გამოხმაურებათა რაოდენობა: 9

[geobugler]

მოკლედ ჩაიდანი ვარ ამ სფეროში მაგრამ რატომღაც ძალიან დიდი იმედით და სურვილით ვარ განწყობლი, რომ გავაკეთო კერძების (ძირითადად საფურშეტე) მიტანის სერვისი..

მიტანაზე აქცენტი არ მაქვს.. შეიძლება უფასოდაც მივუტანო..
უბრალოდ საფირმო და ორიგინალური პროდუქცია მექნება აუცილებლად..

მაინტერესებს გამოცდილი ხალხისგან რჩევები თუ რა უნდა გავითვალისწინო.. რისკები მაინტერესებს ძირითადად და ხელის შემშლელი ფაქტორები, რომ გავითვალისწინო და მაქსიმალურად ვიყო მზად..

მიტანის სერვისი პრობლემა არ არის..
თბილისში 5-7 ლარამდე იქნება (შეკვეთის ღირებულებიდან გამომდინარე შეიძლება უფასოდ მივუტანოთ)
ეს მზად მაქვს - 2 მანქანა ამ ეტაპზე.

კერძები ძირითადად საფურშეტე - სენდვიჩები, ნამცხვრები, "ზაკუსკები"
ყველაფერი ორიგინალური და განსხვავებული და თან მენიუებად დაყოფილი..

ანუ მენიუები მექნება სხვადასხვა ფასიანი და სხვადასხვა შემადგენლობის..

რეკლამა, პრომო აქციები, ხალხისთვის ჩემი სერვისის გაცნობაც არანაირი პრობლემა ჩემთვის არ არის..

უბრალოდ მაქსიმალურად დეტალურად მაინტერესებს შესაძლო რისკები, ხელის შემშლელი გარემოებები და სპეციფიური დეტალები, რამაც შეიძლება დამამუხრუჭოს..

ძირითადად საშუალო ფასის დაბადების დღის მენიუები იქნება (ორიგინალურად მომზადებულ-გაფორმებული)


მენეჯერი და პრომოუთერი უფრო ვარ ვიდრე ბიზნესმენი და გამოცდილებაც საკუთარ ბიზნესში 0 მაქვს..

1. კერძები (კანაპე, ნამცხვრები, ბუტერბროდები, სენდვიჩები და ასე შემდეგ) ისეთი იქნება, რომ ვინც მსგავს სერვისს იყენებს, განსაზღვრული კატეგორია აუცილებლად ჩემს შეთავაზებულს აირჩევს.
2. რეკლამა და მაქსიმალურად დიდი აუდიტორიის თვალ/ყურამდე მიტანა პრობლემა არ არის როგორც ზემოთ დავწერე..
3. მიტანითაც მივიტანთ

უბრალოდ გული მიგრძნობს, რომ ბევრი, ჯერ ჩემთვის ფარული შეფერხება მექნება და გამოცდილი ხალხისგან გაფრთხილებას ველი

მაინტერესებს ყველაფერი საერთოდ...
რა უნდა გავითვალისწინო? რას ვუფრთხილდე? რამხელა დანამატზე ვიმუშავო?
და საერთოდ ღირს თუ არა ამ საქმის წამოყწება?

წინასწარ დიდი მადლობა პროფესიონალური და გულიანი რჩევებისათვის

[Tariel Zivzivadze]

3 კონკურენტი შეარჩიე და მათი საქმიანობა შეისწავლე

[geobugler]

Tariel Zivzivadze, 17 April, 2012 - 11:48 -ში, განაცხადა:

3 კონკურენტი შეარჩიე და მათი საქმიანობა შეისწავლე

გამარჯობა ტარიელ.. მაგას როგორც შემიძლია ვაკეთებ მაგრამ..
იმ სეგმენტში, რომელზეც მე ვაკეთებ გათვლებს და ისეთი კერძებით - კონკურენტი არ მყავს. ნუ ქართული კომპანია ვერ მოვიძიე მსგავსი..

[Tariel Zivzivadze]

შეუძლებელია კონკურენტი არ გყავდეს
იქნებ ”წრე გააფართოვო”?

[geobugler]

კონკურენტები ამ სეგმენტში არ მყავს..
ანუ საბავშვო მენიუებს თან ისეთს როგორსაც ჩვენ მოვამზადებთ არ არის... ძალიან დიდხანს ვეძებეთ

გაფართოვება კარგი იქნებოდა და ვიცი რომ ბიზნესისთვის ვიწრო სეგმენტი უფრო წამგებიანი იქნება.. უბრალოდ ამ ნიშაში გვაქვს რეკლამის დიდი რესურსი...

[kakha90]

მოგესალმებით ყველას,
ავტორს მინდა წარმატებები ვუსურვო საქმეში.

შეგიძლია წარმომიდგინო როგორც პოტენციური მომხმარებელი შენი სერვისის.
ამ კუთხიდან გამომდინარე რამდენიმე კითხვა გამიჩნდა.

1. ისეთი სტილის სერვისი როგორიც შენ გაქვს ძალიან სასიამოვნოა, თუმცა აღსანიშნავია, რომ იგივე მომსახურებას სხვებიც მთავაზობენ (მაგალითად მაკდონალდსის ქსელი). შეიძლება მათი შემოთავაზება უფრო მიმზიდველი მომეჩვენოს. შენ უნდა ეცადო დამაინტერესო. შეგიძლია დამარწმუნო რატომ ავირჩიო შენი მომსახურება?

2. როგორც აღნიშნე შენი მენიუ საკმაოდ მრავალფეროვანი იქნება. თუ შეგიძლია გამიმხილე კონკრეტულად რას მთავაზობ და აქვე, თუ ფირმის ინტერესები არ დაირღვევა, გამაცანი კერძების დამზადების პირობები. შეიძლება ის რესტორნიდან მოგაქვს, ან სახლში აკეთებ, ან მაღაზიაში ყიდულობ. მინდა ზუსტად ვიცოდე რას მივირთმევ.

3. რეკლამაზე და პრომო აქციებზე მხოლოდ ერთი წინადადებით ნუ შემოიფარგლები. მე ჯერ არ ვიცი შენი ფირმის არსებობის შესახებ. ვზივარ სახლში და მინდა პიცა. შენი ფირმის ნომერი რომ ვიცოდე დაგირეკავდი, მაგრამ არ ვიცი და ვურეკავ სხვა ფირმას, რომლის კურიერსაც 30 წუთში მოაქვს პიცა. მადლობელი ვიქნები თუ გავიგებ როგორ აპირებ გახდე პოპულარული. ანუ გაგიცნოს ხალხმა. მგონი კარგი იქნება შენი უბნის კორპუსებიდან დაიწყო და სადარბაზოებში ბუკლეტები გამოაკრა, როგორც წესი, ლიფტთან ლოდინის დროს ხალხს კითხვის სურვილი უჩნდება. სასურველია დამანახო გზები, თუ როგორ აპირებ გამაგებინო შენი სერვისის არსებობის შესახებ.

4. და ბოლოს, ადგილზე მიტანის სერვისი ხალხს მოსწონს, ისინი ზოგავენ დროს და ენერგიას. ეს მნიშვნელოვანია. საბედნიეროდ ჩვენს ქალაქში დღეს არ ჭირს ამ სერვისით სარგებლობა (არის კაფეები, რესტორნები, მაღაზიები, რომლებიც ამ მომსახურებას გვთავაზობენ). ალბათ იცი უნივერსალური წესი, კმაყოფილი ადამიანი 2 მეგობარს უყვება, უკმაყოფილო კი 10 მეგობარს. ეს ნიშნავს, რომ შენი მომსახურებით უკმაყოფილო კლიენტი 10 სხვა კლიენტს დაგაკარგვინებს, ხოლო კმაყოფილი 2 ახალ კლიენტს შეგმატებს. ამიტომ მინდა შემაჯამებელი სიტყვით ამიხსნა, როგორ ფიქრობ, შენი მომსახურებით კმაყოფილი დავრჩები?



მადლობა ყურადღებისთვის

[geobugler]

გამარჯობა კახა..

ბოდიში პასუხის დაგვიანებისათვის.. აქტიურობა მოიკოლებს ამ ფორუმზე ჩემდა სამწუხაროდ და აღარ ვიხედებოდი..
არადა ძალიან საინტერესო ფორუმია და სურვილი მაქვს მეტი მონაწილე და აქტიურობა ვიხილო აქ : )


ჩემი სერვისი გათვლილი იქნება მხოლოდ ბავშვებზე და მენიუეში შემავალი ყველა კერძი იქნება ისეთი ფორმის და ისე გაფორმებული, როგორსაც დღეს ნამდვილად არავინ აკეთებს საქართველოში. არც მაკს-ს და არც სხვა კაფეს ან რესტორანს ისეთი მხიარული და მიმზიდველი სნექები არ აქვთ ჯერ, რომ უშუალოდ პატარები დააინტერესონ. მე გათვლას ვაკეთებ ბავშვებზე და მთლიანი მენიუების შეკვეთაზე... ანუ თუ გაქვს სიტყვაზე ბავშვის დაბადების დღე და არ გაქვს დრო ან ნერვები, რომ სუფრა გაუმზადო... თან 99%-ს არ აქვს სახლში იმის პირობები რომ მაგალითად მიკი მაუსის ფორმის ორცხობილები, ვარსკვლავის ფორმის ხაჭაპურები, დათუნია სენდვიჩები და ასეთი სახალისო სნექები დაამზადოს. ვფიქრობ ბავშვებს ასეთი გაფორმებული საჭმელი უფრო მოსწონთ და მიირთმევენ ვიდრე სტანდარტულ ლობიანს ან ხაჭაპურს. მენიუებს, რომლებიც უფრო ფურშეტის სტილში იქნება, ფასებად და კატეგორიებად დავყოფთ და რა თქმა უნდა შესაძლებლობასაც დავტოვებთ, რომ რაღაც ცვლილებების შეტანა შეეძლოს კლიენტს რომელიმე მენიუში.

კერძები დამზადდება სახლის პირობებში მოწყობილ სამზარეულოში, რომლის სისუფთავეზეც რაღა თქმა უნდა ვიზრუნებთ და სახალხოდაც ყველას მივცემთ საშუალებას, რომ იხილონ როგორც სამზარეულო ასევე მზარეულებიც : )
მაღაზიაში რასაც ვიყიდით ეს იქნება სიტყვაზე ლიმონათი და ასეთი პროდუქცია, რომელსაც შეგვიკვეთავენ მენიუსთან ერთად და ამაში დამატებით საფასურს არ ავიღებთ..
ანუ თუ არ გაქვს დრო შესაბამისად გსურს მაქსიმალურად ბოლომდე მოგემსახურონ და როდესაც მენიუს უკვეთავ არ გინდა, რომ ლიმონათზე ცალკე ირბინო შენით მაღაზიებში : ) და ჩვენ თავის (მაღაზიის) ფასში მოვიტანთ და მხოლოდ ჩვენს მიერ დამზადებულ კერძებზე ავიღებთ ფულს...

რეკლამას რაც შეეხება - ბაღებთან, სკოლებთან და მშობლების ტავმოყრის ადგილებში დარიგდება ბუკლეტები მაგრამ ძირითადი გათვლა მაინც ინტერნეტ მომხმარებლებზე გვაქვს და ამ მიმართულებით საკმაოდ ძლიერები ვართ არც საიტი იქნება პრობლემა, არც საიტებზე რეკლამირება და რაც მთავარია facebook-ზე ყველას და ყველაფერს მოვედებით და მაქსიმალურად დიდ აუდიტორიას გავაცნობთ ჩვენს სერვისს..
სხვა კომპანიები მე მიკვეთავენ და ძირიტადი ჩემი საქმიანობაც თამაშების, აპლიკაციების, ბანერების facebook გვერდების შექმნა და პოპულარიზაციაა და საკმაოდ ძვირი სიამოვნებაც ბევრი დამწყები კომპანიისთვის და ჩემთვის ეს არავითარი სირთულე არაა და ფინანსებსაც მინიმალურს მოითხოვს..
ანუ იმაზე არც ვფიქრობ თუ როგორ გავაცნობ ჩემი შეთავაზება პოტენციურ მომხმარებელს. ეს გარანტირებულად და მაქსიმალურად ეფექტურად მექნება : )

ასევე პრეზენტაციასაც ვგეგმავთ თუ დავიწყეთ ეს საქმე ზოოპარკში ან ეთნოგრაფიულში ჯამბაზებით და სხვადასხვა თოჯინების მონაწილეობით, სადაც უფასო ან მინიმუალური ღირებულების (ყველა რომ არ მოაწყდეს ) დეგუსტაციაზე დავპატიჟებთ ბავშვებს : )

მიტანის სერვისს რაც შეეხება - უამისოდ წარმოუდგენელია და მხოლოდ მიტანით გვექნება და არის ჩვენი ერთერთი პარტნიორი კომპანია, რომელიც უკვე მუშაობს კურიერულ სფეროში და შეთანხმებულებიც ვართ.. სკუტერებიც ყავთ და მსუბუქი ავტომობილებიც და უკვე ეფექტურად მუშაობენ..
ანუ არც ამ მხრივ გვექნება რაიმე პრობლემა.
ამ ეტაპზე მიტანის ფასები ასეთია: ცენტრ. უბნები 5 ლარი; გარეუბნები 7დან 10 ლარამდე. რაც მიემატება მენიუს ფასს.


ერთადერთი რაც მაწუხებს და მაფიქრებს არის ის, რომ გამოიყენებენ თუ არა ქართველი მშობლები მსგავს სერვისს და იქნება თუ არა რენტაბელური ეს საქმიანობა..
ასევე გამოცდილი ხალხისგან გვაინტერესებს ისეთი ფეხის წამოსაკრავი მომენტები, რასაც ახლა ვერ ვხედავთ და შეიძლება წავაწყდეთ მუშაობის პერიოდში. წინასწარ რომ გავითვალისწინოთ

ზოგი 30%-ს დანამატის გაკეთებას გვირჩევს ზოგი 100%-ის ზოგიც 150%-ის

ფინანსებში ცოტა გვიჭირს ამ ეტაპზე და თუ დავიწყეთ ეს საქმე და სამზარეულო ავაწყეთ და ცამოვყალიბდით და შემდეგ არ გაამართლებს დავრჩებით ნოლზე : )

ამიომ ძალიან ვფრთხილობთ და ვცდილობთ მაქსიმალურად ევრ გამოცდილ ადამიანს დავეკითხოთ აზრი : )

[kakha90]

საღამო მშვიდობის,
ძალიან სასიამოვნოა თქვენი მონდომება და შემართება საქმისადმი რაც იგრძნობა.
მინდა რამდენიმე რჩევა მოგცეთ, ვფიქრობ ურიგო არ იქნება მისი გათვალისწინება მთლიანად თუ არა ნაწილობრივ მაინც.

არცერთი, ამ ფორუმზე, ისე არ ვიცნობთ თქვენს საქმეს როგორც თავად. უკეთ იცით საქმის მდგომარეობა და ხვდებით მისი განვითარების შესაძლებლობებს. ამიტომ, პირადად დაჯექით და ქვემოთ შემოტავაზებული გეგმის მიხედვით ჩამოწერეთ ყველაფერი. შემდეგ ყურადღებით რამდენჯერმე წაიკითხეთ. ეს საშუალებას მოგცემთ, უკეთესად დაინახოთ, როგორც დადებითი ასევე უარყოფითი მხარეები საქმეში.


განსახილველი საკითხები:
1. პროდუქტები და სერვისები
2. მარკეტინგის გეგმა
3. საექსპლოატაციო გეგმა
4. ფინანსური გეგმა


1. პროდუქტები და სერვისები
ჩამოაყალიბე კონკრეტულად რას და როგორ სთავაზობ. რამდენი დასახელების პროდუქტი გაქვს, ერთგვარი კატალოგი შექმენი. თითოეული ელემენტი დაიხსომე და მისი რეალიზება წარმოიდგინე. შეფუთვა, შემადგენლობა, მიწოდების სახე, მიწოდების ჭურჭელი. აღნიშნე თითოეული დასახელების სარგებლიანობა. მაგალითად, სამარხო სოკოს ღვეზელი, მთის ყველის ნაწარმი და ა.შ. განახორციელე ფასწარმოქმნა. იფიქრე, რომ შენ უკვე ყიდი პროდუქტს. ასევე მოიქეცი სერვისის შემთხვევაში, რეკლამის დროს აღნიშნე სწრაფი მიწოდება, დაბალი ფასი და სხვა. აქვე წარმოადგინე მომხმარებლის თვალით დანახული შენი პროდუქცია და სერვისი.

2. მარკეტინგის გეგმა
აქ თავი მოუყარე შენს მონაცემებს. შეგიძლია გამოიყენო ცნობარები და გამოკვეთო რეალური კონკურენტები. სოციალურ ქსელებზე ჩაატარე გამოკითხვა (თბილისის ფორუმი ამის საუკეთესო საშუალებაა), ამით დაადგენ ჯგუფი რას ანიჭებს უპირატესობას, როგორ პროდუქტს, როგორ სერვისს. ეს დაგეხმარება დახვეწო აღნიშნული.
ჩამოწერე შენი მომხმარებლები, ბავშვები, მეზობლები, ახალგაზრდები და ასე შემდეგ. განიხილე შენეული მარკეტინგის სტრატეგია. დაწერე პასუხები. როგორ მიაწვდენ ხმას მომხმარებელს? რა საშუალებით? რა სიხშირით? არის შენი რეკლამა ეფექტური? რა ხდის ეფექტურს? დაამუშავე გაყიდვების პროგნოზირება.

3. საექსპლოატაციო გეგმა
აღწერე ბიზნესის ყოველდღიურობა, ადგილი, მოწყობილობები, პროცესები.

4. ფინანსური გეგმა
ყველაზე მნიშვნელოვანი საკითხი მარკეტინგის გეგმის შემდეგ.
ა) 12 თვიანი მოგება-ზარალის დაგეგმვა.
ბ) ფულადი სახსრების მიმოქცევის დაგეგმვა.
გ) ბალანსის დაგეგმვა.
დ) გარდატეხის წერტილის პოვნა.

ა) 12 თვიანი მოგება-ზარალის დაგეგმვა
დაუშვი ვარაუდები, რომლებსაც გამოიყენებ კომპანიის შემოსავლისა და ხარჯების შესაფასებლად. ამაში დაგეხმარება 12 თვიანი ფინანსური გეგმის შემუშავება.
ბ) ფულადი სახსრების მიმოქცევის დაგეგმვა
ანუ, როგორი იქნება ნაღდი ფულისა და სხვა მატერიალური ღირებულებების ანგარიში მომავალში. თითოეული საგნისთვია განსაზღვრემ როდის ელოდები მისგან ფულის აღებას და როდის გამოთვლი მის დანახარჯებს. ფინანსური გეგმა შეადარე მიმოქცევას და მიხვდები რამდენად ადეკვატურია შენი ვაჭრობა. მიხვდები მოგებაზე ხარ თუ ზარალზე.
თუ ვაჭრობას აწარმოებ 1 თვეში, როდის შეკრიბავ ფულს?
ინვენტარსა და მასალებში როდის იხდი ფულს?
როგორ იმოქმედებს ეს ფულადი სახსრების მიმოქცევაზე?
არის თუ არა ზოგიერთი ხარჯი წინასწარ გადასახდელი?
გაქვს თუ არა არარეგულირებადი ხარჯები?
ბ) ბალანსის დაგეგმარება
ეს არის შენი 12 თვიანი ფინანსური გეგმის შეჯამება. შედეგი, თუ როგორია შენი ბალანსი 12 თვის შემდეგ. გაქვს ვარაუდები, რომლებიც გამოიყენე საქმის დაწყებისას და პროგნოზები, რომლებითაც წარმართავდი 12 თვიან გეგმას? თუ გაქვს ჩამოაყალიბე. დაინახავ მუშაობის შედეგს.
გ) გარდატეხის წერტილის პოვნა
ეს არის ვაჭრობის მოცულობა, მოცემული ფასისათვის მთლიანი ხარჯების ასანაზღაურებლად. გარდატეხის ვაჭრობას, გაყიდვებს გამოვთვლით შემდეგნაირად, ფიქსიებული ხარჯები გაყოფილი ცვალებად ხარჯებზე პროცენებში.


შეჯამების სახით, შეგვიძლია გამოვყოთ მნიშვნელოვანი საკითხები:

• ფასები
  
• ფასების დადების მეთოდები
  
• წარმოების მართვის სისტემა
  
• ხარისხის კონტროლი
  
• შრომის ნაყოფიერების საზომი. როგორ ზომავ ამ ნიუანსს?
  
• გარდატეხის წერტილის მნიშვნელობა და გაგება
  
• საგადასახადო და საშემოსავლო დებულებები
  
• რეგულარული მომხმარებლის შენარჩუნების სტრატეგია
  
• ახალი მომხმარებლის მიზიდვის სტრატეგია
  
• შენი კომპანიის იმიჯი.

მადლობა ყურადღებისთვის

[geobugler]

გამარჯობა კახა..

მოკლედ უღრმესი მადლობა ამდენი და ასე დაწვრილებით რომ დამიწერე და არ დაგეზარა..

ზუსტად ის მომეცი ეხლა, რაც ამ ეტაპზე მჭირდებოდა. ანუ სამოქმედო "სცენარი" რაც ამ ეტაპზე უნდა გავაკეთოთ და ხვალიდანვე დავიწყებ და მივყვები..

კიდევ ერთხელ დიდი მადლობა და მომავალშიც კიდევ შეგაწუხებ შენი ნებართვით - თუ სადმე გავიჭედე

[kakha90]

სამადლობელი არაფერია.
ეს არის ის რაც აერთიანებს ნებისმიერ ბიზნეს-წამოწყებას. მოკლე გეგმა დასაწყისისთვის. გამიხრდა რომ მოგეწონა.
სიამოვნებით მოვისმენ შენგან კარგ ამბებს და მზად ვიქნები შეძლების ფარგლებში თანადგომა გაგიწიო.