გამოხმაურებათა რაოდენობა: 31

[Nina Jinjolava]

დღეს წიგნების მაღაზიაში იაკობ გოგებაშვილის ძველებურ ”დედა ენას” გადავაწყდი. სქელტანიანი წიგნია, ანუ ის თხელი წიგნები არ არის, მხოლოდ ანბანით რომ შემოიფარგლება, ადრე და ახლაც ესენც აქტიურად არის სავაჭრო ქსელებში.
გულმა არ მომითმინა და შევიძინე. გოგებაშვილი ჩემი ბავშვობის უსაყვარლეს მწერლად და შემდგომში უკვე საზოგადო მოღვაწედ რჩება.
წიგნი, რომ გადავშალე, თვალებზე ცრემლი მომადგა, და თან ბრაზმა ლამის დამახრჩო. იმდენი სითბოა წიგნში, იმდენი სიყვარული, თითოეულ ასოს ისე ეფერება, თან ძველ ქართულ დამწერლობასაც ასწავლის. ბავშვმა იცის, რომ ოდესღაც ასეც წერდნენ. უამრავი მოთხროვა, იგავები საღვთო სჯულიდან, ქრისტიანული რელიგიის მიმოხილვა და მოკლე ლექსები, და კიდევ ერთხელ უამრავი სიყვარული, ძმობაზე, დათმობაზე, მოკლედ გოგებაშვილია რაა.
მე კი იმაზე მწყდება გული, რომ ამ წიგნის პატრონ ერს, საშინელი ლიტერატურა გვაქვს, რითაც ბავშვებს ვასწავლით ქართულ ენას. საშინელებაა გოგებაშვილის ენასთან შედარებით.
ნუთუ განათლების სამინისტროში ამას ვერ ხვდებიან? თუ შეგნებულად ხელს უწყობენ ბავშვების დეგრადაციას?
არავინ ხართ კონფერენციაზე განათლების სამინისტროდან, იქნებ როგორღაც წამოიჭრას ეს თემა და დავაბრუნით ძველი დედა ენა, რომელიც საბჭოთა კავშირმა ამოიღო და დამოუკიდებელმა საქართველომ საერთოდ ფეხქვეშ გათელა. რანი ვართ, საით მივდივართ, მე მგონი 19 საუკუნეში გაცილებით განვიტარებული იყო საზოგადო მოღვაწეობა, ვიდრე დღეს 21 საუკუნეში და თან ზოგადად საზოგადოებამ დეგრადაცია განვიცადეთ.

[Ivane Sujashvili]

ერთ ერთმა თავის ბიზნესითვის მიაწერა დაფაზე (( იყიდება სომეხი პური 50 თეთრი ძალიან ლამაზი არის )) - ესეც ქართულ რომ დაწერენ ვის უნდა დაეწერა ?
უნდა დაეწერა ( იყიდება სომხური პური 50 თეთრად ძალიან გემრიელია ) . ალბათ გაგეცინება რომ ლექსიკონიდან მონახა და დაწერა .

[Dimitri Chkadua]

Nina Jinjolava, Mar 31/10, 18:48 -ში, განაცხადა:

ნუთუ განათლების სამინისტროში ამას ვერ ხვდებიან? თუ შეგნებულად ხელს უწყობენ ბავშვების დეგრადაციას?

ორივე ერთად

Nina Jinjolava, Mar 31/10, 18:48 -ში, განაცხადა:

რანი ვართ, საით მივდივართ, მე მგონი 19 საუკუნეში გაცილებით განვიტარებული იყო საზოგადო მოღვაწეობა, ვიდრე დღეს 21 საუკუნეში და თან ზოგადად საზოგადოებამ დეგრადაცია განვიცადეთ.

ვართ ადამიანები (საბედნიეროდ ჯერ კიდევ) და მივდივართ მაიმუნისკენ.

პ.ს. სრული სერიოზულობით.

[Lexo Khubulava]

მიუხედავად იმისა, რომ ძალიან მომწონს გოგებაშვილისეული დედაენა, მანდ ბევრი "სტოლი" და "სტაქანია"...

[Nina Jinjolava]

ლექსო სტოლი და სტაქანი შეიძლება დაიხვეწოს და არც ვარ მომხრე, რომ ბავშვებს ძველი ენით დავუწყოთ სწავლება. მთავარი მორალია, რომლის ხერხემალს "გიყვარდეს მოყვასი შენი"-ა წარმოადგენს.

რედაქტორი Nina Jinjolava, 01 May, 2010 - 23:09.

[Teona Evdeevi]

სამწუხაროდ, მხოლოდ მორალის სწავლებით შორს ვერ მიდიან დრევანდელი მოსწაველეები. რაც უფრო გადის დრო, მით უფო მატულობს ინფორმაცია და მით უფრო მეტის ცოდნა მოეთხოვება ადამიანებს სხვადასხვა სფეროდან.
ეხლა 1-ლი კლასის სახელმძღვანელოებში არაა გაკეთებული აქცენტი მხოლოდ წერა-კითხვაზე. უამრავი განმავითარებელი სავარჯიშოებია მიმართული მეხსიერებაზე, ყურადრებაზე, წვრილ მოტორიკაზე და აზროვნებაზე.
შეიცვალა სწავლების ტიპიც - ადრე წერას და კიტხვას პარალელურად გვასწავლიდნენ, ეხლა კი ჯერ ასოების ცნობაზე კეთდება აქცენტი და რამდენიმე თვის მერე წერას აწყებინებენ.
აი იმაზე, თუ რამდენად ხდება ამ სახელმძღვანელოებში მორალზე აქცენტის გაკეტება, არ მაქვს ინფორმაცია, მაგრამ ამ მიზნით მგონი ბიბლიის სწავლება შემოიღეს სკოლებში 1 ან 2 კლასელებთან.
მოკლედ, სკოლალას ბავშვის მორალურ აღზრდას ვერ დაავალებ. ეს მაინც მხოლოდ ოჯახიდან მოდის.

იმდენი მივედ-მოვედე, მგონი გაუგებარი იქნება რისი თქმა მინდოდა:

დასკვნა
გოგოებაშვილის წიგნი 1 კლასში აღარ უნდა იყოს სახელმძღვანელო.

[Misho Adamashvili]

vetanxmebi teonas ar unda iyos gogebashvilis wigni 1 klashi : ) dro midis taobebi icvleba axali da axali informacia teqnologiebi da swavlebis axleburi metodebi mkvidrdeba chven mgoni imisken unda miviswrapodet rom rac sheizleba meti vaswavlot chven bavshvebs.. da moralis sakitxtan dakavshirebit kidev chemi azri maqvs dzalian meechveba msoplios romelime skolashi bavshvi imaze met morals swavlobdes vidre amas ojaxshi swavlobs tu ojaxshi ar aswavlian zrdilobas da morals sadac ginda iq aswavle mainc ver da ar iswavlis

რედაქტორი Misho Adamashvili, 16 May, 2010 - 00:08.

[Dimitri Chkadua]

მერე ტექნოლოგიები და დედაენა რა კავშირშია ერთმანეთთან? აბა კომპიუტერებს დაურიგებენ ახლა პირველკლასელებს და რა შედეგიც მოყვება ამ უგუნურ გადაწყვეტილებას აგერ ნახავთ. ამას უამრავი უარყოფითი მხარე აქვს, იმდენი რომ დადებითს ვევრად ჭარბობს. წიგნს ტექნოლოგიები ვერ ჩაანაცვლებს ვერასდროს. ეს ორი რამ სრულიად განსხვავებულ სფეროებს მიეკუთვნება და დანიშნულებაც სხვა აქვს.

რაც შეეხება ზრდილობას და მორალს, უამრავი მაგალითი არსებობს როდესაც გარყვნილი და ზნედაცემული ოჯახდან შვილები სამაგალითო პიროვნებებად ჩამოყალიბებულანდ და პირიქითაც, საოცრად წესიერი ოჯახისშვილები სასირცხვილო პიროვნებებად. ასე მარტივად არ არის საქმე ჩემო მიშო როგორც ერთი შეხედვით ჩანს.

არ ვიცი შენ როგორი აზრის ხარ, მაგრამ ილიას აქვს ნათქვამი როცა ისტორიას ივიწყებ მაშინ იწყება ყველანაირი უბედურებაო (მარტივად რომ ვთქვათ) და დედაენა თუ ჩვენი ისტორიის მეტნაკლებად უმთავრესი ნაწილი არ არის, აბა მაშინ სხვაზე რაღა ვთქვათ?!

რედაქტორი Dimitri Chkadua, 16 May, 2010 - 00:27.

[Shalva Gordeziani]

გეთანხმები დიმიტრი,

იმისათვის, რომ საქართველოში ჭეშმარიტი ქართველები და სამაგალითო ერისშვილები აღიზარდონ, უმნიშვნელოვანესია თავიდანვე ჩაეყაროს საფუძველი. მარტო ინფორმაციული განათლება და ახალი ტექნოლოგიები არ უშველის ადმიანის ადამიანური და სულიერი აღზრდის საკითხებს.
ქართული თვითმყოფადობა, ზნეობრიობა, თუ მორალი თავისით არ უყალიბდება ბავშვს. მას უნდა მუდმივი სწავლება და წვრთნა. და არა მარტო ოჯახებში, არამედ ყველა სასწავლო-საგანმანათლებლო დაწესებულებებში და აუცილებლად საწყის ეტაპზე.

[Dimitri Chkadua]

Teona Evdeevi, May 15/10, 15:33 -ში, განაცხადა:

სამწუხაროდ, მხოლოდ მორალის სწავლებით შორს ვერ მიდიან დრევანდელი მოსწაველეები. რაც უფრო გადის დრო, მით უფო მატულობს ინფორმაცია და მით უფრო მეტის ცოდნა მოეთხოვება ადამიანებს სხვადასხვა სფეროდან.
ეხლა 1-ლი კლასის სახელმძღვანელოებში არაა გაკეთებული აქცენტი მხოლოდ წერა-კითხვაზე. უამრავი განმავითარებელი სავარჯიშოებია მიმართული მეხსიერებაზე, ყურადრებაზე, წვრილ მოტორიკაზე და აზროვნებაზე.
შეიცვალა სწავლების ტიპიც - ადრე წერას და კიტხვას პარალელურად გვასწავლიდნენ, ეხლა კი ჯერ ასოების ცნობაზე კეთდება აქცენტი და რამდენიმე თვის მერე წერას აწყებინებენ.
აი იმაზე, თუ რამდენად ხდება ამ სახელმძღვანელოებში მორალზე აქცენტის გაკეტება, არ მაქვს ინფორმაცია, მაგრამ ამ მიზნით მგონი ბიბლიის სწავლება შემოიღეს სკოლებში 1 ან 2 კლასელებთან.
მოკლედ, სკოლალას ბავშვის მორალურ აღზრდას ვერ დაავალებ. ეს მაინც მხოლოდ ოჯახიდან მოდის.

იმდენი მივედ-მოვედე, მგონი გაუგებარი იქნება რისი თქმა მინდოდა:

დასკვნა
გოგოებაშვილის წიგნი 1 კლასში აღარ უნდა იყოს სახელმძღვანელო.

თეონა ძალიან მაინტერესებს ერთი შენი დასკვნა რას ეფუძნება? ზემოთ რაც გიწერია იმას ნამდვილად არ შეესაბამება და საერთოდ ლოგიკასთან ძალიან შორს დგას... იქნებ განგვიმარტო და ჩამოგვიყალიბო თუ როგორ მიხვედი ასეთ დასკვნამდე?!

რედაქტორი Dimitri Chkadua, 16 May, 2010 - 13:54.

[Teona Evdeevi]

შალვა, სწორია რასაც იძახით, მაგრამ სკოლა საგანმანათლებლო დანიშნულებას ატარებს უპირველეს ყოვლისა და ჩემი აზრით მთავარი დატვრთვა სწორედ განათლებაზე უნდა კეთდებოდეს. მორალს და ზნეობას რაც შეეხება, ეს არ უნდა იქნას ჩანაცვლებული მათემატიკის ან მშობლიური ენის გაკვეთილით.
და ესეც ხდება. ცალკე საგნები აქვთ დაწყებით კლასებში, სადაც ასწავლიან პროსოციალურ ქცევებს. თუმცა სკოლა ამას მაინც ვერ ასწავლის ბავშვს, თუ ბაზისი არ მოიტანა სახლიდან.

დიმიტრი

ციტატა

რაც შეეხება ზრდილობას და მორალს, უამრავი მაგალითი არსებობს როდესაც გარყვნილი და ზნედაცემული ოჯახდან შვილები სამაგალითო პიროვნებებად ჩამოყალიბებულანდ და პირიქითაც, საოცრად წესიერი ოჯახისშვილები სასირცხვილო პიროვნებებად. ასე მარტივად არ არის საქმე ჩემო მიშო როგორც ერთი შეხედვით ჩანს.

ზნედაცემული ოჯახებიდან, სადაც ყველა წევრს პრობლემები აქვთ მორალთან, მე არ მახსენდება მაგალითები, რომ ბავშვი გამოსულიყოს განსხვავებული იდეებით. იქნებ გამახსენოთ რომელიმე ცნობილების შემთხვევები.
ეს ალბათ გეშლებათ განათლებული და გაუნათლებელი ოჯახის შვილები. მაგაში ნამდვილად არის ხოლმე საოცრებები. მაგრამ რომ გადახედოთ თუნდაც მანიკების ბიოგრაფიებს, არც ერთი არ ყოფილა სრულფასოვანი და ჯანსაღი ფსიქიკის მქონე ხალხის შვილი.

[Dimitri Chkadua]

თეონა ასეთი მაგალითები უამრავი არსებობს, ასეთ პიროვნებებს მე პირადადაც კი ვიცნობდი. ვეცდები ცნობილი ფაქტებიდან დაგისახელოთ რამოდენიმე, მაგრამ ახლა ისეთი არავინ მახსენდება.

პ.ს. ჩემს ბოლო კომენტარს გადახედეთ, როგორ ჩანს გამოგრჩათ!

[Teona Evdeevi]

Dimitri Chkadua

ციტატა

თეონა ძალიან მაინტერესებს ერთი შენი დასკვნა რას ეფუძნება? ზემოთ რაც გიწერია იმას ნამდვილად არ შეესაბამება და საერთოდ ლოგიკასთან ძალიან შორს დგას... იქნებ განგვიმარტო და ჩამოგვიყალიბო თუ როგორ მიხვედი ასეთ დასკვნამდე?!

ხო, ცოტა მივედ-მოვედე და ბოლოს დამეზარა გამართულად ჩამომეყალიბებინა აზრი, მაგრამ ძალიანაც შორს არაა ლოგიკისგან. იდეა კი იმაში მდგომარეობს, რომ თანამედროვე სახელმძღვანელოები უფრო მეტადაა მიმართული ინტელექტის კომპონენტების განვითარებაზე და ეს კარგია.
რაც შეეხება მორალურ აღზრდას, ამაზე არ მაქვს თქო ინფორმაცია რამდენად კეთდება აქცენტი ქართულის სახელმძღვანელოში, მაგრამ ვიცი, რომ დამატებით ისწავლება სხვა საგნები, სადაც ზუსტად ამაზე ხდება ხაზგასმა.
რა ვიცი, ვითომ ისეთი სიბრძნე დავწერე, რომ გამეორებად ღირს?

ციტატა

თეონა ასეთი მაგალითები უამრავი არსებობს, ასეთ პიროვნებებს მე პირადადაც კი ვიცნობდი. ვეცდები ცნობილი ფაქტებიდან დაგისახელოთ რამოდენიმე, მაგრამ ახლა ისეთი არავინ მახსენდება.

კი, სცადეთ გახსენება. მე მართლა არ მახსენდება ეგეთი შემთხვევები. მამა ალკოჰოლიზმის ბოლო სტადიაზე, დედა მსუბუქი ყოფაქცევის ქალი, მამიდა ნარკოტიკებით მოვაჭრე, ბაბუა ციხეში ჯდომის დიდი სტაჟით ცოლის მკვლელლობის გამო და შვილი - მამა აბრამის ბატკანი. ამას გოგებაშვილი და კარგი სკოლა ვერ უშველის.
რაც შეეხება ინტელიგენტ დედ-მამას, აკადემიკოს ბაბუას და სამაგალითო ბებიას და მარგინალ შვილს, ეს უკვე აღზრდის პრობლემაა.

[Dimitri Chkadua]

არა კვლავ გაუგებარია პირველი ნაწილი, ნამდვილად არანაირ ლოგიკაში არ ზის. დაახლოებით იგივე იქნებოდა რომ აგვეწონა "კვირა" და "ბგერა". მოდით მივყვეთ და თანდათანობით განვიხილოთ:

როგორც ვხვდები პირველი კლასის სასწავლო პროგრამაზე მიდის მსჯელობა. თანამედროვე სახელმძღვანელო თუ გაქვს ნანახი და რა იცი რომ ინტელექტის განვითარებისთვის ზესაშუალებას წარმოადგენს პირველკლასელთათვის? ან რა ინტელექტზეა ჯერ საუბარი როცა ბავშვმა წერა-კითხვა და ლაპარაკი გამართულად არც კი იცის. იაკობ გოგებაშვილის დედაენა ძირითადად წარმოადგენს ბავშვისთვის ქართული ენის შესასწავლ სახელმძღვანელოს, ამ წიგნს შეუძლია ბავშვს ხელი შეუწყოს ენის მარტივად ათვისებაში, შეაყვაროს საკუთარი ენა. წიგნში არა მარტო ის ისწავლება რომ "ია" არის "ია", არამედ მასში ზნეობრივი კრიტერიუმები მრავლად დევს, ასევე სამშობლოს სიყვარული და ა.შ. ამიტომ ამ წიგნს მხოლოდ ერთი დანიშნულება არ გააჩნია. რაც შეეხება ზნეობის საკითხებს და აღზრდას, უამრავი კრიტერიუმი შეგვიძლია ჩამოვთვალოთ რომელიც გავლენას ახდენს პიროვნების ზნეობის ჩამოყალიბებაზე, მაგრამ ჩვენ ორ უმთავრესს შევეხეთ ხო? : ოჯახს და სკოლას. ჩვენ უკვე განვიხილეთ მაგალითი როდესაც კარგი ოჯახის შვილი ხოლმე გზააცდენილი გვევლინება. მაშინ რა არის გამოსავალი?... სკოლაში პირველი კლასიდანვე მოყოლებული ქართული ლიტერატურული ნაწარმოებები სწორედაც რომ ბავშვის მორალურ, ეთიკურ თუ პატრიოტულ აღზრდას ემსახურება. ასევე მინდა შევეხო გონებრივ განვითარებას. უამრავი ნაწარმოები არის რომელიც სრულიად საკმარისია ადამიანის გონებრივი განვითარებისთვის, მაგალითისთვის "დათა თუთაშხია" რომელიც აღიარებულია მსოფლიო შედევრად არა როგორც უბრალოდ მხატრული ნაწარმეობი სადაც სცენები ლამაზად არის წარმოჩენილი, არამედ როგორც გენიალური შედევრი რომლის თითოეული ეპიზოდი უაღრესად დიდი შინაარსის შემცველია როგორც მორალური, ასევე ინტელექტუალური და პატრიოტული კუთხით. ან ილია ჭავჭავაძის ნაწარმოებებს რა გამოლევს კიდევ...

საქმე იმაში მდგომარეობს თეონა, რომ შენ ვერც ერთი ლოგიკური მიზეზი ვერ დაასახელე რომელიც შენ დასკვნას გაამართლებდა იოტისოდენადაც მაინც. ბავშვი დედაენას რომ ისწავლის რაიმეს დაკარგავს ამით? პირიქით ბევრი მოემატება, მითუმეტეს ასეთ ადრეულ ასაკში. სხვა გონებრივი წიგნების აუცილებლობა რა თქმა უნდა არის, მაგრამ დედაენის აკრძალვა საერთოდ რა შუაშია, ასარჩევად გვაქვს ან "ინტელექტი" ან "პატრიოტიზმი" თუ? რა არ შეიძლება დედაენის პარალელურად სხვა ე.წ. ინტელექტის განვითარებისთვის სასურველი გაკვეთილების და სახელმძღვანელოების ჩამატება და ორივეს პარალელურ რეჯიმში სწავლება?

მე დედაენა რომ მაქვს შესწავლილი რა, დღეს ეკონომიკის უახლეს საკითხებს ვეღარ ვითვისებ თუ აზროვნების უნარი შემიზღუდა დედაენამ თუ ქვეყნის სიყვარული და ა.შ.

ამიტომაცაა რომ თქვენი მსჯელობა ალოგიკურია, სრულიად განსხვავებულ საკითხებს სრულიად განსხვავებულ ჭრისში აქცევ და იმიტომ

რედაქტორი Dimitri Chkadua, 16 May, 2010 - 18:35.

[Nina Jinjolava]

თეონა, თემას გადაუხვიე, სამწუხაროდ ვერ მოვაბი თავი აქამდე დამეწერა ჩემი კომენტარი.
მოდი დავიწყოთ იმით, რომ მე არ ვამობ, რომ იაკობ გოგებაშვილის დედაენა პირველადი სახით უნდა ისწავლებოდეს სკოლაში, ცხადია საუკუნე ნახევარმა განვლო და ენამ ვცლილებები განიცადა. ოღონდ მე როგორც პირველკლასელის დედა, რომელსაც მინდა არ მინდა, ძალიან მჭიდრო შეხება აღმომაჩნდა ახლანდელ სახელმძღვანელოსთან და მინდა, რომ ჩემმა შვილმა იცოდეს ვისი გორისა არის, აღმოვაჩინე, რომ ეს ახლანდელ დედაენაში არანაირად არ დევს. ეს დედაენა ასწავლის კითხვას და ლოგიკას, შემეცნებითი მოთხრობები ისეა შერჩეული, რომ ბავშვი სწავლობს რა არის მისთვის, ერთპიროვნულად კარგი მხოლოდ, მაგრამ არ სწავლობს მოყვასის სიყვარულს. მე ვთვლი რომ ეს თვისება ქართველებში მოჭარბებულად არის და ვამაყობ იმით, რომ "ჩვენი ძალა ერთობაშია". კი ბატონო, სკოლამ უნდა განათლება მისცეს ბავშვს, მაგრამ სკოლა პიროვნულ აღზრდაში, ოჯახისგან დამოუკიდებლადაც დიდ როლს თამაშობს. მე არ მინდა მყავდეს განათლებული შვილი მხოლოდ, მე მინდა სკოლამ თავისი წვლილი შეიტანოს ოჯახთან ერთად, მის ჯანსაღ პიროვნებად, ქართველად ჩამოყალიბებაში.
სწორედ ეს მოტივი აკლია ახლანდელ წიგნებს, სხვადაშორის რა მაგის პასუხია და მე დღემდე ვეწინააღმდეგები, ქართული ენის ტესტურ გამოცდებს, ტესტებში შინაარსია მხოლოდ, ზედაპირული არსი, მაგრამ შინაგანი სიღრმე არ ჩანს. ერთია იცოდე ილიას განდეგილის შინაარსი და მეორეა გესმოდეს მისი მოტივი. მთავარი მეორეა და არა შინაარსი.
სწორედ ამ კუთხით ვიძახი, რომ დღევანდელი წიგნი მოკლებულია სულიერ საზრდოს და ეს მხოლოდ მასწავლებლის მოტივაციაზეა დამოკიდებული. მადლობა ღმერთს გამიმართლა, და დღეს როცა ჩემი შვილი მიჰყვება ლექსს " საქართველოში იბადებოდნენ", არა პროგრამულია ცხადია, მაგრამ ასწავლეს, ვგრძნობ, რომ აღიქვავს ლექსის სულიერ მხარეს ტავისი ასაკის შესაბამისა, მისთვის ეს ლექსი ცარიელი სიტყვების რახარუხი არ არის. მინდა, რომ ეს გამაღტლებაზე კი არ იყოს დამოკიდებული, არამედ ყველა მასწავლებელი თავის ვალად აღიქვავდეს, ბავშვში თავიდავნე განავითაროს მშობელთან ერთად არა მხოლოდ წიგნის, ქართული წიგნის, მწერლობის სიყვარული.
ამას მოვითხოვ უპირველეს ყოვლისა წიგნიდან და სკოლიდან. თორემ ზრდილობა და მორალი, რომ ოჯახზეა დამოკიდებული დიდწილად და არა მხოლოდ, თავისთავად ესეა. მე არ მინდა, უბრალოდ დავკარგოთ ის ყველაზე ძვირფასი ჩვენთვის, რასაც ქართველობა ჰქვია, და ამას თანამედროვეობაში ვერ ვიპოვით, ეს ჩვენ თვითონ უნდა გამოვიმუშაოთ და ამაში პოლიტიკისა და განათლების სისტემის როლი საკმაოდ დიდია.

რედაქტორი Nina Jinjolava, 16 May, 2010 - 19:32.

[Mamuka Matsaberidze]

მეგობრებო, გოგებაშვილს ის ფენა ვინც მოამზადა და განახორციელა ილიას მკვლელობა "მოგებაშვილს" ეძახდა დამცირების მიზნით და ეს სულგაყიდულები ერის ამ მამას ლანძღავდნენ მაშინაც, როცა სულგანათლებული იაკობი დახეული თანსაცმლით ჩავიდა საფლავში და სოლიდური თანხა დაუტოვა ქართველთა შორის წერა-კითხვის გამავრცელებელ საზოგადოებას... ისე რომ, როგორც მოგეხსენებათ, ძალზე ძნელია მამულიშვილობა და საუბედუროდ, მიწიერი არსებობისას, ზნედაცემულთათვის ადვილი და სარფიანია ისკარიოტელობა, დოქსოპულოობა და "ბოლშევიკობა"...

თემის ავტორს უღრმესი მადლობა წრფელი გულისა და მამულიშვილობის სიბნელისშემანგრეველი ნიჭისათვის.

[Shalva Gordeziani]

აბსოლუტურად გეთანხმები ნინო,

სწორედ ეგ არის დღეს ქართველთა გასაჭირი.


ბატონო მამუკა საკმაოდ მოკლე კომენტარით შეძელით გამოგეხატათ ჭშმარიტ ქართველთა მისია. თუ არ ვცდები თქვენ ერთ ერთ თემაში სწორედ ეს პრობლემა გქონდათ განხილული.


“ყველაფერი” ქართულად ნიშნავს “ყველა-ფერს”, მნიშვნელოვანი და აუცილებელი თემა გახსენით. რატომ მიატივეთ?

ნინო აქ ხარ და ბარემ მინდა რომ მოგილოცო დაბადების დღე, მრავალს დაესწარი ჯანმრთელი და ბედნიერ.
შენი კარგი ქართვეობა ცხოვრების ბოლომდე გეტარებინოს ჩირაღდანივით

[Nina Jinjolava]

შალვა დიდი მადლობა მოლოცვისათვის, მაგრამ ეს მე არ მეკუთვნის, მეორე ნინო ჯინჯოლავაა, სხვადშორის ეს ერთ-ერთი მიზეზიც იყო, რომ ნინად დავრეგისტრირდი კონფერენციაზე.

ისე ვისარგებლებ, მეც შემთხვევით და ნინოს ვულოცავ დაბადების დღეს საუკეთესო სურვილებით.

რედაქტორი Nina Jinjolava, 16 May, 2010 - 21:46.

[Teona Evdeevi]

დიმიტრი, მგონი სხვადასხვა ენაზე ვლაპარაკობთ ერთსა და იგივეს. ან არ კითხულობთ კარგად ჩემს ნაწერს, ან კიდევ იმდენად ცდილობთ თქვენი ვერსია დამაჯერებლად წარმოთქვათ, რომ არ გინდათ წაიკითხოთ.

ციტატა

რა იცი რომ ინტელექტის განვითარებისთვის ზესაშუალებას წარმოადგენს პირველკლასელთათვის?

ამას არ ვიძახი. ზესაშუალება და IQ არაა შეთავსებადი ცნებები.

ციტატა

ან რა ინტელექტზეა ჯერ საუბარი როცა ბავშვმა წერა-კითხვა და ლაპარაკი გამართულად არც კი იცის.

დამიჯერეთ, არის ინტელექტი სკოლამდე. და უფრო მეტიც არსებობს პრენატალური სკოლები, სადაც ჩანასახის გონებრივ განვითარებაზე ზრუნავენ. მართალია ამას ბევრი მეცნიერი სკეპტიკურად უდგება, მაგრამ იმაზე არავინ აღარ დავობს, რომ ახალშობილს ინტელექტი აქვს. სხვათაშორის შეგიძლიათ რომელიმე საძიებო სისტემაში აკრიფოთ სიტყვები : ბავშვის ინტელექტი, kids IQ და დარწმუნებული ვარ საინტერესო რამეებს იპოვით.

ციტატა

ასევე მინდა შევეხო გონებრივ განვითარებას. უამრავი ნაწარმოები არის რომელიც სრულიად საკმარისია ადამიანის გონებრივი განვითარებისთვის, მაგალითისთვის "დათა თუთაშხია"

პასიური კითხვა და გააზრება არასოდეს არაა საკმარისი. ბავშვმა თუ არ ავარჯიშა გონება და აქტიურად არ ჩაება შესწავლის პროცესში, მისი პოტენციალი ვერ რეალიზდება.

ციტატა

ასარჩევად გვაქვს ან "ინტელექტი" ან "პატრიოტიზმი"

მე ეს არ დამიწერია პატრიოტიზმის შთანერგვა ჩემი აზრით აუცილებელია სკოლამდეც კი, საბავშვო ბაღებში!

ციტატა

მე დედაენა რომ მაქვს შესწავლილი რა, დღეს ეკონომიკის უახლეს საკითხებს ვეღარ ვითვისებ თუ აზროვნების უნარი შემიზღუდა დედაენამ თუ ქვეყნის სიყვარული და ა.შ.

მეც მასწავლიდნენ თავიდან გოგებაშვილის დედა ენით. მერე შემიცვალეს წიგნი. მაგრამ ძალიან კარგად მახსოვს ის - ყვითელი ყდა ქონდა და ძალიან მიყვარდა. უბრალოდ ეს არაა საკმარისი. ეხლა ბავშვებს უფრო მეტის ცოდნა მოეთხოვებათ, ვიდრე ადრე იყო.
და სხვათაშორის, გოგებაშვილის დედაენამ ვერ უშველა ჩემს და ჩემს წინა თაობას. თუნდაც ამ არგუმენტს თუ მიიღებთ, ჩემი მსჯელობა უკვე სწორი გამოვა - დედაენით გაიარეს I კლასი, მაგრამ მაინც იკადრეს ბევრი რამ. ხოდა იმას ვიძახი, რომ სკოლა ვერ უშველის ადამიანს თუ სოციუმმა არ შეუქმა ადექვატური პირობები.

ციტატა

ამიტომაცაა რომ თქვენი მსჯელობა ალოგიკურია, სრულიად განსხვავებულ საკითხებს სრულიად განსხვავებულ ჭრისში აქცევ და იმიტომ

მაგ მსჯელობით ეჭვიც არ მეპარება, რომ ალოგიკურად გამოგიჩნდებოდათ ჩემი ნათქვამი.
იმედია ამ ვრცელ ახსნას გაითვალისწინებთ და კონკრეტულ ჩემს ნათქვამ ფრაზებზე გააკეთებთ კომენტარს.

აი ნინას დარწმუნებული ვარ ოჯახში აქვს შექმნილი ისეთი სიტუაცია, რომ რითიც არ უნდა ასწავლონ მის შვილს, ის მაინც პატრიოტად გაიზრდება და ექნება ჩამოყალიბებული მორლური ღირებულებები.

ციტატა

სწორედ ამ კუთხით ვიძახი, რომ დღევანდელი წიგნი მოკლებულია სულიერ საზრდოს და ეს მხოლოდ მასწავლებლის მოტივაციაზეა დამოკიდებული.

მიანტერესებს დამატებითი საათები აქვთ ბავსვებს მორალური საუბრებისთვის? ეთიკა, რელიგია ან რამე მაგდაგვარი?

რედაქტორი Teona Evdeevi, 17 May, 2010 - 01:01.

[Nina Jinjolava]

თეონა, რა გითხრა აბა, დამატებითი საათები აქვს კი არადა, საერთოდ 5 საათამდეა სკოლაში, შესაბამისად ძალიან ბევრი დრო აქვთ გაიარონ ეს საკითხები და დიდი მადლობა მის პედაგოგს, რომ დიდ აქცენტს პატრიოტულ თემებზე აკეთებს.
სხვადაშორის ძალიან კარგად მახსოვს ჩემი ბავშვობა და სწავლის მეთოდიკა. ის ყვითელი წიგნი, რომელიც შენ ახსენე არასრული დედა ენაა, მე რომელზეც მაქვს ამ თემაში საუბარი, სრულიად განსხვავებულია, სქელტანიანი წიგნია, ამას ხაზიც გავუსვი. ჩემი ბავშვობა რომ გავიხსენო, სიმართლე გითხრა, ის რასაც საქართველოს, სამშობლოს სიყვარული ჰქვია, მე პირადად ჩემმა პედაგოგმა მომცა, ძალიან დიდი წვლილი ჩემს ასე ვთქვთ და ქართველობაში, შეიძლება სამაგალითო არ ვარ, დიდი წვლილი ქართულის პედაგოგს მიუძღვის. მეც ამიტომ დიდ აქცენტს ვაკეთებ სკოლაზე, ერთია ოჯახი და მეორეა სოციუმი, ეს ორი ერთმანეთს ჰარმონიულად უნდა ერწყმოდეს. ის რომ დედაენით გაიზარდა ბავშვი და მაინც ვერ გამოვიდა სანაქებო მამულიშვილი, ესეთები ხდება, მაგრამ მარტო წვრთნა რას უზამს, თუ ბუნებამც არ უშველა"-ო, ეგეც ნათქვქმია. ის ჩემს თაობაში თუ საქართველოს სიყვარული შენარჩუნებულია, დამიჯერე ისევ იაკობ გოგებაშვილის, აკაკის, ილიას, ლადო ასათიანის და ასე შემდეგ დამსახურებაა. მე როცა ქართულ ლიტერატურას მასწავლიდნენ, მარტო შინაარსით არ შემოიფარგლებოდნენ, იქ სიღრმისეული ანალიზი და განხილვა მიდიოდა, თორემ შინაარსის მიხედვით კაცია-ადამიანი ბევრი ვერაფერი შედევრია, არადა რა დიდი მნიშვნელობა და არსი აქვს ყველამ ვიცით.
კარგით, დავუშვათ და მე ვუქმნი ჩემს შვილს სათანადო პირობებს და პატრიოტად ვზრდი ( ცოტა ეჭვი მეპარება ოღნდ, გულწრფელად რომ ვთქვა, მგონია გადავაბარე ეს საკითხი სკოლას) მის გარშემო მყოფი ბავშვებიც, მისი საზოგადოებაც ხომ ესეთი უნდა იყოს?- ამაში განა სკოლას არ მიუძღვის წვლილი? ოჯახში მიღებული, სკოლაში არ უნდა გაიმყაროს?
პ.ს მე იმდენად უკმაყოფილო ვიყავი საჯარო სკოლაში სწავლებით პირადად საკუთარ თავზე რაც გამოვცადე, ( 1 ექსპერიმენტული დავამთავრე, არადა სანაქებო სკოლაა წესით, იყო ყოველ შემთხვევაში), რომ ბევრი არ მიფიქრია, კერძო ბაღში ვიარეთ და ახლა კერძო სკოლაში განვაგრძობთ სწავლა-განათლებას. მხოლოდ იმ მოსაზრებით, რომ ბაღიდან მოყოლებული ბავშვი ეთიკას, რელიგიას, ხელოვნებას დამატებით ცალკე საგნად გადის. მაგრამ ამით კერძო სკოლა მარტო არ უნდა გამოირჩეოდეს, ქართული საზოგადოების 70-80 % საჯარო დაწესებულებებში სწავლობს. მეც ამიტომ ვჩივი, განათლების სამინისტროზე, დროზე მიხედონ მაგ საქმეს.

ხაზს ვუსვავ, აქ არაა საუბარი იმაზე, რომ ბავშვმა უნდა შეიძინოს ის უნარებიც, რომელიც თანამედროვე სამყაროსთან ადაპტაციაში დაეხმარება. აქ საუბარია ბავშვის პიროვნულ აღზრდაზე და ჩამოყალიბებაზე. ინტელექტუალური ადამიანი პიროვნული შეგნების გარეშე, პიროვნების გარეშე, პირადად მე არარად მიმაჩნია. პიროვნებას ქართული გაგებით ქმნის სამშობლოს სიყვარული, მოყვასის სიყვარული, ერთობა + განათლება, ზრდილობა. სწორედ ამ სულიერ საზრდოს არის დღევანდელი სახელმძღვანელო მოკლებული, ჩემი დაკვირვებით, თორემ განათლებას მიიღებს ბავშვი.
წარმოიდგინე სკოლის როლი, როდესაც დღის განმავლობაში 8 საათს სკოლაში ატარებს.

რედაქტორი Nina Jinjolava, 17 May, 2010 - 01:22.