლელი ჩემ საიტზე და მერე მთელი დღე იყო სიწყნარე. თან შემომსვლელები მსოფლიოს ყველა ქვეყნიდან იყვნენ

საიტს ბიზნესის ეთიკიდან გამომდინარე არ ვასახელებ, რადგანაც ვერ ვიტყვი, რომ უნიკალური ვიზიტორები არ მომიმატა, ნამდვილად მომიმატა და თან საგრძნობლად, მაგრამ ამან მხოლოდ რეიტინგი ამიწია, ხოლო რეალური დაინტერესებული შემომსვლელების რაოდენობა ნამდვილად არ მომატებულა, ყოველ შემთხვევაში ამას არც გამოხმაურებების რაოდენობაზე უმოქმედია და არც შეკვეთების

[Tariel Zivzivadze]

"სამეზობლოში" არის ერთი თემა სადაც საუბარია იმაზე, თუ ვის უნდა დაბრალდეს წარუმატებელი სარეკლამო კამპანია და იქ ბევრი საჭირო აზრია დადებული

არასწორი დაგეგმვა - სწორედ ესაა მთავარი პრობლემა აქაც

რატომ მხოლოდ საბანერო რეკლამა, მაშინ როცა ინტერნეტ რეკლამის საშუალებები გაცილებით მეტია [თან გაცილებით დანახარჯ-ეფექტური]?
რატომ აკეთებთ შედეგების მონიტორინგს ტოპ.გე-ს მეშვეობით, როცა არსებობს გუგლის ანალიტიკოსი?
რატომ გიკვირთ ის, რაც ადამიანის ბუნებას წარმოადგენს [და რისგანაც თავი უნდა დაგეზღვიათ თავიდანვე]?

და ბოლოს, რატომ ხარჯავთ ფულს იქ, სადაც შედეგების მონიტორინგის არანაირი საიმედო მექანიზმი არ გაგაჩნიათ?

[Shalva Gordeziani]

მოგესალმებით კოლეგებო "სამეზობლოში" არსებული თემის ავტორი ,

მადლობთ ტარიელ თემის შეფასებისთვის,

ილია, საკმაოდ რთულ პრობლემას შეეხეთ, რომელიც ვშიშობ, რომ ყოველთვის იდგება დღის წესრიგში. საკმაოდ საინტერესო თემაა.
ცხადია ვეთანხმები აქ არსებულ მოსაზრებებს, მაგრამ ხომ არ აჯობებს "ინტერნეტ მარკეტინგის" სპეციალისტებისთვის მიგემართად.
ასევე შეიგძლიათ მიმართოთ რომელიმე სარეკლამო სააგენტოს, რომელსაც გამოცდილება გააჩნია ინტერნეტ გვერდების "პრომოუშენში".

[Iago Khachvani]

თუ არ ვცდები Google Analytics იძლევა საშუალებას გააანალიზოთ სხვადასხვა წყაროებიდან შემოსული მომხმარებლების ქცევის თავისებურებები. რამდენ გვერდს ათვალიერებენ საშუალოდ, რამდენ დროს დაყოფენ თქვენს საიტზე და ა.შ. მისი საშუალებით ადვილად აღმოაჩენთ "ყალბ" კლიკებს.

[Tariel Zivzivadze]

ადამიანთა დიდი ნაწილის პრობლემა ის არის, რომ დაგეგმვას, მგეგმავებს და მმართველებს არასათანადოდ აფასებენ ...
აქედან უკვე შედეგი პირველივე ქვაზე წამტვრეული ფეხია ... უმეტესობა მერეც ვერ ხვდება, მაგრამ ... რა ვუყოთ ასეა ...

ინტერნეტ მარკეტინგის შემთხვევა კიდევ ადვილი თემაა. კონკრეტული ტიპის ამოცანის შემთხვევაში შეიძლება ერთხელ ისე აგიკინძო საქმე [გარკვეული ხარჯი ცხადია არის], რომ მერე დაგრჩება მხოლოდ მიზერული საქმიანობა საკეთებელი, რომელსაც ნებისმიერი ჩაინიკი შეძლებს ...

[Shalva Gordeziani]

ტარიელ მოგესალმებით,

ინტერნეტ მარკეტინგთან დაკავშირებით მართლაც საინტერესოა მოსაზრებები.
ამიტომაც გავუსვი ხაზი ამ საკითხს ჩემს პოსტში.
მართალი გითხრათ არ ვიცი საქართველოში რამდენად განვითარებულია მარკეტინგის აღნიშნული მიმართულება.
რატომღაც წარმოდგნა მრჩება რომ ძაან მწირი რესურსებია.
იქნებ ვცდები.