დამფუძნებლის მიმართვა
0
თემა დახურულია!
მოგესალმებით ყველას, კეთილი იყოს ჩემი მაუსი თქვენს კონფერენციაზე
სანამ უშუალოდ ბიზნეს გეგმაზე გადავიდოდე შესავალს გავაკეთებ ჩემი პროექტის შესახებ.
17 იანვარს ქსელში გავუშვი პროექტი ( http://europeansforum.com ), რომელიც მთელს ევროპელ ინტერნეტ მომხმარებელზეა გათვლილი. ჯერ-ჯერობით პროექტი საცდელ ფაზაშია, ამჟამად მიმდინარეობს სტრუქტურის ფორმირება და ჩამოყალიბება, ასევე სხვადასხვა წვრილმანი სამუშაოები, ხოლო ძირითადი ნაწილი, მოდიფიცირებისა და დიზაინის ჩათვლით დასრულებულია.
სტრუქტურის დასრულებულ სახეს რაც შეეხება იქნება შემდეგნაირი: თითოეულ ევროპულ ქვეყანას ექნება საკუთარი განყოფილება თავისი ქვეგანყოფილებებით, სადაც შევა ამა თუ იმ ქვეყნის ყველა ქალაქი.
მოგეხსენებათ თანამედროვე ინფორმაციული ტექნოლოგიების სწრაფი განვითარების ეპოქაში სულ უფრო და უფრო იზრდება ინტერნეტ მომხმარებელთა რაოდენობა. დღესდღეობით უამრავი პოპულარული ვებ-გვერდია, რომელსაც ყოველდღიურად მილიონობით მომხმარებელი სტუმრობს. რეიტინგული ვებ-გვერდები ჯგუფდება, როგორც: სოციალურ ქსელებად, ფორუმებად, ბლოგებად და ა.შ. ფორუმს ერთ-ერთი მნიშვნელოვანი ადგილი უკავია პოპულარულ საიტებს შორის, მსოფლიოს მასშტაბით არის რამდენიმე რეიტინგული ფორუმი, რომლებსაც დღეში ათეულობით მილიონი მომხმარებელი სტუმრობს.
ბევრისთვის ფორუმი მხოლოდ გასართობს წარმოადგენს, მაგრამ სინამდვილეში იგი ხომ ადამიანს გონებრივი შესაძლებლობების განვითარებასა და წარმოჩინებაში უწყობს ხელს.
- ფორუმი ადამიანის ინტელექტის ამაღლების საწინდარია;
- ფორუმი ადამიანში ცოდნის ათვისებასა და გაღრმავებას უწყობს ხელს;
- ფორუმი ადამიანის გონებრივი შესაძლებლობების განვითარების საწინდარია;
- ფორუმი გვეხმარება კითხვებზე პასუხის გაცემაში;
- ფორუმი გვეხმარება უკეთ წარმოვაჩინოთ საკუთარი თავი საზოგადოებაში;
- ფორუმი გვეხმარება გავცვალოთ ჩვენი ქვეყნის კულტურული ღირსშესანიშნაობები სხვადასხვა ქვეყნებს შორის;
- ფორუმი გვეხმარება შევიძინოთ უამრავი მეგობარი სხვადასხვა ქვეყნებიდან;
- ფორუმი ვირტუალური ცხოვრების განუყოფელი ნაწილია;
English (Default Language)
Русский
ქართული
Türk
Español
Български
Сръбски
Босненски
Danish
Portuguese
Polska
Română
Française
Duitse
უახლოეს მომავალში ვგეგმათ სხვა ენების დამატებასაც, რათქმაუნდა ეს ყველაფერი ფინანსებთანაა დაკავშირებული.
ჩვენი მთავარი მიზანი
ჩვენი მთავარი მიზანია ხელი შევუწყოთ ყველა ევროპული ქვეყნის ევროკავშირში გაწევრიანებას, რომელიც მომავალში თავიდან აგვარიდებს ევროპულ ქვეყნებს შორის დაძაბულობას და კონფლიქტს. ჩვენი მიზანია ხელი შევუწყოთ მშვიდობიანი მომავლის შექმნას. ჩვენ ვცდილოთ რომ ხალხს დავანახოთ ომის შედეგი, რათა თავიდან ავიცილოთ პრობლემები და შეცდომები. ჩვენც ვცდილობთ შევქმნათ მაქსიმალურად კომფორტული და მშვიდობიანი გარემო ფორუმზე, რომელიც უკეთესად დაანახებს ვიზიტორებს ჩვენი მიზნის შესახებ. ჩვენ ვაცნობიერებთ რომ ვემსახურებით ძალიან რთულ მისიას, უამრავი დაბრკოლება იქნება მომავალში, უამრავი ადამიანი შეეცდება ჩვენს შეჩერებას, მაგრამ ჩვენ ბოლომდე ვიბრძოლებთ ნათელი მომავლისთვის.
კარგი იქნება თუ თქვენც დადგებით ჩვენს გვერდით და დაგვეხმარებით დიდი მიზნის შესრულებაში. თითოეული თქვენგანის დახმარება წინ და წინ წაწევს ჩვენს მიზანს. ჩვენ მივმართავთ ყველა იმ ევროპული ქვეყნის მოქალაქეებს, რომელთა ქვეყნებიც ევროკავშირის გარეთ იმყოფებიან, გთხოვთ დარეგისტრირდით და დააფიქსირეთ თქვენი აზრი ევროკავშირში გაწევრიანებასთან დაკავშირებით.
ჩვენი სამოქმედო გეგმა
სამოქმედო გეგმის მთავარი ამოცანა არის ევროპელი საზოგადოების ინფორმირება ჩვენი მიზნის შესახებ. საზოგადოებამ უნდა იცოდეს თუ რაოდენ მნიშვნელოვანია მათი ქვეყნების გაწევრიანება ევროკავშირში. შედეგი მიიღწევა თუ ჩვენ ერთად ვიმოქმედებთ, თუ ჩვენ ყველანი დავაფიქსირებთ ევროკავშირში შესვლის სურვილს. ევროკავშირის წარმომადგენლობა დაინახავს რომ ევროპელი საზოგადოება ფსიქოლოგიურად მზადაა კავშირში გაწევრიანებისთვის რაც რეალურ შანსებს მოგვცემს. თუმცა მიზანი ერთ დღეში არ მიიღწევა, მაგრამ ჩვენ უნდა გვჯეროდეს რომ დადგება დღე როდესაც ჩვენი მიზანი სისრულეში მოვა, რომელიც ამჟამად მშვიდობის ფრთაშესხმული ოცნებაა. ზოგიერთ თქვენთაგანს შეიძლება გაუჩნდეს კითხვა, კი მაგრამ ჩვენ ხომ გვაქვს მშიდობა? ევროპული ქვეყნების უმეტესობას აქვს მშვიდობა, მაგრამ არ უნდა ვიყოთ ეგოისტები, ჩვენს ქვეყანაში შეიძლება მშვიდობა იყოს, მაგრამ სხვა ევროპული ქვეყანა იყოს ოკუპაციის, ტერორის და აგრესიის მსხვერპლი. ჩვენ არ უნდა დაგვავიწყდეს რომ ყველაფერი ამ ცხოვრებაში არის წარმოსახვითი და რომ შეიძლება ერთ დღესაც მშვიდობა ომმა შეცვალოს.
მნიშვნელოვანია ამ დიად მიზანს ვემსახუროთ ხალისით და ჩვენ აუცილებლად მივაღწევთ შედეგს, ნათქვამია „არ არსებობს მოხალისის სულზე დიდი ძალა“. თუ არ იქნება მშვიდობა მაშინ არ იქნება ჰარმონია.
სხვადასხვა ქვეყნების მთავრობების წარმომადგენლობებში არიან როგორ კეთილი ასევე ბოროტი ადამიანები. ბოროტი ადამიანები თესავენ სიბოროტეს, ახშობენ ადამიანის თვითშეგნებას და კლავენ პატრიოტიზმს. ისინი საკუთარ ერს მოუწოდებენ რასიზმისკენ. ჩვენ ვგმობთ მათ ქმედებებს, რომელთა საქციელიც ეწინააღმდეგება საზოგადოების ინტერესებს. ჩვენ უნდა დავამარცხოთ ძალადობა, ნათქვამია „სამართლიანობა ძალის გარეშე სიცარიელეა ხოლო ძალა სამართლიანობის გარეშე კი ძალადობა, იყავი ძლიერი რათა დაიცვა როგორც საკუთარი თავი ასევე სხვები“. ჩვენ შეგვწევს ძალა დავიცვათ როგორც საკუთარი თავი ასევე სხვები, მაგრამ მთავარია თანადგომა.
ჩვენ უნდა დავაკავშიროთ თითოეული ევროპული ქვეყანა ერთმანეთს, ხოლო მომავალში კი მთელი მსოფლიო.
შემოსავლის წყარო
იდეაში ფორუმს რეკლამის სახით აქვს შემოსავლის პოტენციური სახე, რათქმაუნდა ეს უკანასკნელი დამოკიდებულია მის პოპულარობაზე. ყოველდღიურად რაც უფრო მეტი მომხმარებელი სტუმრობს ფორუმს და რაც უფრო მეტი გამოხმაურება იწერება, მით უფრო წინ მიიწევს მისი რეიტინგი.
დაინტერესება მეწარმეების მხრიდან - დღეისათვის უამრავი მეწარმეა, თუნდაც ღვინის მწარმოებელი, რომლებსაც პროდუქციის ექსპორტი ძალზედ ძვირი უჯდებათ, თუ ასეთ მეწარმეებს ჩვენს ფორუმზე მათი პროდუქციის რეკლამირებას შევთავაზებთ მისაღებ ფასებში, ლოგიკურია მათთვის ეს ძალზედ ხელსაყრელი იქნება, ვინაიდან და რადგანაც ამ რეკლამას ყოველდღიურად ევროპის სხვადასხვა კუთხიდან უამრავი ადამიანი ნახავს.
დაინტერესება ტურიზმისა და რეკრეაციის სფეროდან - დღესდღეობით საქართველოს მასშტაბით ტურისტული და რეკრეაციული ზონების გაცხოველებული მოწყობა მიმდინარეობს, რაც ქვეყნის ეკონომიკის მზარდი განვითარების საწინდარია. ჩვენს ფორუმზე თითოეული ტურისტული და რეკრეაციული ზონის რეკლამირება გაზრდის ქვეყანაში ტურისტების შემოსვლას, რაც საერთო ჯამში ამ სფეროს პოპულარიზაციას შეუწყობს ხელს.
საქართველოში უამრავი კულტურული მემკვიდრეობის ძეგლია, რომელთა არსებობაც უამრავმა ადამიანმა არ იცის, მაგრამ თუ ჩვენ მათ ინფორმაციას მივაწვდით ლოგიკურია გაიზრდება კულტურული ძეგლების მნახველთა რაოდენობა, რაც თავისთავად გაზრდის ქვეყნის ბიუჯეტს.
დაინტერესება ასევე წამოვა იმ კერძო პირებისგანაც, რომლებსაც მაღალმთიან საკურორტო ზონებში მოწყობილი აქვთ პატარა დასასვენებელი სასტუმროები და ეწევიან ტურისტულ ინფრასტრუქტურას.
რაღათქმაუნდა დაინტერესება იქნება ბიზნესის ყველა სფეროდან, როგორც საქართველოს მასშტაბით, ასევე მთელი ევროპის მხრიდან.
თქვენც კარგად ხვდებით რომ პირველ რიგში ეს პროექტი საშვილიშვილო საქმეს ემსახურება, მეორეს მხრივ ისეთივე ბიზნეს გეგმაა როგორც სხვა დანარჩენი. მოგეხსენებათ დღეს ტყუილუბრალოდ არავინ არაფერს არ აკეთებს და რომც გააკეთო გარკვეული ფინანსები გჭირდება, ხოლო თუ საკუთარი სახსრები არ გაგაჩნია მაშინ სპონსორი უნდა მოძებნო, რომელიც რასაკვირველია წილში ჩაგიჯდება და თავის დოლიას მოგთხოვს, მოკლედ ამ მხრივ ყველაფერი მარტივადაა.
მეგობრებო თქვენი დახმარება მჭირდება, თუნდაც რჩევის სახით, როგორ ფიქრობთ რა ტიპის ბიზნესმენს დააინტერესებს მსგავსი პროექტი? ძალიან გთხოვთ დამაკვალიანეთ, მართალია მე ჩემი გეგმები მაქვს მაგრამ თქვენი აზრიც მაინტერესებს.
ბოლოს კი დავამატებ რომ გვჭირდება ისეთი ხალხი ვინც იცის ინგლისური ენა, ერკვევა მოდერატორის ოპციებში, აქვს საერთაშორისო ურთიერთობებსა და პოლიტოლოგიაში გამოცდილება (თუნდაც სტუდენტი) და რაც მთავარია აქვს თავისუფალი დრო რომელსაც უსასყიდლოდ დაუთმობს ჩვენს საერთო მიზანს, საწყის ეტაპზე ვერ შევძლებთ ხელფასი გადავუხადოთ, მაგრამ გარწმუნებთ ეს მხოლოდ დროებითია, როგორც კი სპონსორს ვიშოვით, ყველას ვისაც რაიმე წვლილი ექნება შეტანილი ფორუმის განვითარებაში მიიღებს გასამრჯელოს და გახდება ჩვენი ჯგუფის წევრი.
P.s. ბატონო ტარიელ მე ჯერ ახალი ვარ თქვენს ფორუმზე და შესაბამისად არ ვიცნობ თქვენი ფორუმის წესებს კარგად ასე რომ ჩემი დიდი თხოვნა იქნება არ ჩათვალოთ ეს თემა რეკლამად,
პატივისცემით, დავით საძაგლიშვილი.
რედაქტორი David Sadzaglishvili, 28 February, 2011 - 19:30.
პიქტოგრამას დააწკაპუნოთ. ამით შეფასდება როგორც კონკრეტული გამოხმაურება, ასევე +1 ქულით გაიზრდება წევრის საერთო რეპუტაცია. Conference.ge-ზე წევრის რეპუტაცია მნიშვნელოვანია!
ზოგადად მთლიანი ინტერნეტ ბაზარი იცვლება, ამას ჩემი "გუანით" არ ვამბობ იკჲთხეთ თანამედროვე ბიზნეს გამოცემები და ნახავთ, ფაქტიურათ უპირისპირდებით ფეისბუქს და გუგლს, ვინაიდან "გადარჩენითვის" გჭირდებათ,ფული ფულს კი რეკლამაში ხედავთ, რომელიც მომგებიანი გლობალური კომპანიებისთვის იქნება, ანუ იგივე ბაზარზე გადიხართ სადაც გიგანტები არიან, არ ვიცი ამ პროექტის გაქაჩვა თუ გსურთ მაინც პატარა ნაწილით სჯობს დაწყება ალბათ, მაგალითად მხოლოდ სამართალი ან მხოლოდ რაღაც ერთი კუთხე და თანდათან გაფართოება.
