გამოხმაურებათა რაოდენობა: 17

[Tariel Zivzivadze]

გამარჯობათ მეგობრებო,


არ ვიცი რამდენად არის ეს ქართული დემოკრატიის გამარჯვება, მაგრამ ამ არჩევნებს ნამდვილად ვაფასებ როგორც საქართველოს ჩემთვის ცნობილ ისტორიაში ყველაზე დემოკრატიულ არჩევნებს.

რას იტყვით?
თქვენ როგორ შეაფასებთ ჩატარებულ ადგილობრივ არჩევნებს?

[Rati Dzeria]

გეთანხმები ტარიელ, წინსვლა აშკარაა. მიუხედავად საფუძლვიანი / თუ უსაფუძვლო ეჭვებისა, აშკარაა ასეთი არჩევნები ჯერ არ ჩატარებულა. როგორც ჩანს ყველა "გავიზარდეთ", პოზიციაც და ოპოზიციაც.

[Lasha Omanadze]

ყველაზე დიდი არჩევანი, უყაყანობის და უკონფლიქტობის არჩევანი იყო.

[George Chkhikvishvili]

აი როდესაც არჩევნებით ერთი ხელისუფლება წავა და მეორე მოვა მაშინ ვიტყვი დემოკრატიულად ჩატარდა თქო. ეხლა წინასწარ რომ იცი რომ 60% გაქვს, იქ აბა რა დიდი ვაჟკაცობა უნდა?!

[Levan Chkheidze]

ხელისუფლებაც "იზრდება" არჩევნებიდან არჩევნებამდე და გაყალბების ტექნოლოგიებს ხვეწავს, ახლა ამხანაგობების მეშვეობით ცდილობდნენ ძირითადი ხმების მოპოვებას, ადრე კარუსელებისა და ათასგვარი ხრიკების მეშვეობით.. ძალიან დიდი დარღვევა იყო სააკაშვილის საარჩევნო უბანზე გაწეული აგიტაცია.. ასევე სამარცხვინოა რო ექზიტ პოლების შედეგებს აღნიშნავდნენ ნაციონალები, რომელშიაც დაახლოებით 12 000 ადამიანი გამოიკითხა. თუმცა ესევე აღნიშნა 2008 წელს პრეზიდენტობა სააკაშვილმა ეგზიტ პოლის შედეგით, რომელიც იაკობაშვილის, თევზაძისა და მათი ძმების ჩატარებული იყო. მე არ ვენდობი არჩევნების შედეგებს

რედაქტორი Levan Chkheidze, 31 May, 2010 - 11:25.

[Dimitri Chkadua]

არ ვიცი სიტყვა "დემოკრატიული არჩევნები" ვის როგორ გესმით. ფაქტი ერთია, რომ ვიზუალურად ყველაფერი კარგად გაკეთდა, მაგრამ იმ ვიზუალურის უკან რა იდგა მემგონი ყველამ თუ არა, ყველამ-მინუს-რამოდენიმემ ძალიან კარგად იცის. და საერთოდ მემგონი აჯობებს სიტყვა "დემოკრატიას" შევეშვათ, არჩევნები შეიძლება იყოს "სამართლიანი" ან "უსამართლო"

რედაქტორი Dimitri Chkadua, 31 May, 2010 - 11:35.

[Tariel Zivzivadze]

სიმართლე შეფარდებითია დიმიტრი

[Dimitri Chkadua]

როგორ შეფარდებითი?

[George Chkhikvishvili]

Levan Chkheidze, May 31/10, 11:24 -ში, განაცხადა:

ხელისუფლებაც "იზრდება" არჩევნებიდან არჩევნებამდე და გაყალბების ტექნოლოგიებს ხვეწავს, ახლა ამხანაგობების მეშვეობით ცდილობდნენ ძირითადი ხმების მოპოვებას, ადრე კარუსელებისა და ათასგვარი ხრიკების მეშვეობით.. ძალიან დიდი დარღვევა იყო სააკაშვილის საარჩევნო უბანზე გაწეული აგიტაცია.. ასევე სამარცხვინოა რო ექზიტ პოლების შედეგებს აღნიშნავდნენ ნაციონალები, რომელშიაც დაახლოებით 12 000 ადამიანი გამოიკითხა. თუმცა ესევე აღნიშნა 2008 წელს პრეზიდენტობა სააკაშვილმა ეგზიტ პოლის შედეგით, რომელიც იაკობაშვილის, თევზაძისა და მათი ძმების ჩატარებული იყო. მე არ ვენდობი არჩევნების შედეგებს

შედეგები რეალურია, მმართველ პარტიას მხარს უჭერენ ფაქტია... რის გამო ეგ მეორე საკითხია. ძირითადად ალბათ მედიის გამო. ადამიანს რა ინფორმაცისასც აწვდი იმის საუძველზე აკეთებს დასკვნას. ჩემი აზრით საქართველოში ყველაზე დიდი პრობლემა სწორედ ობიექტური ინფორმაციაა.

მაგალითად:
პრეზიდენტი ამბობს: მე-7 ადგილზე ვართ ბიზნესის კეთების სიმარტივის კუთხით.

რეალობაში, კონკურენტუნარიანობის რეიტინგში ვართ 90-ე ადგილზე. (წყარო: http://www.weforum.org/en/initiatives/gcp/...eport/index.htm ) მშპ ერთ სულ მოსახლეზე არის ამიერკავკასიაში ყველაზე დაბალი. 20-30% ჩამოვრჩებით სომხებს, 2-ჯერ თუ 3-ჯერ აზერბაიჯანელებს. ხოლო მეშვიდე ადგილზე ვართ მეორეხარისხოვან პარამეტრში, როგორიც არის, სიტყვაზე, რაიმე ნებართვის აღების სიჩქარე.

რაც შეეხება არჩევნების შედეგებს. მე პირიქით, ეჭვი მაქვს რომ უგულავას დააკლეს, რომ უფრო დემოკრატიული გამოჩენილიყო დასავლეთის თვალში. survey.ge-ზე დაფიქსირდა 63%. ეს არის ჩემი ხელით გაკეთებული საიტი. ვისაც სურს შეუძლია ჩამოტვირთოს ხმის მიცემის ლოგები და გაანალიზოს აი-პი მისამართებით. მასეთი ხმის მიცემის გაყალბება რობოტებით შეიძლება მარა ასე ოპერატიულად თითქმის წარმოუდგენელია.

[Dimitri Chkadua]

George Chkhikvishvili, May 31/10, 14:19 -ში, განაცხადა:

შედეგები რეალურია, მმართველ პარტიას მხარს უჭერენ ფაქტია... რის გამო ეგ მეორე საკითხია. ძირითადად ალბათ მედიის გამო. ადამიანს რა ინფორმაცისასც აწვდი იმის საუძველზე აკეთებს დასკვნას. ჩემი აზრით საქართველოში ყველაზე დიდი პრობლემა სწორედ ობიექტური ინფორმაციაა.

ასი პროცენტით გეთანხმები გიორგი. თუმცა ისედაც ამ ოპოზიციური პარტიების შემხედვარე არ არის გასაკვირი რომ უგულავამ ამხელა უპირატესობით აჯობა. ჩემთვის რომ ეკითხათ "ჰა ხელი დაადე და ვისაც გინდა მერად ავირჩევთო" ალბათ არც არავის არ ავირჩევდი, ნუ შეიძლება თოფაძეზე კიდევ მეფიქრა, მაგრამ რეალურად არცერთი საქმის გამკეთებელი არ არის და ამ შემთხვევაში მოგვიწევდა მსჯელობა, თუ რომელი უფრო ნაკლებს გააფუჭებდა, და მემგონი აქ უგულავამ აჯობა ყველას.

ისე, მართალია, შეიძლება დარღვევები არც იყო არჩევნების პროცესისას, მიდის კაცი, შედის სააეღევნო უბანზე, შემგედ ხაზავს ჩვეულებრივად ნომერს და დახურული კონვერტით ათავსებს საარჩევნო ყუთში, აქ ყველაფერი წესრიგშია და რა უნდა ეთქვათ უცხოელ დამკვირვებლებს, ყველაფერი წესრიგშიაო და ვსიოო. თუმცა საარჩევნო უბანზე მისვლამდე რა ზეწოლა ხდებოდა ამა თუ იმ ამომრჩეველზე ეს არავის გამოუძიებია და აქ არის ძაღლის თავი დამალული. ამას უკვე დემოკრატიული არჩევნები აღარ ჰქვია. ასე თუ ისე, ეს რომც არ მომხდარიყო, უგულავა მაინც გაიმარჯვებდა. უბრალოდ ეს თავის დაზღვევის მიზნით მოხდა, ეს ჩემი აზრია.

[Eka Kakhuashvili]

შედეგი გვაქვს უზარმააააზააარი....

[Dimitri Chkadua]

"ბრძოლია დღეეესვე" დაგავიწყდათ

[Lela Ninoshvili]

მე ამ არჩევნებს დადებითად შევაფასებდი. აქტივობაც საკმაოდ მაღალი მოსახლეობის და ნამდვილად დარწმუნებული ვარ, რომ დემოკრატულად ჩატარდა.
აგერ გესაუბრებით ერთ-ერთი წევრი კომისიისა და შემსწრე არჩევნების დემოკრატულად ჩატარებისა.

რედაქტორი Lela Ninoshvili, 01 June, 2010 - 12:03.

[Dimitri Chkadua]

იქნებ განგვიმარტოთ, ვინც ამ საქმეში ჩახედული ბრძანდებით, რა შემთხვევაშია არჩევნები დემოკრატიული და რას ნიშნავს დემოკრატიული არჩევნები.

ზოგადი პასუხებისგან და მაგალითებისგან ყველას გთხოვთ თავი შეიკავოთ (ამ კონკრეტულ შეკითხვაზე), დანარჩენი თქვენი საქმეა

[Nina Jinjolava]

მოგესალმებით, თბილისში როგორ ჩატარდა პირადად არ ვიცი, მაგრამ რეგიონებში, რომ კატასტრპფა იყო, ეგ მითხრეს, კერძოდ ფოთსა და გორში.
რაც შეეხება დემოკრატიას, პირადად მე მიმაჩნია,რომ დემოკრატიულობა მარტო უშუალოდ არჩევნების გაყალბებით არ გამოიხატება, მანამდე რამდნად დაბალანსებულია საეთერო სივრცე, როგორი მოწოდებები ისმის ტელევიზიიდან, ეგ ძალიან დიდ მნიშვნელობას ატარებს. ყველამ ვიცით, რომ იმედი და რუსთავი ხელისუფლებას აშკარად მხარს უჭერდა და ცდილობდა მათი უპირატესობა ხაზგასმით გამოეკვეთა, ოპოზიციის კი პირიქით, ეს მარტო ჩემი დასკვნა არ არის, ამერიკელმა ექსპერტებმაც იგივე დასკვნა დადეს. თუ ვიპოვე ის სტატია ლინკს დავდებ.

[Zviad Tsagareishvili]

დემოკრატიულობის რა გითხრათ, მაგრამ ეს იყო ყველაზე უფრო მშვიდად, ცემა-ტყეპისა და დაძაბულობის გარეშე ჩატარებული არჩევნები. ამის მიზეზი არის ის რომ:
1) ეს იყო მაინც ადგილობრივი თვითმართველობის და მერის არჩევნები და არა საპრეზიდენტო ან საპარლამენტო;
2) წარმატების იმედი არ ქონდა ოპოზიციას და ამიტომ „თავს არ იკლავდნენ“ ;
3) ხელისუფლებამ აქცენტი არ გააკეთა ძალაზე და გააკეთა ფინანსებზე. ანუ მან გადაწყვიტა არა პირდაპირი იძულების გზით მოეგო არჩევნები, არამედ დიდი ფული დაეხარჯა და „ეყიდა ამომრჩეველი“.
პრინციპში ეს „გონივრული“ გადაწყვეტილება იყო, რადგან წარსულმა გამოცდილებამ აჩვენა, რომ საქართველოში ამომრჩეველი კარგად (ადვილად) იყიდება, ხოლო ძალადობას უკურეაქცია მოსდევს. ხელისუფლებას კი არჩევნებზე დახარჯული ფინანსები ადვილად შეუძლია ამოიღოს ისევ ხალხის ჯიბიდან.

ეს პროცესი პროგრესად მოჩანს ერთი შეხედვით, მაგრამ გრძელვადიან პერსპექტივაში ეს საკმაოდ ცუდ შედეგებს გამოიღებს. საქართველოში მოსახლეობა ისედაც არ გამოირჩევა მაღალი მოქალაქეობრივი თვითშეგნებით და პასუხისმგებლობით და ასეთი მეთოდებით როგორსაც ხელისუფლება იყენებს ჩვენ მივიღებთ მასას, რომელსაც დიდი გუბაზის სიტყვებით რომ ვთქვათ: „თივას დაუყრი და მოძოვს“. პირუტყვად და ნახირად ქცეულ საზოგადოებას კი ჯერ არსად აუშენებია სახელმწიფო.

რავიცი, ჩემი აზრით ზნეობრივ და მორალური ფასეულობის მოკვლა, ქვეყანაზე და საერთო საქმეზე პასუხისმგებლობის გრძნობის მოკვლა საზოგადობაში და ფინანსური რესურსების გაფეთიშება და რელიგიის დონემდე აყვანა კარგს არაფერს მოუტანს ამ ქვეყანას...

[Lela Ninoshvili]

დემოკრატიული ნიშნავს იმას, რომ არავინ არა ხდენდა ამომრჩეველზე გავლენას და დაშინებას. ამომრჩეველი მოდიოდა უბანზე იღებდა ბიულეტენს და აძლევდა ხმას სასურველ კანდიდატს.
როდესაც კაბინაში შედიხარ და ხმას აძლევ ვერავინ ვერ ხედავს ვერც მაშინ და ვერც მერე ვის მიეცი ხმა.

[George Chkhikvishvili]

დემოკრატიული ნიშნავს რომ: ორივე მხარეს აქვს თანაბარი პირობები, როგორც მედიასთან წვდომაში ისე ფინანსური თვალსაზრისით. არჩევნების დღე მხოლოდ და მხოლოდ არის ბოლო აკორდი.